ബിബിൻ ജോസഫ്
കോട്ടയം: വിജയപുരം രൂപതയുടെ കോട്ടയത്തുള്ള നാഗമ്പടം സെന്റ് ആന്റണീസ് തിരുശേഷിപ്പ് തീർത്ഥാടന കേന്ദ്രത്തിൽ ശ്രീലങ്കൻ സഭയ്ക്കു വേണ്ടിയുള്ള പ്രാർത്ഥനാ ദിനാചരണത്തോടനുബന്ധിച്ച് പ്രത്യേക ദിവ്യബലി, ആരാധന, ഐക്യദാർഢ്യറാലി എന്നിവ സംഘടിപ്പിച്ചു. വൈകിട്ട് 5 മണിക്ക് നടന്ന ദിവ്യബലിക്കും, തുടർന്ന് നടത്തിയ ഐക്യദാർഢ്യറാലിയ്ക്കും വിജയപുരം രൂപതാ മെത്രാൻ ഡോ.സെബാസ്റ്റ്യൻ തെക്കേത്തെച്ചേരിൽ നേതൃത്വം നൽകി.
ഇന്ന് ലോകത്തിൽ മനുഷ്യൻ ജാതിയുടെയും മതത്തിന്റെയും പേരിൽ വിദ്വേഷവും അക്രമവും പരത്തുകയാണ്. എല്ലാ മതത്തിന്റെയും അടിസ്ഥാന തത്വം സ്നേഹമാണ്. എന്നാൽ അതേ മതത്തിന്റെ പേരിൽ തന്നെയാണ് ഇന്ന് തീവ്രവാദവും കൊലപാതകങ്ങളും അരങ്ങേറുന്നത് എന്നത് ഒരിക്കലും ഉൾക്കൊള്ളാൻ സാധിക്കാത്ത കാര്യമാണ്. പുതുഞായറാഴ്ച്ചയായ ഇന്ന് നാമെല്ലാവരും ബലിയർപ്പിച്ചു പ്രാർത്ഥിച്ചു. എന്നാൽ ശ്രീലങ്കയിൽ ദേവാലയങ്ങൾ അടഞ്ഞുകിടക്കുകയാണെന്നും ബിഷപ്പ് പറഞ്ഞു. അതേസമയം, മനുഷ്യരാശിയെ നശിപ്പിക്കുന്ന തീവ്രവാദ പ്രവർത്തനത്തിലേർപ്പെടുന്നവരുടെ മാനസാന്തരത്തിനു വേണ്ടി നാം പ്രാർത്ഥിക്കണമെന്നും, ശ്രീലങ്കയിലെ സഭയ്ക്കുവേണ്ടി, പ്രത്യേകിച്ച് രക്തസാക്ഷികളായ ആത്മാക്കൾക്ക് വേണ്ടിയും പരിക്കേറ്റവർക്കു വേണ്ടിയും ആക്രമണത്തിൽ ഉറ്റവരെയും ഉടയവരെയും നഷ്ട്ടപ്പെട്ടവർക്കുവേണ്ടിയും നാം ഈ അവസരത്തിൽ പ്രാർത്ഥിക്കണമെന്നും പിതാവ് ആഹ്വാനം ചെയ്തു.
വികാരി ജനറൽ മോൺ.ജസ്റ്റിൻ മഠത്തിപ്പറമ്പിലും തീർത്ഥാടന കേന്ദ്ര ഡയറക്ടർ മോൺ.സെബാസ്റ്റ്യൻ പൂവത്തിങ്കലും രൂപതയിലെ വൈദികരും ദിവ്യബലിയിൽ സഹകാർമികരായി. തുടർന്ന് നടന്ന ഐക്യദാർഢ്യറാലിയ്ക്ക് കത്തിച്ച മെഴുകുതിരികളുമായി നൂറുകണക്കിന് വിശ്വാസികൾ പങ്കെടുത്തു.
ഭാരതീയ ലത്തീൻ കത്തോലിക്കാ മെത്രാൻ സമിതിയും (CCBI), കേരള കത്തോലിക്ക മെത്രാൻ സമിതിയും ഏപ്രിൽ 28 ഞായറാഴ്ച പ്രാർത്ഥന ദിനമായി ആചരിക്കാൻ ആഹ്വാനം ചെയ്തിരുന്നു.
ആണ്ടുവട്ടത്തിലെ ഇരുപത്തിരണ്ടാം ഞായർ ഇന്നത്തെ സുവിശേഷ പശ്ചാത്തലം ഏതോ ഒരു ഫരിസേയ പ്രമാണിയുടെ വീട്ടിലെ വിരുന്നുശാലയാണ്. പ്രമുഖ സ്ഥാനങ്ങൾക്കായി തിരക്കുകൂട്ടുന്ന…
ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…
ആണ്ടുവട്ടത്തിലെ ഇരുപതാം ഞായർ "ഭൂമിയില് സമാധാനം നല്കാനാണു ഞാന് വന്നിരിക്കുന്നതെന്നു നിങ്ങള് വിചാരിക്കുന്നുവോ? അല്ല, ഭിന്നത എന്നു ഞാന് നിങ്ങളോടു…
ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന് എന്റെ സഹോദരനോടു കല്പിക്കണമേ!"…
സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…
ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…
This website uses cookies.