കുരിശ്‌ സഹനത്തിന്റെ പ്രതീകം തീർഥാടകർ സ്വയം നിയന്ത്രിച്ച്‌ തീർത്ഥാനത്തിൽ പങ്കെടുക്കണം; ബിഷപ്‌ വിൻസെന്റ്‌ സാമുവൽ

സ്വന്തം ലേഖകന്‍

ബോണക്കാട്‌: ‘കുരിശ്‌ സഹനത്തിന്റെ പ്രതീക’മാണെന്ന്‌ ബിഷപ്‌ ഡോ.വിൻസെന്റ്‌ സാമുവൽ. കുരിശിനെപ്രതിയുളള വേദനകളിൽ തീർത്ഥാടകർ അലിഞ്ഞ്‌ ചേരുമ്പോഴാണ്‌ കുരിശുമല തീർത്ഥാടനം ധന്യമാകുന്നതെന്നും ബിഷപ്‌ പറഞ്ഞു.

സഹനത്തിന്റെ നാളുകളിലൂടെയാണ്‌ വിശ്വാസികൾ കടന്ന്‌ പോകുന്നത്‌. കോടതി വിധിയെ മാനിക്കാനും പാലിക്കാനും എല്ലാവരും ബാദ്ധ്യസ്‌ഥരാണ്‌. എന്നാൽ, എല്ലാവർക്കും ഒരേ നീതി ലഭ്യമാക്കുമ്പോഴാണ്‌ അതിന്‌ പൂർണ്ണത ലഭിക്കുന്നത്‌. കുരിശിന്‌ വേണ്ടി തീർത്ഥാടകർ കൂടുതൽ സഹിക്കുമ്പോൾ വിശ്വാസത്തിന് പൂർണ്ണതയുണ്ടാവും.

മലമുകളിലെ തകർക്കപ്പെട്ട കുരിശ്‌ ഒരോ തീർത്ഥാടകന്റെയും മനസിലെ വിങ്ങലാണെന്നും ബിഷപ്‌ പറഞ്ഞു. വരും ദിവസങ്ങളിൽ സഹനത്തോടെ നിയമങ്ങൾ പാലിച്ച്‌ സമ്യപനം പാലിച്ച്‌ തീർത്ഥാടനം നടത്തണമെന്നും ബിഷപ്‌ തീർത്ഥാടകരെ ഓർമ്മിപ്പിച്ചു.