അനിൽ ജോസഫ്‌
പുനലൂർ: ലോക ക്യാൻസർ ദിനത്തിൽ സഹജീവികളായ ക്യാൻസർ രോഗികൾക്ക് മുടി മുറിച്ച്‌ നൽകി യുവ വൈദികന്റെ മാതൃക. പുനലൂർ ലത്തീൻ രൂപതയിലെ ഏനാത്ത്‌ ഹോളി സ്‌പിരിറ്റ്‌ ദേവാലയത്തിലെ വികാരിയും പത്തനംതിട്ട ഫൊറോന കെ.സി.വൈ.എം. ഡയറക്‌ടറുമായ ഫാ. റോഫിൻ റാഫേലാണ്‌ തന്റെ മുടി മുറിച്ച്‌ നൽകി പുത്തൻ മാതൃകക്ക്‌ തുടക്കം കുറിച്ചത്‌.
കീമോ തെറാപ്പിയിലൂടെ മുടി നഷ്‌ടപ്പെടുന്ന ക്യാൻസർ രേഗികളുടെ വേദന തിരിച്ചറിഞ്ഞ ഫാ. റോഫിൻ കഴിഞ്ഞ ഒന്നര വർഷമായി മുടി നീട്ടി വളർത്തിയാണ്‌ ലോക ക്യാൻസർ ദിനത്തിൽ മുടിദാനം ചെയ്യ്‌തത്‌.
പുനലൂർ രൂപതക്ക്‌ കീഴിലെ സാമൂഹ്യ സംഘടനയായ പുനലൂർ സോഷ്യൽ സർവ്വീസ്‌ സൊസൈറ്റി നടത്തിയ കാൻസർ ദിനാചരണ പരിപാടിയുടെ ഭാഗമായാണ്‌ പരിപാടി സംഘടിപ്പിക്കപ്പെട്ടത്‌. ഫാ. റോഫിൻ റാഫേലിനൊപ്പം ഇടവകയിലെ സാറാമ്മാ ജെയിംസ്‌, ഈസ, പ്രീതി, ലിൻഡ, ദിലീപ്‌ തുടങ്ങി 10 പേരും മുടിദാനം ചെയ്യ്‌തു.
തൃശൂർ അമല സെന്റെർ ഫോർ മെഡിക്കൽ സയൻസുമായി സഹകരിച്ചാണ്‌ പുനലൂർ സോഷ്യൽ സർവ്വീസ്‌ സൊസൈറ്റി പരിപാടി സംഘിടിപ്പിച്ചത്‌. കഴിഞ്ഞ 4 വർഷമായി പൂനലൂർ രൂപതക്ക്‌ വേണ്ടി സേവനമനുഷ്‌ടിക്കുന്ന IVDei സഭാഗമായ ഫാ. റോഫിൻ റാഫേൽ കോട്ടപ്പുറം രൂപതയിലെ തുരുത്ത്‌ സെന്റ്‌ തോമസ്‌ ഇടവകാംഗമാണ്‌ ജോസഫ്‌-ക്ലാര ദമ്പതികളുടെ മകനാണ്‌ഫാ. റോഫിൻ റാഫേൽ.
യുവ വൈദികനായ ഫാ. റോഫിന്റെ പ്രവർത്തനം അഭിനന്ദനാർഹമെന്ന്‌ പുനലൂർ രൂപതാ ബിഷപ്‌ ഡോ. സിൽവെസ്റ്റർ പൊന്നുമുത്തൻ പറഞ്ഞു.
പരിശുദ്ധ ദിവ്യകാരുണ്യത്തിരുനാൾ ശരീരങ്ങളിൽ സംഭവിച്ച അത്ഭുതങ്ങളാണ് ബൈബിളിലുടനീളം നമുക്ക് കാണാൻ സാധിക്കുന്നത്; പരമ്പരാഗതമായ ആത്മീയതയിൽ ശരീരത്തിന് വലിയ പ്രാധാന്യമൊന്നും ഇല്ലെങ്കിൽ…
ജോസ് മാർട്ടിൻ കൊച്ചി: ആലപ്പുഴ, കൊച്ചി രൂപതകളുടെ ഭാഗമായ കണ്ണമാലി, ചെറിയകടവ്, കാട്ടിപ്പറമ്പ് പ്രദേശങ്ങളിൽ നേരിടുന്ന ശക്തമായ കടലേറ്റത്തിന് ശാശ്വത…
പരിശുദ്ധ ത്രിത്വത്തിന്റെ തിരുനാൾ പെസഹാക്കാലം കഴിഞ്ഞു. ആരാധനക്രമം പരിശുദ്ധ ത്രിത്വത്തിന്റെ തിരുനാളോടുകൂടെ ആണ്ടുവട്ടക്കാലം പുന:രാരംഭിക്കുന്നു. പരിശുദ്ധ ത്രിത്വത്തെ നിർവചിക്കുക എന്നത്…
പെന്തക്കോസ്താ തിരുനാൾ യേശുവിന്റെ ഉത്ഥാനത്തിനുശേഷം അമ്പത് ദിവസം ആയിരിക്കുന്നു. അമ്പതാം ദിവസം; പെന്തക്കോസ്താ എന്നർത്ഥം. അമ്പത് എന്നത് സമയസങ്കല്പത്തിൽ പൂർണ്ണതയുടെ…
സ്വന്തം ലേഖകന്‍ വത്തിക്കാന്‍ സിറ്റി :യേശുവുമായുള്ള വ്യക്തിപരമായ ബന്ധത്തില്‍ ആശ്വാസം കണ്ടെത്താനും ലോകത്തോടു സഹാനുഭൂതിയുള്ളവരായിരിക്കാന്‍ അവിടത്തെ ഹൃദയത്തില്‍ നിന്ന് പഠിക്കാനും…
This website uses cookies.
