പുന്നപ്ര സെന്റ് ജോസഫ്സ് ഫെറോനയുടെ പുതിയ ദേവാലയത്തിന്റെ ആശീർവാദവും, രൂപതാദിനാഘോഷവും

ജോസ് മാർട്ടിൻ

പുന്നപ്ര: ആലപ്പുഴ രൂപതയുടെ രൂപതാദിനാഘോഷവും
ഫെറോന പള്ളിയായ പുന്നപ്ര സെൻറ് ജോസഫ്സ് പള്ളിയുടെ ആശീർവാദവും, കൂദാശാകർമ്മവും സമഗ്രമായി ഇന്നലെ (11/10/2018) ആഘോഷിച്ചു. ആലപ്പുഴ രൂപതാ മെത്രാൻ ഡോ. സ്റ്റീഫൻ അത്തിപൊഴിയിൽ രൂപതാ ദിന പതാക ഉയർത്തി ആഘോഷങ്ങൾക്ക് തുടക്കം കുറിച്ചു.

തുടർന്ന്, സ്റ്റീഫൻ അത്തിപൊഴിയിൽ പിതാവിന്റെ മുഖ്യ കാർമ്മീകത്വത്തിൽ നടന്ന ആഘോഷമായ പൊന്തിഫിക്കൽ സമൂഹബലിയിൽ ആലപ്പുഴ രൂപതാ സഹായ മെത്രാൻ ഡോ.ജെയിംസ് ആനാപറമ്പിൽ പിതാവ് വചന സന്ദേശം നൽകി.

വൈകിട്ട് നടന്ന പൊതുസമ്മേളനത്തിൽ ബിഷപ്പ് ഡോ. ജെയിംസ് ആനാപറമ്പിൽ പിതാവ് അധ്യക്ഷത വഹിച്ചു.

ഇടവക വികാരി ഫാ. പോൾ അറക്കൽ സ്വാഗതം ആശംസിച്ചു.
ബഹു. പൊതുമരാമത്തു മന്ത്രി ജി. സുധാകരൻ സുവനീർ പ്രകാശനം നടത്തി. ശ്രീ. കെ. സി. വേണുഗോപാൽ എം.പി., ശ്രീ. ജി.വേണുഗോപാൽ, ശ്രീ. തോമസ് ജോസഫ്, ശ്രീ. ജാക്സൺ ആറാട്ടുകുളം തുടങ്ങിയവർ ആശംസകൾ അർപ്പിച്ചു.
ശ്രീ. വി.ഡി. ജോർജ് അറുകുലശേരി കൃതഞത അർപ്പിച്ചുകൊണ്ട് പൊതുയോഗം അവസാനിച്ചു.