Categories: Kerala

പള്ളിത്തുറയുടെ ത്യാഗം രാജ്യത്തിന്റെ പുരോഗതി ത്വരിതപ്പെടുത്തി; ഡോ.ശശി തരൂർ എം.പി.

അറുപതുകളിൽ പള്ളിത്തുറജനത രാഷ്ട്രത്തിനുവേണ്ടി സ്വന്തം ഭൂമിയും പള്ളിയും ആസ്തിവകകളും വിട്ടുകൊടുത്തു...

ഡോ.എഫ്.എം.ലാസർ

തിരുവനതപുരം: അറുപതുകളിൽ പള്ളിത്തുറജനത രാഷ്ട്രത്തിനുവേണ്ടി സ്വന്തം ഭൂമിയും പള്ളിയും ആസ്തിവകകളും വിട്ടുകൊടുത്തുകൊണ്ട് കുടിയേറ്റത്തിനു കാട്ടിയ മനോഭാവം മഹത്തരമാണെന്നും, അതിന് എക്കാലവും രാജ്യം പള്ളിത്തുറജനതയോട് കടപ്പെട്ടിരിക്കുന്നുവെന്നും, കാലാതീതമായ ഈ ത്യാഗമാണ് ഇന്നത്തെ ഇന്ത്യയുടെ ശാസ്ത്ര-സാങ്കേതിക രംഗങ്ങളിലെ കുതിച്ചുചാട്ടത്തിന് കാരണമായതെന്നും ഡോ.ശശി തരൂർ എം.പി. പറഞ്ഞു. പള്ളിത്തുറ സാരാഭായി റെസിഡന്റ്‌സ് അസോസിയേഷൻ – പി.എസ്.ആർ.എ.യുടെ എട്ടാമത് വാർഷികവും ആദരവ് സംഗമവും ബിഷപ്പ് പീറ്റർ ബെർണാഡ് പെരേര നഗറിൽ (പള്ളിത്തുറ ലയോള ഹാളിൽ) ഉദ്ഘാടനം ചെയ്തു സംസാരിയ്ക്കുകയായിരുന്നു അദ്ദേഹം.

അതോടൊപ്പം, എസ്.എസ്.എൽ.സി.പരീക്ഷയ്ക്ക് നൂറു ശതമാനം വിജയം നേടിയ പള്ളിത്തുറ ഹയർ സെക്കൻഡറി സ്‌കൂളിന് അഭിനന്ദനങ്ങൾ അർപ്പിച്ച അദ്ദേഹം സ്കൂളിനുള്ള പി.എസ്.ആർ.എ.യുടെ പുരസ്‌കാരങ്ങളും വിതരണം ചെയ്തു. പ്രസിഡന്റ് ലാംബർട്ട് മിരാന്റെ അധ്യക്ഷത വഹിച്ചു. സെക്രട്ടറി എഫ്.എം.ക്രിസ്റ്റിൽ റിപ്പോർട്ട് അവതരിപ്പിച്ചു. ഇടവക വികാരി ഫാ.ലെനിൻ ഫെർണാണ്ടസ് അനുഗ്രഹ പ്രഭാഷണം നടത്തി. പി.എസ്.ആർ.എ. കോർഡിനേറ്റർ എൻ.വെൻസിലാസ്, പള്ളിത്തുറ എച്ച്എസ്എസ് പ്രിൻസിപ്പൽ എ.കനകദാസ്, ഹെഡ്മിസ്ട്രസ് റീന പെരേര, മെറ്റിൾഡാ ജോസ് എന്നിവർ പ്രസംഗിച്ചു.

പള്ളിത്തുറ ജനത സ്വപ്നങ്ങൾ കാണണമെന്നും വൈദഗ്ധ്യമുള്ളവർ ആകണമെന്നും വൈവിധ്യവത്കരണം മനസ്സിലാക്കി സമൂഹത്തിന്റെ മുഖ്യധാരാ പദവികളിൽ എത്തപ്പെടാൻ പരിശ്രമങ്ങൾ നടത്തണമെന്നും മുഖ്യാതിഥിയായി പങ്കെടുത്ത് പ്രഭാഷണം നടത്തിയ ഐ.എസ്.ആർ.ഓ.–വി.എസ്.എസ്.സി. ചീഫ് കൺട്രോളർ ഡോ.ബിജു ജേക്കബ് പറഞ്ഞു.

പള്ളിത്തുറ ജനതയുടെയുടെ ചരിത്രപരമായ ത്യാഗം തീരദേശ ജനതയ്ക്ക് ആകമാനം അഭിമാനമാണെന്നും അവരുടെ സാമൂഹിക പുരോഗതിക്ക് രാഷ്ട്രീയ വ്യത്യാസങ്ങൾ മാറ്റി നിർത്തി പുസ്തക പ്രചാരണം, വായന എന്നിവയിലൂടെ ഒരു സാംസ്കാരിക വിപ്ലവത്തിന് തുടക്കം കുറിയ്ക്കണമെന്നും മുഖ്യപ്രഭാഷകൻ കേരളഭാഷാ ഇൻസ്റ്റിറ്റ്യൂട്ട് മുൻ ഡയറക്ടർ ഡോ.എം.ആർ.തമ്പാൻ ആഹ്വാനം ചെയ്തു.

സാമൂഹിക പ്രവർത്തനത്തിൽ ഡോക്ടറേറ്റും നേപ്പാളിൽ നിന്നും പീസ് അമ്പാസ്സഡർ നിയമനവും ലഭിച്ച ഡോ.എഫ്.എം. ലാസറിനെയും യോഗത്തിൽ ആദരിച്ചു. അതുപോലെ, എം.ബി.ബി.എസ്. ‌നേടിയ ഡോ.ആൻ ജോസഫ്, പള്ളിത്തുറ ഇടവകയിൽ എസ്.എസ്.എൽ.സി.യ്ക്ക് ഫുൾ എ പ്ലസ് നേടിയ നോവ ക്രിസ്റ്റിൽ, കൂടാതെ എസ്.എസ്.എൽ.സി., പ്ലസ് ടൂ, ബിരുദം, ബിരുദാനന്തര ബിരുദം, പ്രൊഫഷണൽ ബിരുദം എന്നിവയിലെ വിജയികൾക്കും പി.എസ്.ആർ.എ.യുടെ പുരസ്കാരങ്ങൾ നല്കി.

ട്രെഷറർ ജോണി സിൽവ, സ്റ്റീഫൻ പോൾ, മാർഗ്രറ്റ് ലൂക്കോസ്, സന്ധ്യാവ് ഫെർണാണ്ടസ്, ഹെലൻ ഫെലിക്സ്, എഡ്വിൻ പോൾ, ജോയി സിൽവ എന്നിവരായിരുന്നു മുഖ്യ സംഘാടകർ.

vox_editor

Recent Posts

22nd Sunday_2025_വിട്ടുകൊടുക്കലിന്റെ സുവിശേഷം (ലൂക്കാ 14: 7-14)

ആണ്ടുവട്ടത്തിലെ ഇരുപത്തിരണ്ടാം ഞായർ ഇന്നത്തെ സുവിശേഷ പശ്ചാത്തലം ഏതോ ഒരു ഫരിസേയ പ്രമാണിയുടെ വീട്ടിലെ വിരുന്നുശാലയാണ്. പ്രമുഖ സ്ഥാനങ്ങൾക്കായി തിരക്കുകൂട്ടുന്ന…

5 hours ago

21st Ordinary Sunday_2025രക്ഷയുടെ വാതിൽ (ലൂക്കാ 13: 22 – 30)

ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…

1 week ago

സമാധാനവും ഭിന്നതയും (ലൂക്കാ 12:49-57)

ആണ്ടുവട്ടത്തിലെ ഇരുപതാം ഞായർ "ഭൂമിയില്‍ സമാധാനം നല്‍കാനാണു ഞാന്‍ വന്നിരിക്കുന്നതെന്നു നിങ്ങള്‍ വിചാരിക്കുന്നുവോ? അല്ല, ഭിന്നത എന്നു ഞാന്‍ നിങ്ങളോടു…

2 weeks ago

18th Sunday_Ordinary Time_ദ്രവ്യാസക്തി എന്ന നരകം (ലൂക്കാ 12: 13-21)

ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്‍നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന്‍ എന്റെ സഹോദരനോടു കല്‍പിക്കണമേ!"…

4 weeks ago

സേവനത്തിന്റെ കരങ്ങൾക്ക് വിലങ്ങിടുന്ന രാഷ്ട്രീയം

സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…

1 month ago

ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…

1 month ago