Categories: Kerala

ഹൈദരാബാദ് ആര്‍ച്ച് ബിഷപ്പ് കർദ്ദിനാൾ ആന്റണി പൂള ഭാരത കത്തോലിക്ക മെത്രാന്‍ സമിതിയുടെ പുതിയ പ്രസിഡന്റ്

ഭാരത കത്തോലിക്കാ സഭയിൽ ദളിത് വിഭാഗത്തിൽ നിന്ന് ആദ്യമായി കർദ്ദിനാളാൾ സ്ഥാനത്ത് അവരോധിക്കപ്പെട്ട വ്യക്തിയാണ് കർദ്ദിനാൾ ഡോ.ആന്റണി പൂള...

ജോസ് മാർട്ടിൻ

ബെംഗളുരു: ഭാരത കത്തോലിക്ക മെത്രാന്‍ സമിതിയുടെ (സിബിസിഐ) പുതിയ പ്രസിഡന്റായി ഹൈദരാബാദ് ആര്‍ച്ച് ബിഷപ്പ് കർദ്ദിനാൾ ഡോ.ആന്റണി പൂളയെ ബെംഗളൂരുവിലെ സെന്റ് ജോൺസ് മെഡിക്കൽ കോളേജ് ക്യാമ്പസ് ഓഡിറ്റോറിയത്തിൽ നടന്ന ഭാരതത്തിലെ കത്തോലിക്കാ മെത്രാൻമാരുടെ സമ്മേളത്തിൽ വെച്ച് തെരഞ്ഞെടുത്തു. ആർച്ച് ബിഷപ്പ് ആൻഡ്രൂസ് താഴത്ത് കാലാവധി പൂർത്തിയാക്കി ഒഴിഞ്ഞ സ്ഥാനത്താണ് ലത്തീൻ റീത്തിൽ നിന്നുള്ള കർദ്ദിനാൾ ഡോ.ആന്റണി പൂള തിരഞ്ഞെടുക്കപ്പെട്ടത്.

ആന്ധ്രപ്രദേശിലെ കുർണൂൽ രൂപതാംഗങ്ങളായ ആരോഗ്യമ്മ-ആന്റണി ദമ്പതികളുടെ മകനായി 1961 നവംബർ 15-ന് ജനിച്ച അദ്ദേഹം പോലുരു, പ്രകാശം, കുറനൂൽ പരിഷത്ത്, സെന്റ് മേരിസ് എന്നീ സ്കൂളുകളിൽ പ്രാഥമിക വിദ്യാഭ്യാസവും കൃഷ്ണദേവരായ കോളേജിൽനിന്ന് ബി. കോം ബിരുദവും കരസ്ഥമാക്കി. അതിനുശേഷമാണ് സെന്റ് പോൾ സെമിനാരിയിൽ വൈദിക പഠനം ആരംഭിച്ചത്. തുടർന്ന്, റോമിലെ ഉർബാനിയാന സർവ്വകലാശാലയിൽ നിന്ന് ഫിലോസഫിയിലും, തിയോളജിയിലും ബാച്ചിലർ ബിരുദങ്ങൾ കരസ്ഥമാക്കി.

1992 ഫെബ്രുവരി 20-ന് വൈദീകപട്ടം സ്വീകരിച്ച അദ്ദേഹത്തെ 2008-ൽ കുർനൂൽ രൂപതാധ്യക്ഷനായും 2020 നവംബർ 19 -ന് ഹൈദരാബാദ് അതിരൂപതയുടെ ആർച്ച് ബിഷപ്പായും 2022 ഓഗസ്റ്റ് 27-ന് കർദ്ദിനാളായും പരിശുദ്ധ പിതാവിനാൽ നിയമിതനായി. ഭാരത കത്തോലിക്കാ സഭയിൽ ദളിത് വിഭാഗത്തിൽ നിന്ന് ആദ്യമായി കർദ്ദിനാളാൾ സ്ഥാനത്ത് അവരോധിക്കപ്പെട്ട വ്യക്തിയാണ് കർദ്ദിനാൾ ഡോ.ആന്റണി പൂള.

vox_editor

Recent Posts

മുറിവുകളുമായി ഉത്ഥിതൻ (യോഹ 20:19-31)

പെസഹാക്കാലം രണ്ടാം ഞായർ യേശുവിന്റെ ശിഷ്യന്മാർ. ആ പേരിന് ഇനി അവർ അർഹരാണോ? ഗുരുവിനെ തള്ളിപ്പറഞ്ഞവരാണവർ. ഗത്സമനിയിൽ വച്ച് അവനെ…

5 days ago

ശൂന്യമായ കല്ലറ

ജോസ് മാർട്ടിൻ ഈസ്റ്റർ രാവിൽ ആലപ്പുഴ ഔർ ലേഡി ഓഫ്‌ മൗണ്ട് കാർമ്മൽ കത്തീഡ്രലിൽ രൂപതാദ്ധ്യക്ഷൻ ബിഷപ്പ് ഡോ. ജെയിംസ്…

1 week ago

Easter_2026_ഉത്ഥിതനും ക്രൂശിക്കപ്പെട്ടവരും

ഈസ്റ്റർ ഈസ്റ്റർ വരുന്നത് ദുഃഖവെള്ളിയുടെ നിലവിളിയുമായാണ്. അതിൽ ലോകത്തിലെ ക്രൂശിക്കപ്പെട്ടവരെല്ലാവരും ഉൾക്കൊള്ളുന്നുണ്ട്. അതുകൊണ്ടാണ് കുരിശിന്റെ അടയാളങ്ങൾ വഹിച്ചുകൊണ്ട് ഉയിർത്തെഴുന്നേറ്റവൻ ശിഷ്യന്മാർക്ക്…

2 weeks ago

Palm Sunday_2026_കുരിശിലേക്ക് ഒരു യാത്ര (മത്താ 26:14-27:66)

ഓശാന ഞായർ ക്രിസ്തുവിന്റെ പീഡാനുഭവം നമ്മുടെ ധ്യാന വിഷയമാകുന്ന ദിനങ്ങൾ. നമ്മുടെ വിശ്വാസത്തിന്റെ ഉറവിടവും ഉന്നതിയുമാണത്. എന്തു നൊമ്പരങ്ങൾ വന്നാലും…

3 weeks ago

5th Senday Lent_2016_സ്നേഹം മരണത്തെക്കാൾ ശക്തം (യോഹ 11:1-44)

തപസ്സുകാലം അഞ്ചാം ഞായർ യേശു സൗഹൃദത്തെയും മരണത്തെയും മുഖാമുഖം ദർശിക്കുന്ന രംഗമാണ് ഇന്നത്തെ സുവിശേഷം ചിത്രീകരിക്കുന്നത്. സ്നേഹവും നൊമ്പരവും: എല്ലാ…

4 weeks ago

4th Sunday Lent_2026_ആത്മീയ അന്ധതയുള്ളവർ (യോഹ 9: 1- 41)

തപസ്സുകാലം നാലാം ഞായർ അന്ധത ശാരീരികമായ ഒരു അവസ്ഥ മാത്രമല്ല, പ്രതീകാത്മകവും കൂടിയാണ്. ഈ രണ്ട് അവസ്ഥകളെയുമാണ് ഇന്നത്തെ സുവിശേഷം…

1 month ago