അനില് ജോസഫ്
നെയ്യാറ്റിന്കര : നെയ്യാറ്റില്കര രൂപതയുടെ പുതിയ കത്തീഡ്രല് ദേവാലയത്തിന് നാളെ തറക്കല്ലിടും. നെയ്യാറ്റിന്കര രൂപതാ ബിഷപ്പ് ഡോ.വിന്സെന്റ് സാമുവല് നാളെ രാവിലെ അര്പ്പിക്കുന്ന ദിവ്യബലിയെ തുടര്ന്നാണ് തറക്കില്ലിടല് കര്മ്മം നിര്വ്വഹിക്കുന്നത്.
വികാരിജനറല് മോണ്.ജി ക്രിസ്തുദാസും രൂപതയിലെ എപ്പിസ്കോപ്പല് വികാരിമാരും വൈദികരും സന്യസ്തരും തിരുകര്മ്മങ്ങളില് പങ്കെടുക്കും. 1644 ല് അലങ്കാര മാതാവിന്റെ പേരില് ഇശോ സഭാ വൈദികര് ആരംഭിച്ച ദേവാലയം 1908 ലാണ് അമലോത്ഭവ മാതാവിന്റെ പേരില് പുന:ര്നാമകരണം ചെയ്യുന്നത്.
ദേവാലയം സ്ഥാപിക്കുന്ന കാലത്ത് കൊച്ചിരൂപതക്ക് കീഴിലായിരുന്നു പില്ക്കാലത്ത് കൊല്ലത്തിന്റെയും തുടര്ന്ന് തിരുവനന്തപുരം നെയ്യാറ്റിന്കര രൂപതകളുടെ ഭാഗമായി മാറുകയായിരുന്നു. നെയ്യാറ്റിന്കര രൂപതയിലെ ഏറ്റവും പുരാതനമായ ദേവാലയത്തിന്റെ കീഴിലായിരുന്നു വ്ളാത്താങ്കര , കാരക്കാമണ്ഡപം,ബാലരാമപുരം, കമുകിന്കോട്, അമരവിള ദേവാലയങ്ങള് .
ആദ്യമുണ്ടായിരുന്ന അലങ്കാരമാതാ പളളിക്ക് പകരം 1908 ല് പണിത അമലോത്ഭവമാതാ ദേവാലയം അന്നത്തെ കൊല്ലം ബിഷപ്പായിരുന്ന ബിഷപ്പ് ബന്സിഗറിന്റെ നേതൃത്വത്തില് പണിത ആദ്യദേവാലയമായിരുന്നു. തിരുവനന്തപുരം രൂപത വിഭജിച്ച് നെയ്യാറ്റിന്കര രൂപത സ്ഥാപിച്ചതോടെയാണ് നെയ്യാറ്റിന്കര രൂപതയുടെ കത്തീഡ്രല് ദേവാലയമായി നെയ്യാറ്റിന്കര അമലോത്ഭവമാതാ ദേവാലയത്തെ പ്രഖ്യാപിക്കുന്നത്.
2018 ലാണ് പുനരുദ്ധാരണത്തിന്റെ ഭാമമായി ദേവാലയം പൊളിച്ചത്. 14,000 (പതിനാലായിരം) ചതുരശ്ര അടിയില് രണ്ടു നിലകളിലായാണ് പുതിയ ദേവാലയം പണിയുന്നത്. ഗോഥിക് ശൈലിയില് രൂപകല്പ്പന ചെയ്യ്തിരിക്കുന്ന ദേവാലയത്തിന്റെ നിര്മ്മാണ പ്രവര്ത്തനങ്ങള് ഇടവക വികാരി മോണ്. അല്ഫോണ്സ് ലിഗോരിയുടെ നേതൃത്വത്തിലാണ് നടക്കുന്നത്.
ദേവാലയത്തിന്റെ നിര്മ്മാണ പ്രവര്ത്തനം 2 വര്ഷം കൊണ്ട് പൂര്ത്തീകരിക്കുന്ന രീതിയിലാണ് ക്രമീകരിക്കുന്നതെന്ന് പുതിയ പളളിയുടെ നിര്മ്മാണ പ്രവര്ത്തനങ്ങളുടെ കണ്വീനര് ജസ്റ്റിന് ക്ലീറ്റസ് അറിയിച്ചു.
ആണ്ടുവട്ടത്തിലെ മൂന്നാം ഞായർ യോഹന്നാൻ ബന്ധനസ്ഥനായിരിക്കുന്നു. എല്ലാവർക്കുമുള്ള ഒരു സന്ദേശമായിരുന്നു അത്. രാജാവിന് അപ്രിയമായതൊന്നും പ്രസംഗിക്കരുത് എന്ന സന്ദേശം. ഭയത്തിന്റെ…
ആണ്ടുവട്ടത്തിലെ രണ്ടാം ഞായർ "ഇതാ, ദൈവത്തിന്റെ കുഞ്ഞാട്" - തന്റെ അടുത്തേക്ക് വരുന്ന നസ്രായനെ നോക്കി സ്നാപകൻ ശിഷ്യന്മാർക്ക് നൽകുന്ന…
ക്രിസ്തുവിന്റെ ജ്ഞാനസ്നാന തിരുനാൾ 30 വർഷങ്ങൾ കടന്നുപോയി: ബെത്ലഹേമിലെ കുഞ്ഞ് ഇപ്പോൾ ഒരു യുവാവാണ്. എവിടെയായിരുന്നു അവൻ ഇത്രയും നാളും?…
പ്രത്യക്ഷവൽക്കരണത്തിരുനാൾ ഇന്ന്, പ്രത്യക്ഷവത്കരണത്തിരുനാൾ, അതായത്, മിശിഹാ ഇസ്രായേലിന്റെ ഒരു സ്വകാര്യ നിധിയല്ല, മറിച്ച് എല്ലാവർക്കും വേണ്ടിയുള്ളതാണെന്നു പ്രഖ്യാപിക്കുന്ന ആഘോഷം. ലൂക്കാ…
ജോസ് മാർട്ടിൻ ആലപ്പുഴ: ക്രിസ്തുവിന്റെ മനുഷ്യാവതാര ജൂബിലി വർഷത്തിന്റെ സമാപനത്തിന്റെ ഭാഗമായി ആലപ്പി എക്യുമെനിക്കൽ കൗൺസിലിന്റെ ആഭിമുഖ്യത്തിൽ ആലപ്പുഴ പട്ടണത്തിലെ…
ജോസ് മാർട്ടിൻ ആലപ്പുഴ/പുന്നപ്ര: ഐ.എം.എസ്. ധ്യാനഭവൻ ഡയറക്ടർ ഫാ. പ്രശാന്ത് ഐ.എം.എസ്. ഇന്ന് രാവിലെ ഹൃദയാഘാതത്തെ തുടര്ന്ന് നിര്യാതനായി. ഹൃദയാസ്വാസ്ഥ്യത്തെ…
This website uses cookies.
