ആലപ്പുഴ രൂപതാ കാത്തലിക്ക് ടീച്ചേഴ്സ് ഗിൽഡിന്റെ നേതൃത്വത്തിൽ കൊറോണ വൈറസ് ബോധവത്കരണ പരിപാടി

ജോസ് മാർട്ടിൻ

ആലപ്പുഴ: ആലപ്പുഴ രൂപതയിലെ കാത്തലിക്ക് ടീച്ചേഴ്സ് ഗിൽഡിന്റെ നേതൃത്വത്തിൽ നടത്തപ്പെടുന്ന കൊറോണ വൈറസ് ബോധവത്കരണ പരിപാടി രൂപതാ അധ്യക്ഷൻ ഡോ.ജെയിംസ് ആനാപറമ്പിൽ ഉദ്ഘാടനം ചെയ്തു. അധ്യാപകർ പൊതു സമൂഹത്തിന് ആത്മവിശ്വാസം പ്രദാനം ചെയ്യണമെന്ന് ബിഷപ്പ് ഡോ. ജെയിംസ് ആനാപറമ്പിൽ പറഞ്ഞു.

കൊറോണ വൈറസ് പ്രതിസന്ധി തരണം ചെയ്യാൻ പൊതുരംഗത്ത് സാക്ഷ്യം വഹിക്കാൻ
അധ്യാപക സമൂഹം രംഗത്തിറങ്ങണമെന്ന് ആലപ്പുഴ ബിഷപ്പ് ആനാപറമ്പിൽ ആഹ്വാനം ചെയ്തു. ടിച്ചേഴ്സ് ഗിൽഡ് രൂപതാ പ്രസിഡന്റ് ജോസ് ആന്റണിക്ക് ബോധവൽക്കരണ പോസ്റ്റർ കൈമാറിക്കൊണ്ട് ബോധവത്കരണ പരിപാടി അദ്ദേഹം പ്രകാശനം ചെയ്തു.

എപ്പിസ്കോപ്പൽ വികാരി മോൺ.ആന്റെണി തേറാത്ത് അദ്ധ്യക്ഷം വഹിച്ച പരിപാടിയിൽ കോർപ്പൊറേറ്റ് മാനേജർ ഫാ.രാജു കളത്തിൽ, പി.പി. റിനോൾഡ് തുടങ്ങിയവർ പ്രസംഗിച്ചു.