
ജോസ് മാർട്ടിൻ
ആലപ്പുഴ: ആലപ്പുഴ രൂപതാ മീഡിയ കമ്മീഷൻ ഡയറക്ടറും, റേഡിയോ നെയ്തലിന്റെ സാരിഥിയുമായ ഫാ.സേവ്യർ കുടിയാംശ്ശേരി എഴുതിയ “ദ റിബൽ” എന്ന പുസ്തകത്തിന്റെ പ്രകാശനം ആലപ്പുഴ രൂപതാ അധ്യക്ഷൻ ബിഷപ്പ് ഡോ. ജെയിംസ് ആനാപറമ്പിൽ നിർവ്വഹിച്ചു. ആദ്യ പ്രതി എവ്ലിൻ ഡിസൂസ ഏറ്റുവാങ്ങി.
ആലപ്പുഴ ജില്ലാ കളക്റ്റർ എ.അലക്സാണ്ടര് ഐ.എ.എസ്. ഉത്ഘാടനം ചെയ്ത പരിപാടിയിൽ ഷാർബിൻ സന്ത്യാവ് സ്വാഗതം ആശംസിച്ചു, പി.ജെ. ജെ.ആന്റണി പുസ്തകം സദസ്സിന് പരിചയപ്പെടുത്തി.
പുസ്തക ‘പ്രകാശനം’ എന്നാൽ അമ്മയുടെ ഉദരത്തിൽ നിന്നും പ്രകാശത്തിലേക്കുള്ള വരവാണെന്നും, ദി റിബലിലൂടെ സേവ്യറെന്ന വൈദികന്റെ മാതൃഭാവം വെളിപ്പെട്ട നിമിഷങ്ങളാണ് ഇതെന്നും, വാക്ക് അഗ്നിയാണ് വാക്കിന്റെ ആരംഭം നാദമാണ്, നാദത്തിന്റെ മുഴക്കമാണ് ‘വാക്ക്’, ഇത് തന്നെയാണു ഭാരത ദർശനവുമെന്നും പിതാവ് പറഞ്ഞു.
സൂര്യ പ്രകാശം പ്രിസത്തിലൂടെ കടന്ന് പോകുമ്പോൾ വിവിധ നിറങ്ങൾ രൂപപ്പെടുന്നത് പോലെ ഒരു വചനത്തെ അതിലൂടെ സംവദിച്ച് സേവ്യർ അച്ചനിലൂടെ വിചരിതമാകുന്ന നിറങ്ങളാണ് ഈ പുസ്തകമെന്നും, മലയാളത്തിലാണെങ്കിലും ഇതിന്റെ തലക്കെട്ട് ആംഗലേയത്തിലാണെന്നും “ദി റിബൽ” റിബലുകൾ ശത്രുക്കളല്ല റിബലുകൾ സഹോദരങ്ങളാണെന്നും പറഞ്ഞ ബിഷപ്പ്, എല്ലാ കാലഘട്ടത്തിലും റിബലുകളുടെ മുഖാ അഭിമുഖങ്ങൾ ഉണ്ടാവണമെന്നും അധ്യക്ഷ പ്രസംഗത്തിൽ ഓർമ്മിപ്പിച്ചു.
ആലപ്പുഴ രൂപതാ വികാരി ജനറൽ മോൺ.ജോയ് പുത്തൻവീട്ടിൽ, ആലപ്പുഴ രൂപതാ ബി.സി.സി. ഡയറക്ടർ ഫാ.ജോൺസൺ പുത്തൻ വീട്ടിൽ, ഷാജി ജോർജ്, അഡ്വ.റീഗോ രാജു, ക്ലിറ്റസ് കളത്തിൽ തുടങ്ങിയവർ ചടങ്ങിൽ സന്നിഹിതരായിരുന്നു.
ആഗമനകാലം ഒന്നാം ഞായർ ആഗമനകാലം ആരംഭിക്കുന്നു. സമീപിക്കുക, നേരെ നടക്കുക, തിരികെ വരുക എന്നീ ആഹ്വാനങ്ങൾ ദൈവം, സഹജർ, ഹൃദയത്തിന്റെ…
ജോസ് മാർട്ടിൻ ആലപ്പുഴ: ആലപ്പുഴ രൂപതയിലെ ആദ്യ "സമർപ്പിത കന്യകയായി" കൃപാസനം പ്രേഷിതയായ ജോമോളെ പരിശുദ്ധ ദൈവമാതാവിന്റെ സമർപ്പണ തിരുനാളിൽ…
ക്രിസ്തുരാജന്റെ തിരുനാൾ കാൽവരിയിൽ, ഒട്ടും ഉചിതമല്ലാത്ത ഒരിടത്ത്, കുരിശുമരത്തിന്റെ ഇടുങ്ങിയ ആ ചുറ്റളവിനുള്ളിലാണ് ലൂക്കാ സുവിശേഷകൻ യേശുവിന്റെ രാജകീയതയെ അവതരിപ്പിക്കുന്നത്.…
ജോസ് മാർട്ടിൻ ന്യൂഡൽഹി: ഭാരതം ഒരു ഹിന്ദു രാഷ്ട്രമാണെന്ന മോഹൻ ഭാഗവതിന്റെ പ്രസ്താവന തെറ്റിദ്ധരിപ്പിക്കുന്നതും വഞ്ചനാപരവുമാണെന്ന് ഭാരത കത്തോലിക്കാ മെത്രാൻ…
ആണ്ടുവട്ടത്തിലെ മുപ്പത്തിമൂന്നാം ഞായർ വിലാപത്തിന്റെയും നിലവിളികളുടെയും നാളുകൾ വരും. വാസ്തവത്തിൽ, അവ ഇതിനകം വന്നു കഴിഞ്ഞിരിക്കുന്നു. അവ വീണ്ടും വരുകയും…
സ്വന്തം ലേഖകൻ വത്തിക്കാൻ സിറ്റി: ക്ഷമയും വിശ്വാസവും കൊണ്ട് കെട്ടിപ്പടുക്കപ്പെട്ട സമൂഹത്തിനായുള്ള ഒരു 'നിര്മ്മാണ സ്ഥലം' ആണ് "പള്ളി" എന്ന്…
This website uses cookies.