മിഷൻ കുരിശ് പ്രയാണസമാപനം; ഒരുക്കത്തിന് ഏകദിന ആരാധനയുമായി യുവജന ശുശ്രുഷ സമിതി

അനൂപ്. ജി. വർഗീസ്

നെയ്യാറ്റിൻകര: മിഷൻ കുരിശ് പ്രയാണത്തിന്റെ സമാപനത്തിനു മുന്നോടിയായി നാളെ 12/9/2018 രാവിലെ 8 മണി മുതൽ നെയ്യാറ്റിൻകര രൂപതയിലെ യുവജന ശുശ്രുഷയുടെ നേതൃത്വത്തിൽ എൽ.സി.വൈ.എംഉം ജീസസ് യൂത്തും ചേർന്ന് ഒരു ഏകദിന ആരാധന നടത്തുന്നു.

നെയ്യാറ്റിൻകര അമലോൽഭവ മാതാ കത്തീഡ്രൽ ദേവാലയത്തിൽ വച്ച് നടത്തുന്ന ആരാധനയിൽ രൂപതയിലെ എല്ലാ ഫെറോനകളും നേതൃത്വം നൽകുന്നുവെന്ന് യുവജന ശുശ്രുഷ ഡയറക്ടർ റവ.ഫാ.ബിനു റ്റി. അറിയിച്ചു.

രാവിലെ 8 മണി മുതൽ 11 മണി വരെ നെടുമങ്ങാട്, ചുള്ളിമാനൂർ, ആര്യനാട് എന്നീ ഫെറോനകളിലെ യുവജനങ്ങൾ നേതൃത്വം നൽകും.

തുടർന്ന്, 11 മണി മുതൽ ഉച്ചക്ക് 2 മണി വരെയുള്ള ആരാധനയ്ക്ക് ഉണ്ടൻകോട്, കാട്ടാക്കട, കട്ടക്കോട്, പെരുങ്കടവിള എന്നീ ഫെറോനകളിലെ യുവജനങ്ങൾ നേതൃത്വം നൽകുമ്പോൾ ഉച്ചക്ക് 2 മണി മുതൽ 5 മണി വരെയുള്ള ആരാധന പാറശാല, ബാലരാമപുരം, നെയ്യാറ്റിൻകര, വ്ളാത്താങ്കര എന്നീ ഫെറോനകളിലെ യുവജനങ്ങൾ നയിക്കും.

മിഷൻ കുരിശ് പ്രയാണസമാപനം വലിയൊരനുഭവമാക്കി മാറ്റുവാൻ എല്ലാ യുവതീ യുവാക്കളും ആത്മാർഥമായി ആരാധനയിൽ പങ്കുചേരണമെന്ന് യുവജന ശുശ്രുഷ ഡയറക്ടർ അഭ്യർത്ഥിച്ചു.