കോഴിക്കോട് രൂപതയിൽ പ്രോലൈഫ് പതാക പ്രയാണം

ജോസ് മാർട്ടിൻ

കോഴിക്കോട്: കെ.സി.ബി.സി. പ്രോലൈഫ് സമിതിയുടെ ഈ വർഷത്തെ പ്രോലൈഫ് ദിനാചരണത്തോടനുബന്ധിച്ച് നടന്ന പതാക പ്രയാണം ബിഷപ്പ് വർഗീസ് ചക്കാലക്കൽ ഉത്ഘാടനം ചെയ്തു. കോഴിക്കോടു സെന്റ് ജോസഫ് പള്ളിയിൽ നിന്ന് ആരംഭിച്ച പതാക പ്രയാണത്തിന്റെ ഉത്ഘാടനം കോഡിനേറ്റർമാരായ ഡോ.ഫ്രാൻസീസ് ജെ.ആറാടൻ, ടോമി പ്ലാത്തോട്ടം എന്നിവർക്ക് പതാക കൈമാറിക്കൊണ്ടാണ് നിർവ്വഹിച്ചത്.

ജീവന്റെ സംരക്ഷരണത്തിനായ് പ്രാർത്ഥിക്കുകയും പ്രവർത്തിക്കുകയും ജീവിക്കുകയും ചെയ്യുന്ന പ്രോലൈഫ് പ്രവർത്തകരെ ബിഷപ്പ് വർഗീസ് ചക്കാലക്കൽ അനുമോദിച്ചു. സംസ്ഥാന ജനറൽ സെക്രട്ടറി ജെയിംസ് ആഴ്ചങ്ങാടൻ പ്രോലൈഫ് ദിനാചരണത്തിന്റെ പ്രസക്തിയെക്കുറിച്ച് സംസാരിച്ചു.

സംസ്ഥാന പ്രസിഡന്റ് ജോൺസൺ ചൂരേ പറമ്പിൽ, സെക്രട്ടറിമാരായ ബിജു കോട്ടേപറമ്പിൽ, സെമിലി, ജനറൽ കൺവീനർ മോൻസി ജോർജ്, ആനിമേറ്റർമാരായ സിസ്റ്റർ മേരി ജോർജ്, സാബു ജോസ്, ജോർജ് എഫ് സേവ്യർ, രൂപതാ ആനിമേറ്റർമാരായ സിസ്റ്റർ സിമ്മി ജോസഫ്, സിസ്റ്റർ മെർളി, താമരശ്ശേരി രൂപത പ്രസിഡന്റ് സജീവ് പുരയിടത്തിൽ എന്നിവർ നേതൃത്വം നൽകിയതായി രൂപതാ പി.ആർ.ഓ. ഫാ.നിദിൻ ആന്റണി അറിയിച്ചു.