ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ

ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും കണ്ടക്കടവ് സെന്റ് ഫ്രാൻസിസ് സേവ്യർ പള്ളി പാരിഷ് ഹാളിൽ ഹൈബി ഈഡൻ എം.പി. ഉദ്ഘാടനം ചെയ്തു. ആലപ്പുഴ രൂപതാദ്ധ്യക്ഷൻ റൈറ്റ് റവ.ഡോ.ജെയിംസ് ആനാപറമ്പിൽ അദ്ധ്യക്ഷത വഹിച്ച ചടങ്ങിൽ കൃപാസനം ഡയറക്ടർ റവ. ഡോ. ജോസഫ് വലിയവീട്ടിൽ, ഫാ.ജോപ്പൻ അണ്ടിശ്ശേരി എന്നിവർ മുഖ്യ പ്രഭാഷണം നടത്തി.

സമ്മേളനത്തിൽ ജോസഫ്. കെ.എൽ, പയസ്സ് ആൽബി തുടങ്ങിയവർ ആശംസകൾ അർപ്പിച്ചു. തുടർന്ന്, ആലപ്പുഴ രൂപതയിലെ കണ്ടക്കടവ് ഫറോനയുടെ കീഴിലുള്ള ഇടവകകളിൽ നിന്നുള്ള എസ്.എസ്.എൽ.സി., പ്ലസ് ടു പരീക്ഷകളിൽ ഫുൾ എ പ്ലസ് നേടിയ കുട്ടികളെ ജെയിംസ് പിതാവും, ഫാ.ഡോ. ജോസഫ് വലിയവീട്ടിലും, ചേർന്ന് മെറിറ്റ് അവാർഡുകൾ നൽകി ആദരിച്ചു.

സമ്മേളനത്തിൽ ഫറോന വികാരി ഫാ.സോളമൻ ചാരങ്കാട്ട് സ്വാഗതവും, ജനറൽ കൺവീനർ ബാബു അത്തിപ്പൊഴിയിൽ കൃതജ്ഞതയും അർപ്പിച്ചു.