പുനർഗേഹം പദ്ധതിക്കെതിരെ സമരം ശക്തമാക്കും കെ.എൽ.സി.എ.

സ്വന്തം ലേഖകൻ

ആലപ്പുഴ: കേരളത്തിന്റെ കടൽ തീരത്തു നിന്നും മത്സ്യത്തൊഴിലാളി കുടുംബങ്ങളെ കുടിയൊഴിപ്പിക്കുന്ന പുനർഗേഹം പദ്ധതി നടപ്പാക്കുന്നതിനെതിരെ സമരം ശക്‌തമാക്കുമെന്ന് കെ.എൽ.സി.എ. സംസ്ഥാന ജനറൽ സെക്രട്ടറി അഡ്വ.ഷെറി ജെ.തോമസ്. പദ്ധതിക്കെതിരെ സംസ്ഥാന സമിതി തുടങ്ങിയ രണ്ടാംഘട്ട സമരം ആലപ്പുഴ കലക്ടറേറ്റ് പടിക്കൽ ഉദ്ഘാടനം ചെയ്യുകയായിരുന്നു അദ്ദേഹം.

കടുത്ത മനുഷ്യാവകാശ ലംഘനമാണ് പദ്ധതിയിൽ ഒളിഞ്ഞിരിക്കുന്നതെന്നും, കോവിഡ് നിയന്ത്രണം മാറിയ ശേഷം സമരം ശക്തമാക്കുമെന്നും ഷെറി ജെ.തോമസ് പറഞ്ഞു. പി.ജി.ജോൺ ബ്രിട്ടോ അധ്യക്ഷത വഹിച്ചു. ഫാ.ജോൺസൺ പുത്തൻ വീട്ടിൽ, ബിജു ജോസി, ടി.എ.ഡാൽഫിൻ, ക്ലീറ്റസ് കളത്തിൽ, ജസ്റ്റീന ഇമ്മാനുവൽ, സാബു വി.തോമസ്, പി.ജെ.ആൽബർട്ട്, തോമസ് കണ്ടത്തിൽ, സോളമൻ പനയ്ക്കൽ തുടങ്ങിയവർ പ്രസംഗിച്ചു.