Categories: Kerala

കേരള റീജ്യൻ ലാറ്റിൻ കാത്തലിക് കൗൺസിലിന്റെ ജനറൽ അസംബ്ലി മന്ത്രി ആന്റണി രാജു ഉദ്ഘാടനം ചെയ്തു

ലത്തീൻ സമൂഹം മറ്റാരുടേയും പാളയത്തിൽ ചെന്ന് കയറേണ്ടവരല്ല സ്വന്തം തനിമ കണ്ടെത്തി സ്വന്തം കാര്യം സ്വയം നോക്കാനുള്ള പ്രാപ്തിനേടണം; ബിഷപ് ഡോ.ജോസഫ് കരിയിൽ

ജോസ് മാർട്ടിൻ

ആലപ്പുഴ: കേരള ലത്തീൻ കത്തോലിക്കാ സഭയുടെ ഉന്നതതല നയരൂപീകരണ ഏകോപന സമിതിയായ കേരള റീജ്യൻ ലാറ്റിൻ കാത്തലിക് കൗൺസിലിന്റെ (കെ.ആർ.എൽ.സി.സി.) 38-ാം ജനറൽ അസംബ്ലി ആലപ്പുഴ കർമ്മസദൻ പാസ്റ്ററൽ സെന്ററിൽ ഗതാഗത വകുപ്പ് മന്ത്രി അഡ്വ.ആന്റണി രാജു ഉദ്ഘാടനം ചെയ്തു. ക്രൈസ്തവ ന്യൂനപക്ഷം ഇന്ത്യയുടെ വിവിധ സംസ്ഥാനങ്ങളിൽ കടുത്ത വെല്ലുവിളികൾ നേരിടുകയാണെന്നും കർണാടക വരെയുള്ള സംസ്ഥാനങ്ങളിൽ ന്യൂനപക്ഷ വേട്ടയാടൽ ശക്തിപ്രാപിച്ചിരിക്കുകയാണെന്നും ദശാബ്ദങ്ങളായി ഇന്ത്യയിൽ പാവങ്ങൾക്കു വേണ്ടി സേവനം ചെയ്തുവരുന്ന വിശുദ്ധ മദർ തെരേസയുടെ സ്ഥാപനമായ മിഷണറീസ് ഓഫ് ചാരിറ്റീസിന്റെ ഉൾപ്പെടെയുള്ള സന്നദ്ധ സംഘടനകളുടെ പ്രവർത്തനങ്ങളെ തടസപ്പെടുത്താൻ ശ്രമം നടക്കുന്നുവെന്ന് മന്ത്രി പറഞ്ഞു. കൂടാതെ, ജാതിമതഭേദമില്ലാതെ രാജ്യത്തെ ആരോഗ്യ-വിദ്യാഭ്യാസ രംഗത്ത് വിശിഷ്ട സേവനം ചെയ്തവരുടെ പ്രവർത്തനങ്ങൾ കണ്ടില്ലെന്നു നടിക്കുന്നുവെന്നും ഇതിനെതിരേ ക്രൈസ്തവർ ഉൾപ്പെട്ട ന്യൂനപക്ഷങ്ങൾ അതീവജാഗ്രത പാലിക്കണമെന്ന് അദ്ദേഹം ഓർമിപ്പിച്ചു.

പ്രകൃതിയോടുള്ള സ്നേഹവും, മനുഷ്യരുടെ പരസ്പര സ്നേഹവും, ജീവജാലങ്ങളോടുള്ള കരുതലുമാണ് ഈ കാലഘട്ടം ആവശ്യപ്പെടുന്ന പ്രധാന കാര്യമെന്നും അപകടപ്പെടുത്തുന്ന ഇടയ ശുശ്രൂഷ പാടില്ലെന്നും പരിപാടിയിൽ അധ്യക്ഷത വഹിച്ച കെ.ആർ.എൽ.സി.സി പ്രസിഡന്റ് ബിഷപ് ഡോ. ജോസഫ് കരിയിൽ ഓർമ്മിപ്പിച്ചു. അതുപോലെതന്നെ, ലത്തീൻ സമൂഹം മറ്റാരുടേയും പാളയത്തിൽ ചെന്ന് കയറേണ്ടവരല്ലെന്നും സ്വന്തം തനിമ കണ്ടെത്തി, സ്വന്തം കാര്യം നോക്കാനുള്ള പ്രാപ്തിയാണ് നേടേണ്ടതെന്നും അദ്ദേഹം പറഞ്ഞു.

“ലത്തീൻ കത്തോലിക്കർ സാമൂഹ്യ പുരോഗതിയിലെ വെല്ലുവിളികൾ സാധ്യതകൾ” എന്ന വിഷയത്തിൽ ജോയി ഗോതുരുത്ത്, അഡ്വ.ഷെറി ജെ.തോമസ്, ജോസഫ് ജൂഡ് എന്നിവർ വിഷയാവതരണങ്ങൾ നടത്തി. കെ.ആർ.എൽ.സി.ബി.സി. സെക്രട്ടറി ജനറൽ ബിഷപ് ഡോ.സെൽവിസ്റ്റർ പൊന്നുമുത്തൻ മോഡറേറ്ററായിരുന്നു. ജനറൽ സെക്രട്ടറി ഫാ. തോമസ് തറയിൽ, ഡോ.ബിജു വിൻസന്റ്, റവ.ഡോ.ചാൾസ് ലിയോൺ, തോമസ് കെ.സ്റ്റീഫൻ, പി.ആർ.കുഞ്ഞച്ചൻ, ബാബു തണ്ണിക്കോട്ട് തുടങ്ങിയവർ ചർച്ചയിൽ പങ്കെടുത്തു. ആലപ്പുഴ രൂപതാ മെത്രാൻ ബിഷപ് ഡോ.ജെയിംസ് ആനാപറമ്പിൽ ആശംസാ പ്രസംഗവും, കെ.ആർ.എൽ.സി.സി. വൈസ് പ്രസിഡന്റ് ജോസഫ് ജൂഡ് സ്വാഗതവും, സെക്രട്ടറി പുഷ്പ് ക്രിസ്റ്റി നന്ദിയും പറഞ്ഞു.

vox_editor

Recent Posts

22nd Sunday_2025_വിട്ടുകൊടുക്കലിന്റെ സുവിശേഷം (ലൂക്കാ 14: 7-14)

ആണ്ടുവട്ടത്തിലെ ഇരുപത്തിരണ്ടാം ഞായർ ഇന്നത്തെ സുവിശേഷ പശ്ചാത്തലം ഏതോ ഒരു ഫരിസേയ പ്രമാണിയുടെ വീട്ടിലെ വിരുന്നുശാലയാണ്. പ്രമുഖ സ്ഥാനങ്ങൾക്കായി തിരക്കുകൂട്ടുന്ന…

22 hours ago

21st Ordinary Sunday_2025രക്ഷയുടെ വാതിൽ (ലൂക്കാ 13: 22 – 30)

ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…

1 week ago

സമാധാനവും ഭിന്നതയും (ലൂക്കാ 12:49-57)

ആണ്ടുവട്ടത്തിലെ ഇരുപതാം ഞായർ "ഭൂമിയില്‍ സമാധാനം നല്‍കാനാണു ഞാന്‍ വന്നിരിക്കുന്നതെന്നു നിങ്ങള്‍ വിചാരിക്കുന്നുവോ? അല്ല, ഭിന്നത എന്നു ഞാന്‍ നിങ്ങളോടു…

2 weeks ago

18th Sunday_Ordinary Time_ദ്രവ്യാസക്തി എന്ന നരകം (ലൂക്കാ 12: 13-21)

ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്‍നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന്‍ എന്റെ സഹോദരനോടു കല്‍പിക്കണമേ!"…

4 weeks ago

സേവനത്തിന്റെ കരങ്ങൾക്ക് വിലങ്ങിടുന്ന രാഷ്ട്രീയം

സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…

1 month ago

ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…

1 month ago