ലൂയീസ് തണ്ണിക്കോട്ട്
എറണാകുളം: പിന്നോക്ക ജനവിഭാഗങ്ങളില്‍ നീതിബോധവും ചരിത്രാഭിമുഖ്യവും വളര്‍ത്തിയ നേതാവാണ് ഡോ. ഇ.പി.ആന്റണിയെന്ന് കെ.ആര്‍.എല്‍.സി.സി. വൈസ് പ്രസിഡന്റ് ഷാജി ജോര്‍ജ്. കെ.എല്‍.സി.എ. സ്ഥാപക ജനറല്‍ സെക്രട്ടറി ഡോ. ഇ.പി.ആന്റണിക്ക് ആദരം അര്‍പ്പിച്ച് വരാപ്പുഴ അതിരൂപത സമിതിയുടെ നേതൃത്വത്തില്‍ ചേര്‍ന്ന അനുശോചന യോഗത്തില്‍ സംസാരിക്കുകയായിരുന്നു അദ്ദേഹം.
പട്ടിക ജാതി-പട്ടിക വര്‍ഗ വിഭാഗങ്ങള്‍ക്ക് 20ശതമാനം സംവരണാനുകൂല്യം സ്വകാര്യ കോളജുകള്‍ നല്‍കണമെന്ന വാദം ആദ്യമുന്നയിച്ച നീതിബോധമുള്ള നേതാവായിരുന്നു അദ്ദേഹം. ജസ്റ്റിസ് വി.ആര്‍. കൃഷ്ണയ്യരോടൊപ്പം ഹിസ്റ്ററി അസോസിയേഷന്റെ സാരഥ്യം വഹിക്കുമ്പോള്‍ ചരിത്ര സംരക്ഷണത്തിന് അദ്ദേഹം നല്‍കിയ സംഭാവനകള്‍ കേരള സമൂഹത്തിന് മറക്കാനാവാത്തതാണെന്നും ഷാജി ജോര്‍ജ് പറഞ്ഞു.
കെ.എല്‍.സി.എ. വരാപ്പുഴ അതിരൂപത പ്രസിഡന്റ് സി. ജെ പോള്‍ അധ്യക്ഷനായിരുന്ന അനുശോചന യോഗത്തില്‍ സിപ്പി പള്ളിപ്പുറം, വർക്കേഴ്സ് ഇന്ത്യ ഫെഡറേഷൻ ദേശീയ പ്രസിഡന്റ് ജോയി ഗോതുരുത്ത്, കെ.ആർ.എൽ.സി.സി. ലേബർ കമ്മീഷൻ സെക്രട്ടറി ജോസഫ് ജൂഡ്, കെ.എൽ.സി.എ. സംസ്ഥാന ജനറൽ സെക്രട്ടറി അഡ്വ.ഷെറി ജെ.തോമസ്, മുൻ എംപി ചാള്‍സ് ഡയസ്, കേരള കാത്തലിക് ടീച്ചേഴ്സ് ഗിൽഡ് സംസ്ഥാന സെക്രട്ടറി ജോസ് ആന്റണി, അതിരൂപത ജനറൽ സെക്രട്ടറി ലൂയീസ്സ് തണ്ണിക്കോട്ട്, കാക്കനാട് യൂണിറ്റ് പ്രസിഡന്റ് ബാബു ജോണ്‍ എന്നിവര്‍ പ്രസംഗിച്ചു.
കെ.ആര്‍.എല്‍.സി.സി. ജനറല്‍ സെക്രട്ടറി ഫാ.ഫ്രാന്‍സിസ് സേവ്യര്‍ താന്നിക്കാപ്പറമ്പില്‍, കെ.എൽ.സി.എ. അതിരൂപത ഡയറക്ടർ ഫാ. മാര്‍ട്ടിന്‍ തൈപ്പറമ്പില്‍, ഫാ.രാജന്‍ കിഴവന, ഫാ.ഫെലിക്‌സ് ചക്കാലക്കല്‍, കെ.എൽ.സി.എ. സംസ്ഥാന സെക്രട്ടറി എം.സി.ലോറന്‍സ്, ബാബു ആന്റണി, സാബു പടിയഞ്ചേരി എന്നിവര്‍ സംബന്ധിച്ചു.
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
ആണ്ടുവട്ടത്തിലെ ഇരുപത്തിയെട്ടാം ഞായർ നഗരത്തിൽ ഒരു വിവാഹവിരുന്ന് ഒരുക്കിയിരിക്കുന്നു. രാജാവിന്റെ മകൻ വിവാഹിതനാകുന്നു. പക്ഷേ ക്ഷണിതാക്കൾ എല്ലാവരും തന്നെ ഒഴികഴിവുകൾ…
ജോസ് മാർട്ടിൻ ആലപ്പുഴ: കേരള ലത്തീൻ കത്തോലിക്കാ സമുദായത്തിന്റെ ഉന്നത നയരൂപീകരണ സമിതിയായ കേരള റീജൻ ലാറ്റിൻ കാത്തലിക് കൗൺസിലിന്റെ…
ആണ്ടുവട്ടത്തിലെ ഇരുപത്തിയേഴാം ഞായർ മുന്തിരിത്തോട്ടം ആഖ്യായികയാകുന്ന മറ്റൊരു ഉപമ. ഏകദേശം ആറു പ്രാവശ്യം മുന്തിരിത്തോട്ടം യേശുവിന്റെ ഉപമകളിൽ ആഖ്യായികയാകുന്നുണ്ട്. മാത്രമല്ല…
ആണ്ടുവട്ടത്തിലെ ഇരുപത്തിമൂന്നാം ഞായർ മത്തായിയുടെ സമൂഹത്തിൽ “ചെറിയവർ” എന്നതുകൊണ്ട് ഉദ്ദേശിക്കുന്നത് സമൂഹത്തിലെ ഏറ്റവും ദുർബലരായവരെയും, വിശ്വാസത്തിൽ പുതുമുഖങ്ങളായവരെയും ആണ്. അവരിൽ…
ആണ്ടുവട്ടത്തിലെ ഇരുപത്തിയൊന്നാം ഞായർ ചിങ്ങമാസത്തിലെ ഏതെങ്കിലും ഒരു ഞായറാഴ്ച യേശുവിന്റെ ഏറ്റവും സുന്ദരമായ ഒരു ചോദ്യവുമായി ആരാധനക്രമം നമ്മിലേക്ക് വരാറുണ്ട്.…
This website uses cookies.
