Categories: Kerala

പ്രവാസികളെയും അഭയാർത്ഥികളെയും സ്വീകരിക്കുന്ന തുറവിയുടെ സംസ്കാരം രൂപപ്പെടുത്താൻ പൊതു സമൂഹത്തിന് ബാധ്യതയുണ്ട്; ആർച്ച്ബിഷപ്പ് ഡോ. ജോസഫ് കളത്തിപ്പറമ്പിൽ

പ്രവാസികളെയും അഭയാർത്ഥികളെയും സ്വീകരിക്കുന്ന തുറവിയുടെ സംസ്കാരം രൂപപ്പെടുത്താൻ പൊതു സമൂഹത്തിന് ബാധ്യതയുണ്ട്; ആർച്ച്ബിഷപ്പ് ഡോ. ജോസഫ് കളത്തിപ്പറമ്പിൽ

സ്വന്തം ലേഖകൻ

എറണാകുളം: പ്രവാസികളെയും അഭയാർത്ഥികളെയും സ്വീകരിക്കുന്ന തുറവിയുടെ സംസ്കാരം രൂപപ്പെടുത്താൻ പൊതു സമൂഹത്തിന് ബാധ്യതയുണ്ടെന്ന് ആർച്ച്ബിഷപ്പ് ഡോ ജോസഫ് കളത്തിപ്പറമ്പിൽ. സി.ബി.സി.ഐ. ലേബർ കമ്മിഷനും വർക്കേഴ്സ് ഇൻഡ്യ ഫെഡറേഷനും കേരള ലേബർ മൂവ്മെൻറിന്റെ സഹകരണത്തോടെ “അന്തർദ്ദേശിയ കുടിയേറ്റം: പ്രശ്നങ്ങളും സാധ്യതകളും” എന്ന വിഷയത്തിൽ നടന്ന ശില്പശാല ഉദ്ഘാടനം ചെയ്യുകയായിരുന്നു അദ്ദേഹം.

കുടിയേറ്റത്തിന്റെ ദുരിതങ്ങൾ ഏറ്റുവാങ്ങുന്നവരുടെ ജീവിതം നമ്മുടെ ജീവിതവുമായി ചേർത്തുവായിക്കുമ്പോഴാണ് അവരുടെ പ്രശ്നങ്ങളുടെ ആഴവും വ്യാപ്തിയും നമുക്ക് മനസ്സിലാക്കാനാവുകയെന്നും, സുരക്ഷിതവും നിയാമാനുസൃതവുമായ കുടിയേറ്റത്തിനു സാഹചര്യങ്ങളൊരുക്കാൻ നമ്മൾ പ്രതിജ്ഞാബദ്ധരാണെന്നും ആർച്ച്ബിഷപ്പ് ആഹ്വാനം ചെയ്തു.

വർക്കേഴ്സ് ഇന്ത്യ ഫെഡറേഷൻ ദേശീയ പ്രസിഡന്റ് ജോസഫ് ജൂഡ് അദ്ധ്യക്ഷത വഹിച്ചു. എച്ച്.എം.എസ്. മുൻ ദേശിയ പ്രസിഡന്റ് അഡ്വ.തമ്പാൻ തോമസ് മുഖ്യ പ്രഭാഷണം നടത്തി. ഐ.സി.എം.സി. അന്തർദ്ദേശീയ സെക്രട്ടറി ഫാ. ജെയ്സൺ വടശ്ശേരി, കെ.സി.ബി.സി. ലേബർ കമ്മീഷൻ സെക്രട്ടറി ഫാ. ജോർജ് തോമസ് നിരപ്പുകാലായിൽ, കെ.എൽ.എം. സംസ്ഥാന പ്രസിഡന്റ് സെബാസ്റ്റ്ൻ പാലപ്പറമ്പിൽ തുടങ്ങിയവർ പ്രസംഗിച്ചു.

“കേരളത്തിന്റെ പശ്ചാത്തലത്തിൽ കുടുയേറ്റത്തിന്റെ പ്രശ്നങ്ങൾ” ഡോ. ഗീതിക ജി. (യു.സി. കോളേജ്), സിറിൾ സഞ്ജു (ഐ.സി.എം.സി.) എന്നിവർ അവതരിപ്പിച്ചു. “പ്രളയാനന്തര കുടിയേറ്റത്തിത്തിന്റെ പ്രതിസന്ധികൾ” എന്ന വിഷയം ഡോ. മാർട്ടിൻ പാട്രിക്കും, “ഗാർഹിക തൊഴിലാളികളും കുടിയേറ്റ പ്രശ്നങ്ങളും” എന്ന വിഷയം ഡോ.സിസ്റ്റർ ലിസി ജോസഫും അവതരിപ്പിച്ചു. ജോയി ഗോതുരുത്ത് (വർക്കേഴ്സ് ഇന്ത്യ ഫെഡറേഷൻ) മോഡറേറ്ററായിരുന്നു.

“സുരക്ഷിതവും ക്രമബദ്ധവുമായ കുടിയേറ്റത്തിനായുള്ള നിയമ ചട്ടക്കൂടി”നെ സംബന്ധിച്ച് നടന്ന ചർച്ചയിൽ മോൺ. യൂജിൻ പെരേര, ഫാ. ജോബി അശീതുപറമ്പിൽ, മോഹനൻ നായർ (നോർക്ക) ഫാ.ജെയ്സൺ വടശ്ശേരി, ഈശ്വരി കൃഷ്ണദാസ് (സി.ഐ.എം.എസ്.), തുടങ്ങിയവർ പങ്കെടുത്തു.

പ്രവാസി ക്ഷേമനിധി ഉൾപ്പടെയുള്ള ക്ഷേമ പ്രവർത്തനങ്ങൾ കാര്യക്ഷമമായി വ്യാപിപ്പിക്കണം. വിദേശ രാജ്യങ്ങളിലേയ്ക്കു തൊഴിൽ തേടി പോകുന്നവർക്ക് ആവശ്യമായ പ്രീ – ഡിപ്പാർച്ചർ പരിശീലനം നല്കാൻ നോർക്ക റൂട്ട്സ് കർമ്മ പരിപാടി ആവിഷ്കരിക്കണം എന്നീ ആവശ്യങ്ങൾ സമ്മേളനം സർക്കാരിനോട് ആവശ്യപ്പെട്ടു.

കെ.ജെ. തോമസ് കുരിശിങ്കൽ, ജോസ് മാത്യു ഊക്കൻ സിസ്റ്റർ ആനീസ് എന്നിവർ പ്രസംഗിച്ചു.

vox_editor

Recent Posts

സേവനത്തിന്റെ കരങ്ങൾക്ക് വിലങ്ങിടുന്ന രാഷ്ട്രീയം

സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…

2 days ago

ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…

2 days ago

17th Ordinary Sunday_2025_കർത്താവിന്റെ പ്രാർത്ഥന (ലൂക്കാ 11: 1-13)

ആണ്ടുവട്ടത്തിലെ പതിനേഴാം ഞായർ യേശു പ്രാർത്ഥനയുടെ നിമിഷത്തിലാണ്. അതു കാണുന്ന ശിഷ്യന്മാർക്ക് ഉള്ളിൽ ഒരു ആഗ്രഹം: "കർത്താവേ, ഞങ്ങളെ പ്രാർത്ഥിക്കാൻ…

4 days ago

ആണ്ടുവട്ടത്തിലെ പതിനാറാം ഞായർ ശുശ്രൂഷയും ശ്രദ്ധയും (ലൂക്കാ 10: 38-42)

  യേശു മർത്തായുടെയും മറിയത്തിൻ്റെയും ഭവനത്തിൽ ഒരു വിരുന്നുകാരനായി വന്നിരിക്കുന്നു. സ്വന്തം ഭവനത്തിലായിരിക്കുന്ന യേശുവിനെ വളരെ വിരളമായിട്ടാണ് സുവിശേഷങ്ങൾ ചിത്രീകരിക്കുന്നത്.…

2 weeks ago

15th Sunday_Ordinary Time_നീ സ്നേഹിക്കണം (ലൂക്കാ 10: 25 – 37)

ആണ്ടുവട്ടത്തിലെ പതിനഞ്ചാം ഞായർ "ഒരുവൻ ജറുസലെമിൽനിന്ന് ജറീക്കോയിലേക്കു പോവുകയായിരുന്നു" (v.30). "ഒരുവൻ" (Ἄνθρωπός τις = A certain man).…

3 weeks ago

14th Sunday_Ordinary Time_സുവിശേഷാത്മകമാകട്ടെ നമ്മുടെ ജീവിതം (ലൂക്കാ 10: 1-12, 17-20)

ആണ്ടുവട്ടത്തിലെ പതിനാലാം ഞായർ യേശു വീണ്ടും തന്റെ മുമ്പേ ശിഷ്യരെ അയക്കുന്നു. ഇപ്രാവശ്യം അപ്പോസ്തലന്മാരെയല്ല, എഴുപത്തിരണ്ടു പേരെയാണ്. ദൈവത്തിന് ഒരേയൊരു…

4 weeks ago