മദര്‍ തെരേസ മീഡിയ ഉദ്ഘാടനം ചെയ്യ്തു

സ്വന്തം ലേഖകന്‍

നെയ്യാറ്റിന്‍കര ; നെയ്യാറ്റിന്‍കര രൂപതയിലെ മേലാരിയോട് വിശുദ്ധ മദര്‍ തെരേസാ തീര്‍ഥാന ദേവാലയത്തില്‍ മദര്‍ തെരേസ മീഡിയക്ക് തുടക്കം കുറിച്ചു.

ദേവാലയത്തിന്‍റെ പ്രവര്‍ത്തനങ്ങളും മദര്‍തെരേസാ ചിന്തകളും മദര്‍ തെരേസയുമായി ബന്ധപ്പെട്ട വാര്‍ത്തകളുമെല്ലാം ഡിജിറ്റല്‍ പ്ളാറ്റ്ഫോമില്‍ എത്തിക്കുന്നതിന്‍റെ ഭാഗമായാണ് സാമൂഹിക മാധ്യമങ്ങളെ ഉപയോഗിച്ച് കൊണ്ടുളള പ്രവര്‍ത്തനം. ഫെയ്സ്ബുക്ക് യുട്യൂബ് പ്ളാറ്റ്ഫോമുകളിലേക്ക് ഇടവകയുടെ പ്രവര്‍ത്തനം ഈ സംവിധാനത്തിലൂടെ എത്തിക്കും.

മദര്‍ തെരേസ മീഡിയയുടെ പ്രവര്‍ത്തനം യുട്യൂബ് ചാനല്‍ ഉദ്ഘാടനം ചെയ്യ്ത് കൊണ്ട് ഇടവക വികാരി ഡോ.ജോണി കെ ലോറന്‍സ് തുടക്കം കുറിച്ചു .  കോവിഡ് കാലത്ത് സുവിശേഷ പ്രഘോഷണം ഡിജിറ്റലാകുന്നതിനൊപ്പം സുരക്ഷിതമായും ജനങ്ങള്‍ക്ക് പ്രയോജനപ്പെടുന്ന രീതിയിലും ഉപയോഗിക്കപ്പെടണമെന്ന് അദ്ദേഹം പറഞ്ഞു.

ഇടവകയുടെ സഹവികാരി ഫാ.സാവിയോ ഫ്രാന്‍സിസ് , പാരിഷ് കൗണ്‍സില്‍ സെക്രട്ടറി സജി ജോസ്, അകൗണ്ടന്‍റ് എ ക്രിസ്തുദാസ് , സനിത ജോസ് പ്രകാശ് തുടങ്ങിയവര്‍ പങ്കെടുത്തു.