സം​ഗീ​ത​ വ​ഴി​യി​ലെ സ​ന്യാ​സ​ ജീ​വി​തം; ര​ച​ന​യും സം​ഗീ​ത​വും സി​സ്റ്റ​ർ ക്രി​സ്റ്റി

പാ​ല​ക്കാ​ട്: വാ​ക്കു​ക​ൾ വെ​റും കു​മി​ള​ക​ളോ അ​ക്ഷ​ര​ക്കൂ​ട്ട​ങ്ങ​ളോ അ​ല്ല. ചേ​രു​വ​ക​ൾ കൃ​ത്യ​മാ​കുമ്പോൾ അ​തു താ​ള​ബോധ​മു​ള്ള സം​ഗീ​ത​മാ​യി പു​ന​ർ​ജ​നി​ക്കും. ഇമ്പമാ​ർ​ന്ന ശ​ബ്ദ​ത്തി​ൽ ഹൃ​ദ​യ​ത്തോടു ചേ​ർ​ന്നു​നി​ൽ​ക്കും. അ​ർ​ഥ​വും സ്നേ​ഹ​വും പ്ര​തീ​ക്ഷ​യും വാ​രി​ക്കോ​രി ന​ൽ​കും. ര​ച​ന​യി​ലും ശ​ബ്ദ​ത്തി​ലും ഈ ​കാ​വ്യ​നീ​തി കാ​ലം പ​ക​ർ​ന്നു​ന​ൽ​കി​യ​പ്പോൾ സി​സ്റ്റ​ർ ഡോ. ​ക്രി​സ്റ്റി ആ​ദ്യം പാ​ട്ടു​കാ​രി​യാ​യി. പി​ന്നെ ര​ച​ന​യും സം​ഗീ​ത​വും നി​ർ​വ​ഹി​ച്ചു.

അ​ധ്യാ​പി​ക, വൈ​സ് പ്രി​ൻ​സി​പ്പ​ൽ, പാ​ട്ടു​കാ​രി, ര​ച​യി​താ​വ്, സം​ഗീ​ത​സം​വി​ധാ​നം എ​ന്നീ മേ​ഖ​ല​ക​ളി​ലെ​ല്ലാം സി​സ്റ്റ​ർ കൈ​യൊപ്പു ചാ​ർ​ത്തി​ക്ക​ഴി​ഞ്ഞു.
പാ​ല​ക്കാ​ട് ജ​യ് ക്രി​സ്റ്റോ പ്രൊവി​ൻ​സി​ലെ അം​ഗ​മാ​യ സി​സ്റ്റ​ർ ക്രി​സ്റ്റി സിഎംസി സ്വ​ന്ത​മാ​യി ര​ച​ന​യും സം​ഗീ​ത​വും നി​ർ​വ​ഹി​ച്ച ആ​ദ്യ ഭ​ക്തി​ഗാ​ന സി​ഡി പു​റ​ത്തി​റ​ങ്ങി. “ആ ​ഗേ​ഹം അ​ന​ശ്വ​ര ഗേ​ഹം” എ​ന്ന പേ​രു​ള്ള സി​ഡി​യി​ൽ മൃ​ത​സം​സ്കാ​ര​വേ​ള​ക​ളി​ൽ ആ​ല​പി​ക്കാ​നു​ത​കു​ന്ന പ്രാ​ർ​ഥ​നാ​ഗാ​ന​ങ്ങ​ളാ​ണു​ള്ള​ത്. ആറു ഗാ​ന​ങ്ങ​ളും ര​ണ്ട് സ​ങ്കീ​ർ​ത്ത​ന​ങ്ങ​ളും ര​ണ്ടു​ ക​വി​ത​ക​ളും മ​റ്റും ഉ​ൾ​പ്പെ​ടു​ന്ന​താ​ണ് ഭ​ക്തി​ഗാ​ന സി​ഡി.

പാ​ല​ക്കാ​ട് രൂ​പ​താ​ധ്യ​ക്ഷ​ൻ മാ​ർ ജേ​ക്ക​ബ് മ​ന​ത്തോട​ത്ത് പ്ര​കാ​ശ​നം നി​ർ​വ​ഹി​ച്ച സി​ഡി​യി​ൽ ബി​ഷ​പ്പി​ന്‍റെ അ​നു​ഗ്ര​ഹ​പ്ര​ഭാ​ഷ​ണ​വും ഉ​ൾ​പ്പെ​ടു​ത്തി​യി​ട്ടു​ണ്ട്. ഗാ​നാ​ലാ​പ​ന​ങ്ങ​ളി​ലൂ​ടെ പ്ര​ശ​സ്ത​നാ​യ കെ​സ്റ്റ​റാ​ണ് മു​ഖ്യ​ഗാ​യ​ക​ൻ. കൂ​ടാ​തെ ആ​ർ.​വി. ക​പ്പൂ​ച്ചി​ൻ (ഫാ. ​റോജ​ർ), സി​സ്റ്റ​ർ എ​മി​ൽ മ​രി​യ സി​എം​സി, സി​സ്റ്റ​ർ ജെ​സ്ന സി​എം​സി, ഫാ. ​സ​നി​ൽ കു​റ്റി​പ്പു​ഴ​ക്കാ​ര​ൻ എ​ന്നി​വ​രും പാ​ടി​യി​ട്ടു​ണ്ട്. സ​ങ്കീ​ർ​ത്ത​നാ​ലാ​പ​ന​ത്തി​ലൊന്ന് സി​സ്റ്റ​ർ ക്രി​സ്റ്റി​ത​ന്നെ​യാ​ണു ന​ട​ത്തി​യി​ട്ടു​ള്ള​ത്.
താ​മ​ര​ശേ​രി രൂ​പ​ത​യി​ലെ മ​ഞ്ഞു​വ​യ​ൽ സെ​ന്‍റ് ജോൺസ് ച​ർ​ച്ച് ഇ​ട​വ​കാം​ഗ​മാ​ണ് സിസ്റ്റർ. പാലക്കാട് മേഴ്സി കോളജ് അധ്യാപികയും പിന്നീട് വൈസ് പ്രിൻസിപ്പലുമായിരുന്നു.