Categories: Diocese

സെന്റ് ജൂഡ് ദേവാലയ തിരുനാളിന് ഭക്തിസാന്ദ്രമായ തുടക്കം

സെന്റ് ജൂഡ് ദേവാലയ തിരുനാളിന് ഭക്തിസാന്ദ്രമായ തുടക്കം

 

അർച്ചന കണ്ണറവിള

പേയാട്: സെയിന്റ് ജൂഡ്‌ ദേവാലയ തിരുനാളിനു തുടക്കമായി. തിരുനാൾ ആരംഭ ദിനമായ 21 ഞായർ ഇടവക വികാരി ഫാ.ജോയി സാബു പതാക ഉയർത്തി ഇടവക തിരുനാളിനു ആരംഭം കുറിച്ചു. പതാക ഉയർത്തുന്നതിന്നു മുന്നോടിയായി പതാക പ്രയാണമുണ്ടായിരുന്നു. സെയിന്റ്‌ സേവ്യർ ദേവാലയത്തിൽ നിന്ന് ആരംഭിച്ചു സെന്റ് ജൂഡ് ദേവാലയത്തിൽ അവസാനിക്കുന്ന രീതിയിലാണ് പതാക പ്രയാണം നടത്തപ്പെട്ടത്.

തുടർന്ന്, ദേവാലയാങ്കണത്തിൽ ആർട്ടിസ്റ് കോട്ടൂർ രഘു പണിത പിയാത്ത ആശീർവാദകർമം നടന്നു.

ഒക്ടോബർ 21 മുതൽ ഒക്ടോബർ 28 വരെയാണ് ഇടവക തിരുനാൾ ആഘോഷം.
ആഘോഷമായ തീർത്ഥാടന തിരുനാൾ പ്രാരംഭ ദിവ്യബലിക്ക് മോൺ. വി. പി.ജോസ് മുഖ്യ കാർമ്മികനും വചനപ്രഘോഷകൻ ഫാ.ബെനഡിക്ട് ജി. ഡേവിഡും ആയിരുന്നു.

രണ്ടാം ദിനമായ 22 തിങ്കൾ ദിവ്യബലിക്ക് മുഖ്യ കാർമ്മികൻ റവ. ഫാ.ക്ലിറ്റസ് വിൻസെന്റ്, തുടർന്ന് ‘ദൈവഅനുഭവ ധ്യാനം’. ധ്യാനം നയിക്കുന്നത് പരിത്രാണ ധ്യാനകേന്ദ്രം, അടിച്ചിറ, കോട്ടയത്തെ ഫാ. സോനു കുളത്തൂർ വി.സി.യും ടീം അഗങ്ങളുമാണ്.

ഒക്ടോബർ 22 മുതൽ 25 വ്യാഴം വരെയുള്ള ദിവസങ്ങളിൽ ദിവ്യബലിയും, ദൈവാനുഭവ ധ്യാനവും ഉണ്ടായിരിക്കും. ഈ ദിനങ്ങളിൽ ദിവ്യബലികൾക്ക് മുഖ്യ കാർമികത്വം വഹിക്കുന്നത് ഫാ.ജോസഫ് ഷാജി, ഫാ.സ്റ്റാലിരാജ്, ഫാ.അനിൽ കുമാർ എന്നിവരാണ്.

ഒക്ടോബർ 26-നുള്ള ദിവ്യബലിക്ക് മുഖ്യകാർമ്മികൻ ഫാ.രാജേഷ് കുറിച്ചിയിലും വചനസന്ദേശം ഫാ. രതീഷ് മാർക്കോസും നൽകും. തുടർന്ന്, ദിവ്യകാരുണ്യ പ്രദക്ഷിണം ഉണ്ടായിരിക്കും.

ഒക്ടോബർ 27 ശനിയാഴ്ച രാവിലെ 8:00-ന് രോഗികൾക്കും പരേതാത്മാക്കൾക്കും വേണ്ടിയുള്ള വിശുദ്ധ കുർബാനയർപ്പിക്കുന്നത് ഫാ. രാഹുൽ ലാലാണ്.

വൈകുന്നേരം 4-ന് സന്ധ്യാവന്ദനത്തിന് മുഖ്യ കാർമ്മികൻ റവ. ഡോ. ക്രിസ്തുദാസ് തോംസണും, വചന പ്രഘോഷകൻ ഫാ. ജോസഫ് രാജേഷുമാണ്. തുടർന്ന്, വിശുദ്ധന്റെ തിരുസ്വരൂപ പ്രദക്ഷണം ഉണ്ടായിരിക്കും.

തിരുനാൾ മഹോത്സവ ദിവസമായ 28 ഞായർ ആഘോഷപരമായ സമൂഹ ദിവ്യബലിക്ക് കട്ടയ്ക്കോട് ഫെറോനാ വികാരി ഫാ. റോബർട്ട്‌ വിൻസെന്റ് മുഖ്യ കാർമികത്വംവഹിക്കും, ഫാ. ഷിബിൻ ബോസ്കോ വചനപ്രഘോഷണം നൽകും.

തുടർന്ന്, തിരുനാൾ പതാകയിറക്കോടും സ്‌നേഹവിരുന്നോടും കൂടി ഈവർഷത്തെ തിരുനാൾ സമാപിക്കും.

vox_editor

Recent Posts

22nd Sunday_2025_വിട്ടുകൊടുക്കലിന്റെ സുവിശേഷം (ലൂക്കാ 14: 7-14)

ആണ്ടുവട്ടത്തിലെ ഇരുപത്തിരണ്ടാം ഞായർ ഇന്നത്തെ സുവിശേഷ പശ്ചാത്തലം ഏതോ ഒരു ഫരിസേയ പ്രമാണിയുടെ വീട്ടിലെ വിരുന്നുശാലയാണ്. പ്രമുഖ സ്ഥാനങ്ങൾക്കായി തിരക്കുകൂട്ടുന്ന…

1 day ago

21st Ordinary Sunday_2025രക്ഷയുടെ വാതിൽ (ലൂക്കാ 13: 22 – 30)

ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…

1 week ago

സമാധാനവും ഭിന്നതയും (ലൂക്കാ 12:49-57)

ആണ്ടുവട്ടത്തിലെ ഇരുപതാം ഞായർ "ഭൂമിയില്‍ സമാധാനം നല്‍കാനാണു ഞാന്‍ വന്നിരിക്കുന്നതെന്നു നിങ്ങള്‍ വിചാരിക്കുന്നുവോ? അല്ല, ഭിന്നത എന്നു ഞാന്‍ നിങ്ങളോടു…

2 weeks ago

18th Sunday_Ordinary Time_ദ്രവ്യാസക്തി എന്ന നരകം (ലൂക്കാ 12: 13-21)

ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്‍നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന്‍ എന്റെ സഹോദരനോടു കല്‍പിക്കണമേ!"…

4 weeks ago

സേവനത്തിന്റെ കരങ്ങൾക്ക് വിലങ്ങിടുന്ന രാഷ്ട്രീയം

സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…

1 month ago

ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…

1 month ago