രാജ്യത്തെ മതരാഷ്ട്രമാക്കാനുള്ള ശ്രമം നടക്കുന്നു; ബിഷപ്പ് ജോസഫ് കരിയിൽ

അനിൽ ജോസഫ്‌

നെയ്യാറ്റിന്‍കര: നമ്മുടെ രാജ്യത്തെ മത രാഷ്ട്രമാക്കാനുള്ള ശ്രമത്തിലാണ് കേന്ദ്രസര്‍ക്കാരെന്ന് കെ.ആര്‍.എല്‍.സി.സി. പ്രസിഡന്‍റ് ബിഷപ്പ് ഡോ. ജോസഫ് കരിയില്‍. ഭരണഘടനയുടെ വിശുദ്ധിയെ നഷ്ടപ്പെടുത്തിയാണ് പൗരത്വബില്ല് നടപ്പിലാക്കുന്നതെന്ന് അദ്ദേഹം കൂട്ടിച്ചെർത്തു.

അധികാരികള്‍ക്ക് വേണ്ടത് മാത്രം ഉള്‍ക്കൊള്ളിക്കുന്ന പുതിയ ചരിത്രം എഴുതുന്ന കാലത്താണ് ഇന്ന് നാം ജീവിക്കുന്നതെന്നും അദ്ദേഹം പറഞ്ഞു. ജനങ്ങളെ ഭിന്നിപ്പിച്ച് ഭരിക്കുന്നതാണ് ഏറ്റവും വലിയ കുറ്റകൃത്യമെന്നും അദ്ദേഹം കൂട്ടിച്ചേര്‍ത്തു. പൗരത്വബില്ലിൽ ഇന്ന് മുസ്ലീമിനെതിരാണെങ്കില്‍ നാളെ ക്രിസ്ത്യാനിയെയും തേടിവരുമെന്ന ബോധ്യം ഉണ്ടാകണമെന്നും അദ്ദേഹം പറഞ്ഞു.