Categories: Kerala

“സജീവം” ലഹരി വിമുക്ത യജ്ഞം കോട്ടപ്പുറം രൂപതാദ്ധ്യക്ഷൻ ഡോ.ജോസഫ് കാരിക്കശ്ശേരി ഉദ്ഘാടനം ചെയ്തു

വിശപ്പിനും രോഗത്തിനുമെതിരെ നടത്തുന്ന "നോമ്പുകാല പരിത്യാഗം" യജ്ഞത്തിന്റെ രൂപതാതല ഉദ്ഘാടന കർമ്മവും നടന്നു...

ജോസ് മാർട്ടിൻ

കോട്ടപ്പുറം: കോട്ടപ്പുറം ഇന്റെഗ്രേറ്റഡ് ഡെവലപ്മെൻറ് സൊസൈറ്റിയുടെയും (കിഡ്സ്) മദ്യവിരുദ്ധ സമിതി കോട്ടപ്പുറം രൂപയുടേയും ആഭിമുഖ്യത്തിൽ കേരള സോഷ്യൽ സർവീസ് ഫോറത്തിന്റെയും കരിത്താസ് ഇന്ത്യയുടെയും സഹകരണത്തോടുകൂടെ സംഘടിപ്പിക്കുന്ന “സജീവം” ലഹരി വിമുക്ത യജ്ഞത്തിന്റെ ഉദ്ഘാടന കർമ്മം ബിഷപ്പ് ജോസഫ് കാരിക്കശ്ശേരി നിർവഹിച്ചു. കൂടാതെ, വിശപ്പിനും രോഗത്തിനുമെതിരെ നടത്തുന്ന “നോമ്പുകാല പരിത്യാഗം” യജ്ഞത്തിന്റെ രൂപതാതല ഉദ്ഘാടന കർമ്മവും കോട്ടപ്പുറം വികാസ് ആൽബർട്ടൈൻ ആനിമേഷൻ സെന്റെറിൽ നടന്നു.

കോട്ടപ്പുറം രൂപത വികാർ ജനറൽ മോൺ.ഡോ.ആന്റെണി കുരിശിങ്കലിന്റെ മുഖ്യകാർമികത്വത്തിൽ ദിവ്യബലിയോട് കൂടിയാണ് ഉദ്ഘാടന പരിപാടിക്ക് തുടക്കമായത്. തുടർന്ന്, കിഡ്സ് എക്സിക്യൂട്ടീവ് ഡയറക്ടർ ഫാ.പോൾ തോമസ് കളത്തിൽ അധ്യക്ഷത വഹിച്ച യോഗത്തിലായിരുന്നു രണ്ട് പദ്ധതികളുടെയും ഉദ്ഘാടനം നടന്നത്. കാരിത്താസ് ഇന്ത്യാ സ്റ്റേറ്റ് കോഡിനേറ്റർ ശ്രീ. അബീഷ് ആന്റെണി മുഖ്യപ്രഭാഷണം നൽകി. ലഹരിക്കെതിരെ കൂട്ടായി പോരാടേണ്ടതിന്റെയും നോമ്പുകാലത്തിൽ സമർപ്പണത്തിലൂടെ പാവപ്പെട്ടവരെ സഹായിക്കേണ്ടതിന്റെയും പ്രാധാന്യം അദ്ദേഹം വിവരിച്ചു. പരിപാടിയുടെ കേന്ദ്രബിന്ദുവായ ലഹരി വിമുക്ത ബോധവൽക്കരണ ക്ലാസ് ഇരിഞ്ഞാലക്കുട രൂപത കെ.സി.ബി.സി. മദ്യവിരുദ്ധ സമിതി ആനിമേറ്റർ ശ്രീ.സേവിയർ പള്ളിപ്പാടൻകൈകാര്യം ചെയ്തു.

ഉദ്ഘാടന പരിപാടിയിൽ കോട്ടപ്പുറം രൂപത വികാർ ജനറൽ മോൺ.ആന്റെണി കുരിശിങ്കൽ അനുഗ്രഹപ്രഭാഷണവും ബി.സി.സി. സെക്രട്ടറി സിസ്റ്റർ ബിനു പേരേര, കെ.എൽ.സി.എ. പ്രതിനിധി ശ്രീ.ബൈജു കാട്ടാശ്ശേരി, കെ.എൽ.സി.ഡബ്ല്യു.എ. പ്രതിനിധി ശ്രീമതി ആനി ജോർജ് തേക്കാനത്ത്, സി.എസ്.എസ്. പ്രതിനിധി ശ്രീ ജോജോ മനക്കിൽ, കെ.എൽ.എം. പ്രസിഡൻറ് വിൻസെന്റ് ചിറയത്ത്, കെ.സി.വൈ.എം. പ്രസിഡൻറ് ശ്രീ.പോൾ ജോസ് തുടങ്ങിയവർ ആശംസകളും നേർന്നു സംസാരിച്ചു.

പരിപാടിയിൽ കിഡ്സ് അസിസ്റ്റൻറ് ഡയറക്ടർ ഫാ.വർഗീസ് കാട്ടശ്ശേരി സ്വാഗതവും കോട്ടപ്പുറം രൂപത മദ്യവിരുദ്ധ സമിതി പ്രസിഡന്റ് ശ്രീ.സേവിയർ പടിയിൽ നന്ദിയും പറഞ്ഞു. കെ.എൽ.എം., കെ.എൽ.എസി.ഡബ്ലിയു.എ., കെ.എൽ.സി.എ., സി.എസ്.എസ്., കെ.സി.വൈ.എം., കിഡ്സ് എസ്.എച്ച്.ജി. എന്നീ സംഘടനയിലെ അംഗങ്ങൾ ഉൾപ്പെടെ 200 ഓളം പേർ പങ്കെടുത്തു.

vox_editor

Recent Posts

കൃപാസനം പ്രേഷിത ജോമോൾ ഇനി “സമർപ്പിത കന്യക”

ജോസ് മാർട്ടിൻ ആലപ്പുഴ: ആലപ്പുഴ രൂപതയിലെ ആദ്യ "സമർപ്പിത കന്യകയായി" കൃപാസനം പ്രേഷിതയായ ജോമോളെ പരിശുദ്ധ ദൈവമാതാവിന്റെ സമർപ്പണ തിരുനാളിൽ…

2 days ago

Christ the King_2025_കുരിശിലെ രാജാവ് (ലൂക്കാ 23:35-43)

ക്രിസ്തുരാജന്റെ തിരുനാൾ കാൽവരിയിൽ, ഒട്ടും ഉചിതമല്ലാത്ത ഒരിടത്ത്, കുരിശുമരത്തിന്റെ ഇടുങ്ങിയ ആ ചുറ്റളവിനുള്ളിലാണ് ലൂക്കാ സുവിശേഷകൻ യേശുവിന്റെ രാജകീയതയെ അവതരിപ്പിക്കുന്നത്.…

5 days ago

ഇന്ത്യ ഒരു ഹിന്ദു രാഷ്ട്രമല്ല; കാത്തലിക് ബിഷപ്പ്സ് കോൺഫറൻസ് ഓഫ് ഇന്ത്യ

ജോസ് മാർട്ടിൻ ന്യൂഡൽഹി: ഭാരതം ഒരു ഹിന്ദു രാഷ്ട്രമാണെന്ന മോഹൻ ഭാഗവതിന്റെ പ്രസ്താവന തെറ്റിദ്ധരിപ്പിക്കുന്നതും വഞ്ചനാപരവുമാണെന്ന് ഭാരത കത്തോലിക്കാ മെത്രാൻ…

2 weeks ago

33rd Sunday_2025_ശ്രദ്ധയുള്ള ദൈവം (ലൂക്കാ 21:5-19)

ആണ്ടുവട്ടത്തിലെ മുപ്പത്തിമൂന്നാം ഞായർ വിലാപത്തിന്റെയും നിലവിളികളുടെയും നാളുകൾ വരും. വാസ്തവത്തിൽ, അവ ഇതിനകം വന്നു കഴിഞ്ഞിരിക്കുന്നു. അവ വീണ്ടും വരുകയും…

2 weeks ago

റോമിലെ വിശുദ്ധ ജോണ്‍ ലാറ്ററന്‍ ബസലിക്കയുടെ പ്രതിഷ്ഠാ ദിനത്തില്‍ ദുവ്യബലി അര്‍പ്പിച്ച് പ്രാര്‍ഥിച്ച് ലിയോ പാപ്പ

സ്വന്തം ലേഖകൻ വത്തിക്കാൻ സിറ്റി: ക്ഷമയും വിശ്വാസവും കൊണ്ട് കെട്ടിപ്പടുക്കപ്പെട്ട സമൂഹത്തിനായുള്ള ഒരു 'നിര്‍മ്മാണ സ്ഥലം' ആണ് "പള്ളി" എന്ന്…

2 weeks ago

31st_Sunday_ചാട്ടവാറുമായി നിൽക്കുന്നവൻ (യോഹ 2:13-22)

ആണ്ടുവട്ടത്തിലെ മുപ്പത്തിരണ്ടാം ഞായർ ഇന്ന് ലോകമെമ്പാടും, റോമൻ കത്തോലിക്കർ, പരിശുദ്ധ പിതാവിന്റെ കത്തീഡ്രലായ വിശുദ്ധ ജോൺ ലാറ്ററന്റെ സമർപ്പണ തിരുനാൾ…

3 weeks ago