അനിൽ ജോസഫ്
മാറനല്ലൂര്‍: വിശുദ്ധ മദര്‍ തെരേസയുടെ പേരിലെ ലോകത്തിലെ ആദ്യ ദേവാലയമായ മേലാരിയോട് വിശുദ്ധ മദര്‍ തെരേസ ദേവാലയത്തിലെ തീര്‍ഥാടന തിരുനാളിന് ഭക്തി നിര്‍ഭരമായ തുടക്കം. തീര്‍ഥാടനത്തിന് തുടക്കം കുറിച്ചുകൊണ്ടുളള പാതാക പ്രയാണം കടമ്പനാംകോണം ജംഗ്ഷനില്‍ ഇടവക സഹവികാരി ഫാ.അലക്സ് സൈമണ്‍ ആശീര്‍വദിച്ചു. തുടര്‍ന്ന്, മാലാഖ കുഞ്ഞുങ്ങളുടെയും, ബാന്‍ഡ്മേളത്തിന്‍റെയും അകമ്പടിയോടെ ദേവാലയത്തിന് മുന്നില്‍ തീര്‍ഥാടകര്‍ക്ക് വണങ്ങാനായി ഒരുക്കിയ മദര്‍തെരേസയുടെ തിരുസ്വരൂപവും കൊടിയേറ്റിനുളള പതാകയും വഹിച്ച് പതാക പ്രയാണം നടന്നു.
ഇടവക വികാരി ഫാ.ജോണി കെ.ലോറന്‍സ് കൊടിയേറ്റി തീര്‍ഥാടന തിരുനാളിന് തുടക്കം കുറിച്ചു. തീര്‍ഥാടന പ്രാരംഭ ദിവ്യബലിക്ക് നെയ്യാറ്റിന്‍കര രൂപത വികാരി ജനറല്‍ മോണ്‍.ജി.ക്രിസ്തുദാസ് മുഖ്യ കാര്‍മ്മികത്വം വഹിച്ചു. മദര്‍ തെരേസയുടെ നന്‍മകള്‍ അറിയാത്തവരാണ് മദര്‍ തെരേസക്കെതിരെ വ്യാജ പ്രചരണങ്ങള്‍ നടത്തുന്നതെന്ന് വികാരി ജനറല്‍ ദിവ്യബലയുടെ ആമുഖ സന്ദേശത്തില്‍ പറഞ്ഞു. മിഷണറീസ് ഓഫ് ചാരിറ്റി സന്യാസ സഭക്കെതിരെ കേന്ദ്ര സര്‍ക്കാരിന്‍റെ നടപടികള്‍ ക്രൈസ്തവ സമൂഹം വേദനയോടെയാണ് നേതാക്കികാണുന്നതെന്നും അദേഹം കൂട്ടിച്ചേർത്തു. ഉച്ചക്കട ഇടവക വികാരി ഫാ.സി.ജോയി വചന സന്ദേശം നല്‍കി. നെയ്യാറ്റിന്‍കര രൂപതയിലെ മുതിര്‍ന്ന വൈദികന്‍ ഫാ.ഫ്രാന്‍സിസ് സേവ്യര്‍, ഇടവക വികാരി ഫാ.ജോണി കെലോറന്‍സ്, സഹവികാരി ഫാ.അലക്സ് സൈമണ്‍ തുടങ്ങിയവര്‍ സഹ കാര്‍മ്മികരായി.
8-ന് വൈകിട്ട് 6.30 ന് നടക്കുന്ന സമൂഹ ദിവ്യബലിയോടെയാണ് തീര്‍ഥാടനത്തിന് സമാപനമാവുന്നത്.
ആണ്ടുവട്ടത്തിലെ മുപ്പത്തിരണ്ടാം ഞായർ പത്ത് കന്യകമാരുടെ ഉപമയാണ് ഇന്നത്തെ ധ്യാനവിഷയം. ഈ ഉപമയിലെ കഥാപാത്രങ്ങളിൽ ആരും തന്നെ പൂർണമായും മാതൃകാപരമായവരല്ല.…
ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…
സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…
ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…
ആണ്ടുവട്ടത്തിലെ മുപ്പതാം ഞായർ ഒരൊറ്റ ക്രിയയിലാണ് കൽപ്പനകൾ മുഴുവൻ സംഗ്രഹിച്ചിരിക്കുന്നത്; സ്നേഹിക്കുക (Ἀγαπήσεις = Agapēseis). ഭാവിയിലേക്കാണ് അത് വിരൽചൂണ്ടുന്നത്.…
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
This website uses cookies.
