ന​ല്ല നി​ല​ത്ത് വി​ത​ച്ചു നൂ​റു​മേ​നി കൊ​യ്യാ​ൻ ഒ​രു​ങ്ങി ആ​ര്യ​നാ​ട് ക​ർ​മ​ല മാ​താ ഫൊ​റോ​ന ദേ​വാ​ല​യം

സ്വന്തം ലേഖകന്‍

ആ​ര്യ​നാ​ട്: ശീ​ത​കാ​ല പ​ച്ച​ക്ക​റി​ക​ളാ​യ കാ​ബേ​ജ്, കോ​ളി​ഫ്ള​വ​ർ; നാ​ട​ൻ കൃ​ഷി ഇ​ന​ങ്ങ​ളാ​യ വെ​ണ്ട, ചീ​ര, മു​ള​ക്, പ​യ​റ്, വെ​ള്ള​രി​ക്കാ, പ​ട​വ​ലം തു​ട​ങ്ങിയ ജൈ​വ പ​ച്ച​ക്ക​റി കൃ​ഷി​യു​ടെ വി​ള​വെ​ടു​പ്പ് ആ​ഘോ​ഷ​മാ​ക്കി മാ​റ്റു​ക​യാ​ണ് ആ​ര്യ​നാ​ട് ക​ർ​മ​ല മാ​താ ദേ​വാ​ല​യം. 500 ല​ധി​കം പ​ച്ച​ക്ക​റി​ക​ളാ​ണ് പ​ള്ളി പ​രി​സ​ര​ത്ത് വി​ള​യു​ന്ന​ത്.

നെ​യ്യാ​റ്റി​ൻ​ക​ര രൂ​പ​ത​യു​ടെ സാ​മൂ​ഹി​ക ശു​ശ്രൂ​ഷ സ​മി​തി​യാ​യ നി​ഡ്സി​ന്‍റെ 80 യൂ​ണി​റ്റു​ക​ളി​ൽ പ്രാ​വ​ർ​ത്തി​ക​മാ​ക്കി​യ “ജൈ​വ​കൃ​ഷി ആ​രോ​ഗ്യ സു​സ്ഥി​തി​ക്ക്” എ​ന്ന പ​ദ്ധ​തി പ്ര​കാ​രം കൃ​ഷി​യി​റ​ക്കി​യാണ് ആ​ര്യ​നാ​ട് ക​ർ​മ​ല മാ​താ ഫൊ​റോ​ന ദേ​വാ​ല​യം ശ്ര​ദ്ധേ​യ​മാ​യ​ത്.

ഫൊ​റോ​ന ദേ​വാ​ല​യ ഇ​ട​വ​ക വി​കാ​രി​യും ബോ​ണ​ക്കാ​ട് കു​രി​ശു​മ​ല റെ​ക്ട​റു​മാ​യ ഫാ. ​ഡെ​ന്നീ​സ് മ​ണ്ണൂ​രും കോൺവ​ന്‍റ് സി​സ്റ്റേ​ഴ്സും ഇ​ട​വ​കാം​ഗ​ങ്ങ​ളും പ​ള്ളി​മേ​ട​യി​ലെ അ​ര ഏ​ക്ക​റോ​ളം സ്ഥ​ല​ത്ത് ന​ട്ട് പ​രി​പാ​ലി​ച്ച ജൈ​വ പ​ച്ച​ക്ക​റി കൃ​ഷി​യു​ടെ വി​ള​വെ​ടു​പ്പ് കാ​ണാ​നും ഉ​ല്പ​ന്ന​ങ്ങ​ൾ വാ​ങ്ങാ​നും നി​ര​വ​ധി​പ്പേ​രാ​ണ് എ​ത്തു​ന്ന​ത്. ജൈ​വ​വ​ള​മാ​യ ചാ​ണ​കം, പ​ച്ചി​ല​വ​ളം, കമ്പോസ്റ്റ് വ​ളം, കോ​ഴി​വ​ളം എ​ന്നി​വ ഉ​പ​യോ​ഗി​ച്ചാ​ണ് കൃ​ഷി ന​ട​ത്തി​യ​ത്. കൂ​ടാ​തെ മു​റ​തെ​റ്റാ​തെ ര​ണ്ടു​നേ​രം ന​ന​യും പ​തി​വാ​ണ്. കൃ​ത്രി​മ രാ​സ​വ​ള പ്ര​യോ​ഗ​മോ, വി​ഷാം​ശം ക​ല​ർ​ന്ന മ​രു​ന്നു ത​ളി​യോ കൃ​ഷി​യി​ലു​ട​നീ​ളം ഉ​ണ്ടാ​യി​ട്ടി​ല്ലെ​ന്ന​താ​ണി​തി​ന്‍റെ മ​റ്റൊ​രു പ്ര​ത്യേ​ക​ത.

ജൈ​വ പ​ച്ച​ക്ക​റി​യി​ൽ നി​ന്നും കി​ട്ടു​ന്ന വ​രു​മാ​നം കൊ​ണ്ട് കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് കൃ​ഷി വ്യാ​പി​പ്പി​ച്ച് കൂ​ടു​ത​ൽ വി​ള​വു​ക​ൾ ശേ​ഖ​രി​ക്കു​ക​യാ​ണ് ല​ക്ഷ്യ​മെ​ന്ന് വി​കാ​രി ഫാ. ​ഡെ​ന്നീ​സ് മ​ണ്ണൂ​ർ പ​റ​ഞ്ഞു. ‘ആ​രോ​ഗ്യ സു​ര​ക്ഷ​യ്ക്കു ജൈ​വ വ​ള​കൃ​ഷി അ​ത്യ​ന്താ​പേ​ക്ഷി​ത​മാ​ണെ​ന്നും ആ​ഴ്ച​യി​ൽ മൂ​ന്നു ദി​വ​സ​മെ​ങ്കി​ലും ശു​ദ്ധ​മാ​യ പ​ച്ച​ക്ക​റി​ക​ൾ സ്വ​ന്തം പു​ര​യി​ട​ത്തി​ൽ നി​ന്നും ഉ​ദ്പാ​ദി​പ്പി​ക്കു​ന്ന സാ​ഹ​ച​ര്യം ഉ​ണ്ടാ​ക്ക​ണ​’മെ​ന്നു​മു​ള്ള നി​ഡ്സി​ന്‍റെ ആ​ശ​യം പ്ര​ച​രി​പ്പി​ക്കു​ക​യെ​ന്നു​ള്ള​താ​ണ് ഈ ​പ​ദ്ധ​തി വി​ഭാ​വ​നം ചെ​യ്യു​ന്ന​ത്.

ഫ്രാ​ൻ​സീ​സ് മാ​ർ​പാപ്പ​യു​ടെ ചാ​ക്രി​ക ലേ​ഖ​ന​മാ​യ ലൗ​ഡാ​ത്തോ​സ് (അ​ങ്ങേ​യ്ക്കു സ്തു​തി) വി​ഭാ​വ​നം ചെ​യ്യു​ന്ന ജൈ​വ സമ്പുഷ്‌ടവും മ​ലി​ന​ര​ഹി​ത​വു​മാ​യി പൊ​തു​ഭ​വ​ന​മാ​യ ഈ ​ഭൂ​മി​യെ സം​ര​ക്ഷി​ക്കു​ന്ന​താ​ക​ണം ന​മ്മു​ടെ ജീ​വി​ത​ച​ര്യ എ​ന്ന ആ​ശ​യ​വും ഈ ​കൃ​ഷി രീ​തി​യി​ലൂ​ടെ അ​വ​ലം​ബി​ച്ചി​ട്ടു​ണ്ടെ​ന്ന് ഫാ. ​ഡെ​ന്നീ​സ് പ​റ​ഞ്ഞു. കൂ​ടു​ത​ൽ ഉ​ദ്പാ​ദി​പ്പി​ച്ച് കു​റ​ഞ്ഞ​വി​ല​യി​ൽ ഉ​പ​ഭോ​ക്താ​ക്ക​ളി​ലെ​ത്തി​ക്കു​ന്ന ജൈ​വ​കൃ​ഷി പ​രി​പാ​ല​ന ചെ​റു​യൂ​ണി​റ്റു​ക​ൾ ഭ​വ​ന​ങ്ങ​ൾ തോ​റും ന​ട​പ്പി​ലാ​ക്കി പ്രാ​ർ​ഥ​ന​യും ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളും മ​ദ്യ​വ​ർ​ജ​ന​ത്തോ​ടു​മൊ​പ്പം അ​ധ്വാ​ന​വും എ​ന്ന പ്ര​വ​ർ​ത്ത​ന​ങ്ങ​ളു​മാ​യി വേ​റി​ട്ടു നി​ൽ​ക്കു​ക​യാ​ണ് ഇന്ന് ആ​ര്യ​നാ​ട് ക​ർ​മ​ല​മാ​താ ഫൊ​റോ​ന ദേ​വാ​ല​യം.