Categories: Kerala

നമ്മൾ ചെയ്യുന്ന കാരുണ്യപ്രവർത്തികളും നന്മപ്രവർത്തികളും ദൈവമഹത്വം പ്രകടമാക്കുന്ന, സാക്ഷ്യം നൽകുന്ന പ്രകാശമായി മാറണം; ബിഷപ്പ് വിൻസെന്റ് സാമുവൽ

വിഴിഞ്ഞം മുക്കോലയിലെ ഡിവൈൻ മേഴ്‌സി സെന്ററിൽ 'ദൈവകരുണയുടെ തിരുനാൾ'

സ്വന്തം ലേഖകൻ

വിഴിഞ്ഞം: നമ്മൾ ചെയ്യുന്ന കാരുണ്യപ്രവർത്തികളും നന്മപ്രവർത്തികളും ദൈവമഹത്വം പ്രകടമാക്കുന്ന, ദൈവമഹത്വത്തിന് സാക്ഷ്യം നൽകുന്ന പ്രകാശമായി മാറണമെന്ന് നെയ്യാറ്റിൻകര രൂപതാ ബിഷപ്പ് ഡോ.വിൻസെന്റ് സാമുവൽ. വിഴിഞ്ഞം മുക്കോലയിലെ ഡിവൈൻ മേഴ്‌സി സെന്ററിൽ ‘ദൈവകരുണയുടെ തിരുനാൾ’ ആഘോഷത്തിന്റെ ഭാഗമായി പൊന്തിഫിക്കൽ ദിവ്യബലിയർപ്പിച്ച് വചനം പങ്കുവയ്ക്കുകയായിരുന്നു ബിഷപ്പ്.

നമുക്ക് ദൈവത്തിന്റെ കാരുണ്യവും സ്നേഹവും രോഗശാന്തിയും മനസ്സമാധാനവും ലഭിക്കണമെന്ന് പ്രാർത്ഥിച്ചാൽ പോരാ, മറ്റുള്ളവർക്കും ഇവയൊക്കെ ലഭിക്കണമെന്ന് നാം പ്രാർഥിക്കണമെന്നാണ് ദൈവകാരുണ്യം നമ്മോട് ആവശ്യപ്പെടുന്നതെന്നും; ദൈവം നമ്മോട് കാരുണ്യം കാണിക്കുന്നത് നാം സ്വാർത്ഥരായി ആ കാരുണ്യം അനുഭവിക്കുവാനല്ല, മറിച്ച് ആ കാരുണ്യം മറ്റുള്ളവരിലേക്ക് കാരുണ്യ പ്രവർത്തികളായി സാക്ഷ്യപ്പെടുത്തുവാനും വേണ്ടിയാണെന്നും ബിഷപ്പ് ഉദ്‌ബോധിപ്പിച്ചു.

ദൈവകരുണയുടെ തിരുനാൾ പൊന്തിഫിക്കൽ ദിവ്യബലിയിൽ തിരുവനന്തപുരം വികാരി ജനറൽ മോൺ.സി.ജോസഫ്, റവ.ഡോ.ഹൈസെന്ത് എൻ.നായകം, ഡിവൈൻ മേഴ്‌സി സെന്റർ ഡയറക്റ്റർ ഫാ.ബെർണഡിൻ എം. ലൂയിസ് ഓ.സി.ഡി. തുടങ്ങിയവർ സഹകാർമികരായി.

അതുപോലെതന്നെ, കർമലൈറ്റ് ഓഫ് ഡിവൈൻ മേഴ്‌സി സന്യാസിനികളും, ഡിവൈൻ മേഴ്‌സി സെന്ററിന്റെ തണലിൽ തങ്ങളുടെ പഠനങ്ങൾ മുന്നോട്ട് കൊണ്ടുപോകുന്ന വിദ്യാർത്ഥികളും, മറ്റ് വിശ്വാസികളുമടക്കം നൂറുകണക്കിനാളുകൾ ദൈവകരുണയുടെ തിരുനാളിൽ പങ്കുകൊണ്ടു.

vox_editor

Recent Posts

22nd Sunday_2025_വിട്ടുകൊടുക്കലിന്റെ സുവിശേഷം (ലൂക്കാ 14: 7-14)

ആണ്ടുവട്ടത്തിലെ ഇരുപത്തിരണ്ടാം ഞായർ ഇന്നത്തെ സുവിശേഷ പശ്ചാത്തലം ഏതോ ഒരു ഫരിസേയ പ്രമാണിയുടെ വീട്ടിലെ വിരുന്നുശാലയാണ്. പ്രമുഖ സ്ഥാനങ്ങൾക്കായി തിരക്കുകൂട്ടുന്ന…

21 hours ago

21st Ordinary Sunday_2025രക്ഷയുടെ വാതിൽ (ലൂക്കാ 13: 22 – 30)

ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…

1 week ago

സമാധാനവും ഭിന്നതയും (ലൂക്കാ 12:49-57)

ആണ്ടുവട്ടത്തിലെ ഇരുപതാം ഞായർ "ഭൂമിയില്‍ സമാധാനം നല്‍കാനാണു ഞാന്‍ വന്നിരിക്കുന്നതെന്നു നിങ്ങള്‍ വിചാരിക്കുന്നുവോ? അല്ല, ഭിന്നത എന്നു ഞാന്‍ നിങ്ങളോടു…

2 weeks ago

18th Sunday_Ordinary Time_ദ്രവ്യാസക്തി എന്ന നരകം (ലൂക്കാ 12: 13-21)

ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്‍നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന്‍ എന്റെ സഹോദരനോടു കല്‍പിക്കണമേ!"…

4 weeks ago

സേവനത്തിന്റെ കരങ്ങൾക്ക് വിലങ്ങിടുന്ന രാഷ്ട്രീയം

സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…

1 month ago

ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…

1 month ago