Categories: Diocese

ബൈബിൾ കറസ്പോണ്ടൻസ് കോഴ്സ് ആരംഭിച്ചു

ബൈബിൾ കറസ്പോണ്ടൻസ് കോഴ്സ് ആരംഭിച്ചു

ഫാ. ക്രിസ്റ്റഫർ

നെയ്യാറ്റിൻകര: നെയ്യാറ്റിൻകര രൂപതയിലെ പാസ്റ്ററൽ മിനിസ്ട്രിയുടെ നേതൃത്വത്തിൽ ബൈബിൾ ആൻഡ് കാറ്റക്കിസം സംഘടിപ്പിക്കുന്നതാണ് ബൈബിൾ കറസ്പോണ്ടൻസ് കോഴ്സ്. പുതിയ അധ്യയന വർഷത്തിന്റെയും പുതിയ ബാച്ചുകളുടെയും ഉദ്‌ഘാടനം ജൂൺ 9-ന് ലോഗോസ് പാസ്റ്ററൽ സെന്ററിൽ വച്ച് അഭിവന്ദ്യ ബിഷപ്പ് വിൻസെന്റ് സാമുവേൽ നിർവഹിച്ചു.

ഉദ്‌ഘാടന സമ്മേളനത്തിൽ അഭിവന്ദ്യ പിതാവിന്റെ വാക്കുകൾ ഇങ്ങനെയായിരുന്നു : ‘ബൈബിൾ കറസ്പോണ്ടൻസ് കോഴ്സ് നമ്മെ ദൈവ അനുഭവത്തിലേയ്ക്കും വചന ബോധ്യത്തിലേയ്ക്കും പ്രേഷിത ചൈതന്യത്തിലേയ്ക്കും നയിക്കും. അതുകൊണ്ട്, ഈ സാധ്യത ആത്മാർത്ഥമായി ഉപയോഗപ്പെടുത്തുക’. ഈ ദൈവ ശാസ്ത്ര പഠനങ്ങൾ നമ്മെ മികവുറ്റ വിശ്വാസ ജീവിതം കെട്ടിപ്പടുക്കുന്നതിന് സഹായിക്കും എന്നും ആഹ്വാനം ചെയ്തു.

പാസ്റ്ററൽ മിനിസ്ട്രി ഡയറക്ടർ റവ. ഡോ. നിക്സൺ രാജ് അധ്യക്ഷനായിരുന്ന ഉത്‌ഘാടന സമ്മേളനത്തിൽ എക്സിക്യൂട്ടീവ് സെക്രട്ടറി ഫാ. ക്രിസ്റ്റഫർ സ്വാഗതം ആശംസിച്ചു. അനിമേറ്റർ അഗസ്റ്റിൻ ആശംസകൾ അർപ്പിച്ചു. അനിമേറ്റർ സുരേഷ് വെട്ടുകാട് നന്ദിയർപ്പിച്ചു.

പാസ്റ്ററൽ മിനിസ്ട്രിയുടെ നേതൃത്വത്തിൽ ബൈബിൾ ആൻഡ് കാറ്റക്കിസം സംഘടിപ്പിക്കുന്ന “ബൈബിൾ കറസ്പോണ്ടൻസ് കോഴ്സ്” തുടർച്ചയായ രണ്ടാം വർഷത്തിലേയ്ക്ക് പ്രവേശിച്ചിരിക്കുകയാണ്. കഴിഞ്ഞ ബാച്ചിൽ 103 പേർ പങ്കെടുക്കുകയുണ്ടായി.

കെ.സി.ബി.സി. ബൈബിൾ കമ്മീഷന്റെ നിർദ്ദേശങ്ങൾ പാലിച്ചുകൊണ്ട് നടത്തപ്പെടുന്ന ഈ കറസ്പോണ്ടൻസ് കോഴ്സിന് ഒരു വർഷത്തിൽ പത്തുക്ലാസുകളായാണ് പാഠ്യപദ്ധതി ക്രമീകരിച്ചിരിക്കുന്നത്. രണ്ടു വർഷത്തെ ദൈർഘ്യമുള്ള ഈ കോഴ്സിലൂടെ പൂർണ്ണമായ ബൈബിൾ പഠനമാണ് ലക്ഷ്യം.

എല്ലാമാസവും രണ്ടാമത്തെ ശനിയാഴ്ചകാളിലാണ് ക്ലാസുകൾ ക്രമീകരിച്ചിരിക്കുന്നത്. സമയം രാവിലെ 9.30 മുതൽ വൈകുന്നേരം 3.30 വരെ.

കൂടുതൽ വിവരങ്ങൾക്ക് നെയ്യാറ്റിൻകര രൂപതയുടെ പാസ്റ്ററൽ മിനിസ്ട്രി കമ്മീഷന്റെ ബൈബിൾ ആൻഡ് കാറ്റക്കിസം വിഭാഗവുമായി ബന്ധപ്പെടുക.

vox_editor

Recent Posts

3rd Sunday_Ordinary Time_2026_ദൈവവചനം പ്രഘോഷിക്കപ്പെടട്ടെ (മത്താ 4: 12-23)

ആണ്ടുവട്ടത്തിലെ മൂന്നാം ഞായർ യോഹന്നാൻ ബന്ധനസ്ഥനായിരിക്കുന്നു. എല്ലാവർക്കുമുള്ള ഒരു സന്ദേശമായിരുന്നു അത്. രാജാവിന് അപ്രിയമായതൊന്നും പ്രസംഗിക്കരുത് എന്ന സന്ദേശം. ഭയത്തിന്റെ…

2 days ago

2nd Ordinary Sunday_2026_ദൈവത്തിന്റെ കുഞ്ഞാട് (യോഹ. 1: 29-34)

ആണ്ടുവട്ടത്തിലെ രണ്ടാം ഞായർ "ഇതാ, ദൈവത്തിന്റെ കുഞ്ഞാട്" - തന്റെ അടുത്തേക്ക് വരുന്ന നസ്രായനെ നോക്കി സ്നാപകൻ ശിഷ്യന്മാർക്ക് നൽകുന്ന…

1 week ago

Baptism of Jeuse_2026_സ്നേഹ പ്രഖ്യാപനം (മത്താ 3: 13-17)

ക്രിസ്തുവിന്റെ ജ്ഞാനസ്നാന തിരുനാൾ 30 വർഷങ്ങൾ കടന്നുപോയി: ബെത്‌ലഹേമിലെ കുഞ്ഞ് ഇപ്പോൾ ഒരു യുവാവാണ്. എവിടെയായിരുന്നു അവൻ ഇത്രയും നാളും?…

2 weeks ago

Epiphany_2026_എല്ലാവരുടെയും ദൈവം (മത്താ 2:1-12)

പ്രത്യക്ഷവൽക്കരണത്തിരുനാൾ ഇന്ന്, പ്രത്യക്ഷവത്കരണത്തിരുനാൾ, അതായത്, മിശിഹാ ഇസ്രായേലിന്റെ ഒരു സ്വകാര്യ നിധിയല്ല, മറിച്ച് എല്ലാവർക്കും വേണ്ടിയുള്ളതാണെന്നു പ്രഖ്യാപിക്കുന്ന ആഘോഷം. ലൂക്കാ…

3 weeks ago

സംയുക്ത ക്രിസ്തുമസ് വിളമ്പര റാലി ഹോപ്പ് 2K25; വിശ്വാസത്തിന്റെ സാക്ഷ്യങ്ങളായി പതിനായിരങ്ങൾ

ജോസ് മാർട്ടിൻ ആലപ്പുഴ: ക്രിസ്തുവിന്റെ മനുഷ്യാവതാര ജൂബിലി വർഷത്തിന്റെ സമാപനത്തിന്റെ ഭാഗമായി ആലപ്പി എക്യുമെനിക്കൽ കൗൺസിലിന്റെ ആഭിമുഖ്യത്തിൽ ആലപ്പുഴ പട്ടണത്തിലെ…

1 month ago

ഐ‌.എം‌.എസ്. ധ്യാനഭവൻഡയറക്ടർ ഫാ. പ്രശാന്ത് ഐ‌.എം‌.എസ്. നിര്യാതനായി

ജോസ് മാർട്ടിൻ ആലപ്പുഴ/പുന്നപ്ര: ഐ‌.എം‌.എസ്. ധ്യാനഭവൻ ഡയറക്ടർ ഫാ. പ്രശാന്ത് ഐ‌.എം‌.എസ്. ഇന്ന് രാവിലെ ഹൃദയാഘാതത്തെ തുടര്‍ന്ന് നിര്യാതനായി. ഹൃദയാസ്വാസ്ഥ്യത്തെ…

1 month ago