Categories: Diocese

സമൂഹവിവാഹ പൊലിമയിൽ ഗോൾഡൻ ജൂബിലി ആഘോഷമാക്കി കണ്ണറവിള ഇടവക

സമൂഹവിവാഹ പൊലിമയിൽ ഗോൾഡൻ ജൂബിലി ആഘോഷമാക്കി കണ്ണറവിള ഇടവക

സ്വന്തം ലേഖകൻ

നെയ്യാറ്റിൻകര : നെയ്യാറ്റിൻകര രൂപതയിലെ കണ്ണറവിള ഇടവക, ഇടവകയുടെ ഗോൾഡൻ ജൂബിലി ആഘോഷം അവിസ്മരണീയമാക്കിയത് സാധുക്കളായ മൂന്ന് പെൺകുട്ടികളുടെ വിവാഹമെന്ന സ്വപ്നം പൂവണിയിച്ചുകൊണ്ട്. മെയ് 16-ന് രാവിലെ 10 മണിക്ക് മൂന്ന് പെൺകുട്ടികൾക്ക് അവരുടെ കുടുംബങ്ങൾ കണ്ടുപിടിച്ച വരന്മാർ ഇടവകയുടെ ഗോൾഡൻ ജൂബിലിക്ക് ഒത്തുകൂടിയ ജനസഞ്ചയത്തെ സാക്ഷിയാക്കി മിന്നുകെട്ടി.

ഇടവകയുടെ ഗോൾഡൻ ജൂബിലിയോട് അനുബന്ധിച്ച് നടത്തിയ വിവാഹം ദിവ്യബലിക്ക് മോൺ. വി. പി. ജോസ് മുഖ്യകാർമ്മികനായി. നെയ്യാറ്റിൻകര രൂപതാ വികാരിജനറൽ മോൺ. ജി. ക്രിസ്തുദാസ് വിവാഹങ്ങൾ ആശീർവദിച്ചു. റവ. ഫാ. അനിൽകുമാർ എസ്. എം. വചനസന്ദേശം നൽകി. രൂപതാ മൈനർ സെമിനാരി വൈസ് റെക്ടർ റവ. ഡോ. അലോഷ്യസ്, ഇടവക വികാരി റവ. ഫാ. ബിനു റ്റി. എന്നിവർ സഹകാർമികരായി.

തുടർന്ന് നടന്ന അനുമോദന സമ്മേളനം, നെയ്യാറ്റിൻകര നിയോജക മണ്ഡലം എം.എൽ.എ. ശ്രീമാൻ ആൻസലം ഉദ്‌ഘാടനം ചെയ്തു. ഇടവക വികാരി ഫാ. ബിനു റ്റി. അധ്യക്ഷനായിരുന്നു. സമ്മേളനത്തിൽ മോൺ. ജി. ക്രിസ്തുദാസ് അനുഗ്രഹപ്രഭാഷണം നൽകി. മോഹൻദാസ് നവദമ്പദികൾക്ക് സാമ്പത്തിക സഹായം നൽകി അനുമോദിച്ചു. തിരുവനന്തപുരം ജില്ലാ പഞ്ചായത്ത് പ്രസിഡന്റ് ശ്രീമതി ബീനയും കോട്ടുകാൽ ഗ്രാമപഞ്ചായത്ത് പ്രസിഡന്റ്  ശ്രീമതി സജിയും ആശംസകൾ അർപ്പിച്ചു. ഇടവക കൗൺസിൽ അംഗങ്ങളായ ശ്രീമാൻ ജി. ബാബു, ശ്രീമാൻ എൽ. സേവ്യർ, ശ്രീമാൻ പ്രഭുല ചന്ദ്രൻ എന്നിവരും ഇടവകയുടെ പേരിൽ  ആശംസകളർപ്പിച്ച് സംസാരിച്ചു.

തുടർന്ന്, നെല്ലിമൂട് ആർ.ബി.എം. ഓഡിറ്റോറിയത്തിൽ ഒരുക്കിയ വിവാഹ വിരുന്നു സൽക്കാരത്തോട്കൂടി ഇടവകയുടെ ഗോൾഡൻ ജൂബിലി ആഘോഷങ്ങൾക്ക് വിരാമമായി.

vox_editor

Recent Posts

6th Sunday_Ordinary Time_2026_നിയമത്തിന്റെ ആന്തരീകത (മത്താ 5: 17-37)

ആണ്ടുവട്ടത്തിലെ ആറാം ഞായർ ധാർമികവിപ്ലവം വിതയ്ക്കുന്ന ഒരു സുവിശേഷഭാഗം. യേശു പൂർവികരുടെ നിയമത്തെ സ്നേഹം കൊണ്ട് വ്യാഖ്യാനിക്കുന്നു. സമൂലമായ പരിവർത്തനത്തിന്റെ…

23 hours ago

ഹൈദരാബാദ് ആര്‍ച്ച് ബിഷപ്പ് കർദ്ദിനാൾ ആന്റണി പൂള ഭാരത കത്തോലിക്ക മെത്രാന്‍ സമിതിയുടെ പുതിയ പ്രസിഡന്റ്

ജോസ് മാർട്ടിൻ ബെംഗളുരു: ഭാരത കത്തോലിക്ക മെത്രാന്‍ സമിതിയുടെ (സിബിസിഐ) പുതിയ പ്രസിഡന്റായി ഹൈദരാബാദ് ആര്‍ച്ച് ബിഷപ്പ് കർദ്ദിനാൾ ഡോ.ആന്റണി…

23 hours ago

5th Sunday_Ordinary Time_ലോകത്തിന്റെ പ്രകാശം (മത്താ 5:13-16)

ആണ്ടുവട്ടത്തിലെ അഞ്ചാം ഞായർ പ്രകാശം: ദൈവത്തിന്റെ ഏറ്റവും സുന്ദരമായ നിർവചനങ്ങളിൽ ഒന്ന് (1യോഹ1:5). പക്ഷേ ഇന്നത്തെ സുവിശേഷഭാഗം വേറൊരു കാഴ്ചപ്പാടാണ്…

1 week ago

കേരള ലാറ്റിൻ കാത്തലിക് ഹിസ്റ്ററി അസോസിയേഷൻ പ്രഥമ ചരിത്ര പുരസ്കാരങ്ങൾ വിതരണം ചെയ്തു

ജോസ് മാർട്ടിൻ കൊച്ചി: കേരള ലാറ്റിൻ കാത്തലിക് ഹിസ്റ്ററി അസോസിയേഷന്റെ പ്രഥമ ചരിത്ര പുരസ്കാരങ്ങൾ വിതരണം ചെയ്തു. കേരള കത്തോലിക്കാ…

2 weeks ago

4th Sunday_Ordinary Time_2026_സുവിശേഷഭാഗ്യങ്ങൾ (മത്താ 5:1-12)

ആണ്ടുവട്ടത്തിലെ നാലാം ഞായർ "ജനക്കൂട്ടത്തെ കണ്ടപ്പോൾ യേശു മലയിലേക്കു കയറി". തന്നെ അനുഗമിക്കുന്നവരുടെ വേദന, കണ്ണുനീർ, അവർ അനുഭവിച്ച അനീതികൾ,…

2 weeks ago

കേരള ലാറ്റിൻ കാത്തലിക് ഹിസ്റ്ററി അസോസിയേഷൻ പ്രഥമ ചരിത്ര അവാർഡുകൾ പ്രഖ്യാപിച്ചു; ഡോ.ആന്റെണി ജോർജ് പാട്ടപ്പറമ്പിലിന് ചരിത്രഭൂഷൺ പുരസ്‌കാരം

ജോസ് മാർട്ടിൻ കൊച്ചി: കേരള ലാറ്റിൻ കാത്തലിക് ഹിസ്റ്ററി അസോസിയേഷന്റെ പ്രഥമ ചരിത്ര അവാർഡുകൾ പ്രഖ്യാപിച്ചു. വിജയപുരം രൂപതാ കോർപ്പറേറ്റ്…

2 weeks ago