ഉണർവ്വ് 2018′ എൽ.സി.വൈ.എം. കട്ടക്കോട് ഫൊറോനയിൽ യൂണീറ്റ് സന്ദർശനം ആരംഭിച്ചു

പ്രിന്‍സ്‌ കുരുവിന്‍മുകള്‍

കട്ടയ്ക്കോട് :LCYM കട്ടക്കോട് ഫൊറോന സമിതിയുടെ നേതൃത്വത്തിൽ “ഉണർവ്വ് 2018” എന്ന പേരിൽ യൂണിറ്റ് സന്ദർശനം ആരംഭിച്ചു. എല്ലാ യൂണിറ്റുകളെയും ശക്തിപ്പെടുത്തുക എന്ന ഉദ്ദേശ്യലക്ഷ്യത്തോടെയാണ് ഫൊറോന സമിതി യൂണീറ്റ് സന്ദർശനം നടത്തുന്നത്.

ഫൊറോനയിൽ 7 ഇടവകകളിലായി 22 യൂണിറ്റുകളാണുള്ളത്. ഫൊറോന വികാരി റവ. ഫാ. റോബർട്ട് വിൻസന്റിന്റെയും മറ്റു ഇടവക വികാരിമാരുടെയും ശക്തമായ നേതൃത്വവും ഫൊറോനയിലെ അൽമായരുടെ പിന്തുണയുമാണ് ഫൊറോനയുടെ പിൻബലമെന്ന് ഫൊറോന പ്രസിഡന്റ് സുബി കുരുവിൻമുകൾ അഭിപ്രായപ്പെട്ടു. യുവജന വർഷത്തിൽ ഫൊറോനയിലെ എല്ലാ യുവജനങ്ങളുടെയും സമഗ്രവളർച്ചയും , മാറിവരുന്ന രാഷ്ട്രീയസാഹചര്യങ്ങളിൽ യുവജനങ്ങളെ സഭയോടൊപ്പം ചേർന്നു നിൽക്കുവാൻ പ്രാപ്തരാക്കുക എന്നതും ഫൊറോന നേതൃത്വത്തിന്റെ ഉത്തരവാദിത്വമാണെന്ന് സമിതി അഭിപ്രായപ്പെട്ടു.

സന്ദർശനത്തിന്റെ ആദ്യദിവസം കട്ടക്കോട് ഇടവകയിലെ കട്ടക്കോട്, മാതാനഗർ, പുതുവൈക്കൽ യൂണിറ്റുകളാണ് സന്ദർശിച്ചത്.