Categories: Articles

അവസാനമില്ലാത്ത പോലീസ്‌ ബ്രൂട്ടാലിറ്റി; ജയരാജനും ബെന്നിക്സും ഇരകൾ

#Justice_for_Jayaraj_and_Bennicks

കാരക്കാടൻ

അമേരിക്കയിൽ പോലീസ്‌ ബ്രൂട്ടാലിറ്റിക്ക്‌ ഇരയായ ജോർജ്ജ്‌ ഫ്ലോയിഡന്റെ മരണത്തെ തുടർന്നുണ്ടായ പ്രശ്നങ്ങൾ പ്രതിഷേധങ്ങളായും അക്രമങ്ങളായും അതിരുകൾ ലംഘിച്ച്‌ തുടർന്നുകൊണ്ടിരിക്കുന്നു. അതിന്റെ വാർത്തകൾ അതീവ പ്രാധാന്യത്തോടെ ഇന്ത്യയിലെ മാധ്യമങ്ങൾ പ്രത്യേകിച്ച്‌ മലയാള മാധ്യമങ്ങൾ റിപ്പോർട്ടുചെയ്തു. ഭൂഖണ്ഡങ്ങൾക്കപ്പുറത്ത്‌ ജോർജ്ജ്‌ ഫ്ലോയിഡിന്‌ നീതിവാങ്ങിക്കൊടുക്കുവാൻ കേരളത്തിലെ സാംസ്കാരിക നായകരും നവമാധ്യമ എഴുത്തുകാരും നിറയെ എഴുതി പ്രസിദ്ധീകരിക്കുന്നുണ്ടായിരുന്നു. തൊട്ട്‌ അയലത്ത്‌ പോലീസ്‌ അതിക്രമത്തിനിരയായി രണ്ടുജീവൻ പൊലിഞ്ഞു. മലയാള മാധ്യമങ്ങളും, സാംസ്കാരിക നായകരും, നവമാധ്യമ എഴുത്തുകാരും അത്‌ അറിഞ്ഞ ഭാവം കാണിക്കുന്നില്ല.

ലോക്ക്ഡൗൺകാലത്ത്‌ ഉപജീവനമാർഗ്ഗമായ മോബെയ്‌ൽ ഫോൺ ആക്സസറീസ്‌ വിൽക്കുന്ന ഒരുകട തുറന്നുവെച്ചുകൊണ്ടിരുന്നു എന്ന കാരണത്താൽ തമിഴ്‌നാട്ടിലെ തൂത്തുക്കുടിയിൽ ഒരു അപ്പനേയും മകനേയും 2020 ജൂൺ 19- ന്‌ പോലീസുകാർ അറസ്റ്റുചെയ്തു. അമ്പത്തിയൊൻപതു വയസുള്ള ജയരാജനും മുപ്പത്തിയൊന്നു വയസുള്ള മകൻ ബെന്നിക്സും അവരായിരുന്നു അത്‌. പിന്നങ്ങോട്ട് രണ്ടുദിവസം കേട്ടാൽ മനുഷ്യമന:സാക്ഷി മരവിച്ചുപോകുന്ന മൃഗീയമായ ക്രൂരതകൾ പോലീസുകാർ ആ പാവം മനുഷ്യരുടെ ശരീരത്തിൽ നടപ്പാക്കി. മരിക്കുവോളം അവരെ കിരാതമായി ഉപദ്രവിച്ചുവെന്ന് പറയുന്നതാണ്‌ ശരി. അറസ്റ്റുചെയ്തതിന്റെ പിറ്റേന്ന് രാവിലെ ഏഴുമുതൽ പന്ത്രണ്ടുമണിവരെയുള്ള സമയത്ത്‌ മലദ്വാരത്തിൽ നിന്നുള്ള രക്തസ്രാവം മൂലം ആ പിതാവും മകനും ഏഴോളം ലുങ്കികൾ മാറി മാറി ഉടുത്തെന്ന് ബെന്നിക്സിന്റെ സുഹൃത്തുക്കൾ പറഞ്ഞു.

ജയരാജനേയും മകനേയും ജുഡീഷ്യൽ മജിസ്ട്രേറ്റിന് മുന്നിൽ ഹാജരാക്കിയപ്പോൾ പോലീസുകാരുടെ ഭീഷണികാരണം പോലീസ്‌ ലോക്കപ്പിൽ ഏൽക്കേണ്ടിവന്ന കൊടും ക്രൂരതകളേക്കുറിച്ച്‌ വായതുറക്കുവാൻ അവർ ഭയപ്പെട്ടു. ജൂൺ 22-ന്‌ ബെന്നിക്സും, 23-ന്‌ രാവിലെ ജയരാജനും മരണമടഞ്ഞു. പോലീസ്‌ ക്രൂരതകൾക്കെതിരെ രാഷ്ട്രീയ വ്യത്യാസമെന്യേ പ്രതികരിക്കേണ്ടത് ഇന്നിന്റെ ആവശ്യമാണ്‌.

vox_editor

Recent Posts

ഫ്രാന്‍സിസ് പാപ്പ സഭാ ഭരണത്തില്‍ 12 വര്‍ഷങ്ങള്‍ പൂര്‍ത്തിയാക്കുന്നു.

അനില്‍ ജോസഫ് വത്തിക്കാന്‍ സിറ്റി : ഇന്ന് ഫ്രാന്‍സിസ് പാപ്പ വത്തിക്കാനില്‍ തന്‍റെ അജപാലന ദൗത്യം ഏറ്റെടുത്തതിന്‍റെ 12 വര്‍ഷം…

1 day ago

ഫ്രാന്‍സിസ് പാപ്പ അപകട നില തരണം ചെയ്തു… വത്തിക്കാനില്‍ നിന്ന് ശുഭവാര്‍ത്ത

സ്വന്തം ലേഖകന്‍ വത്തിക്കാന്‍ സിറ്റി : ഫ്രാന്‍സിസ് പാപ്പയെ റോമിലെ ജെമെല്ലി ആശുപത്രിയില്‍ പ്രവേശിപ്പിച്ചിട്ട് ഇന്ന് 27 ദിനങ്ങള്‍ പിന്നിടുമ്പോള്‍…

2 days ago

1st Sunday_Lent_2025_പരീക്ഷണങ്ങൾ (ലൂക്കാ 4: 1-13)

തപസ്സുകാലം ഒന്നാം ഞായർ യേശു തന്റെ ദൗത്യം ആരംഭിക്കുന്നു. യോഹന്നാനിൽ നിന്നും സ്നാനം സ്വീകരിച്ചയുടനെ, ആത്മാവ് അവനെ മരുഭൂമിയിലേക്ക് നയിക്കുന്നു.…

6 days ago

സിസ്‌റ്റർ മേരി ലിൻഡ 115 മക്കളുടെ അമ്മ

ജോസ് മാർട്ടിൻ ഇന്ന് അന്താരാഷ്ട്ര വനിതാദിനം. വിദ്യാഭ്യാസം, ആരോഗ്യം, തൊഴിൽ, കുടുംബം തുടങ്ങിയ മേഖലകളിൽ വനിതകൾ നേടിയ വിജയത്തിന്റെ ഓർമ്മപ്പെടുത്തലാണ്…

7 days ago

21 ദിവസങ്ങള്‍ക്ക് ശേഷം ആശുപത്രിയില്‍ നിന്ന് ഫ്രാന്‍സിസ് പാപ്പയുടെ ശബ്ദ സന്ദേശം

സ്വന്തം ലേഖകന്‍ വത്തിക്കാന്‍ സിറ്റി : ഫ്രാന്‍സിസ് പാപ്പയെ ആശുപത്രിയില്‍ പ്രവേശിപ്പിച്ചതിന്‍റെ 21-ാം നാള്‍ ഇടറുന്ന സ്വരത്തില്‍ പ്രാര്‍ഥനകള്‍ക്ക് നന്ദി…

1 week ago

ഫ്രാന്‍സിസ് പാപ്പ വെന്‍റിലേറ്ററില്‍

സ്വന്തം ലേഖകന്‍ വത്തിക്കാന്‍ സിറ്റി : ഫ്രാന്‍സിസ്പാപ്പയെ കടുത്ത ശ്വാസ തടസത്തെ തുടര്‍ന്ന് വെന്‍റിലേറ്ററിലേക്ക് മാറ്റി. ഇന്നലെ ഉച്ച തിരിഞ്ഞ്…

2 weeks ago