ന്യൂനപക്ഷങ്ങൾക്കെതിരേ അതിക്രമങ്ങൾ അനുവദിക്കരുത്; കേന്ദ്രത്തോട് സി.ബി.സി.ഐ. പ്രസിഡന്‍റ്

സ്വന്തം ലേഖകൻ

ന്യൂ​ഡ​ൽ​ഹി: ന്യൂ​ന​പ​ക്ഷ​ങ്ങ​ൾ​ക്കെതി​രേ​യു​ള്ള അ​തി​ക്ര​മ​ങ്ങ​ൾ ഒ​രു​വി​ധ​ത്തി​ലും അ​നു​വ​ദി​ക്കി​ല്ലെ​ന്ന ശ​ക്ത​മാ​യ സ​ന്ദേ​ശം സ​ർ​ക്കാ​രു​ക​ൾ ന​ൽ​ക​ണ​മെ​ന്ന് ഇ​ന്ത്യ​യി​ലെ ക​ത്തോ​ലി​ക്കാ മെ​ത്രാ​ൻ സ​മി​തി(സി.ബി.സി.ഐ.) അ​ധ്യ​ക്ഷ​ൻ ക​ർ​ദി​നാ​ൾ ഡോ. ​ഓ​സ്വാ​ൾ​ഡ് ഗ്രേ​ഷ്യ​സ്.

കേ​ന്ദ്ര ആ​ഭ്യ​ന്ത​ര​മ​ന്ത്രി രാ​ജ്നാ​ഥ് സിം​ഗി​നെ സ​ന്ദ​ർ​ശി​ച്ച് സി​.ബി​.സി​.ഐ. പ്ര​സി​ഡ​ന്‍റ് ച​ർ​ച്ച ന​ട​ത്തു​ക​യും ചെ​യ്തു. രാ​ജ്യ​ത്താ​കെ ക്രൈ​സ്ത​വ​ർ ആ​ക്ര​മി​ക്ക​പ്പെ​ടു​ക​യാ​ണെ​ന്നു ക​രു​തു​ന്നി​ല്ല. എ​ന്നാ​ൽ പ്ര​ശ്ന​ങ്ങ​ൾ ഉ​ണ്ടാ​ക്കാ​നാ​യി തെ​റ്റി​ദ്ധ​രി​ക്ക​പ്പെ​ട്ട ചി​ല ശ​ക്തി​ക​ൾ ശ്ര​മി​ക്കു​ന്ന​തു നി​ർ​ഭാ​ഗ്യ​ക​ര​വു​മാ​ണ്. ഇ​ത്ത​രം സം​ഭ​വ​ങ്ങ​ൾ വച്ചുപൊ​റു​പ്പി​ക്കി​ല്ലെ​ന്ന ശ​ക്ത​മാ​യ സ​ന്ദേ​ശം സ​ർ​ക്കാ​രു​ക​ൾ ന​ൽ​കേ​ണ്ട​തു​ണ്ടെ​ന്നും ക​ർ​ദി​നാ​ൾ ചൂ​ണ്ടി​ക്കാ​ട്ടി. സി.ബി​.സി​.ഐ. പ്ര​സി​ഡ​ന്‍റായി ചു​മ​ത​ല​യേ​റ്റ​തി​നു ശേ​ഷ​മു​ള്ള സൗ​ഹൃ​ദ കൂ​ടി​ക്കാ​ഴ്ച​യാ​ണ് രാ​ജ്നാ​ഥു​മാ​യി ന​ട​ത്തി​യ​തെ​ന്നും ക​ർ​ദി​നാ​ൾ പ​റ​ഞ്ഞു.

ന്യൂ​ന​പ​ക്ഷ സ​മു​ദാ​യ​ങ്ങ​ൾ​ക്കി​ട​യി​ൽ ആ​ശ​ങ്ക വ​ള​ർ​ത്തു​ന്ന സം​ഭ​വ​ങ്ങ​ൾ ന​ട​ക്കു​ന്നു​ണ്ട്. മ​തി​യാ​യ സം​ര​ക്ഷ​ണം ഉ​റ​പ്പാ​ക്കു​ന്ന​തി​ന് സ​ർ​ക്കാ​ർ വേ​ണ്ട​തു ചെ​യ്യു​ന്നി​ല്ല. സ​മൂ​ഹ​ത്തെ ധ്രുവീ​ക​രി​ക്കു​ന്ന​തി​നുള്ള ശ്ര​മ​ങ്ങ​ളും വ​രു​ന്നു​ണ്ടെ​ന്നും ക​ർ​ദി​നാ​ൾ ഡോ. ​ഗ്രേഷ്യസ് പ​റ​ഞ്ഞു.

രാ​ജ്യ​ത്തി​നുവേ​ണ്ടി പ്രാ​ർ​ഥ​ന ന​ട​ത്ത​ണ​മെ​ന്ന ഡ​ൽ​ഹി ആ​ർ​ച്ച്ബി​ഷ​പ് ഡോ.അ​നി​ൽ കൂ​ട്ടോ​യു​ടെ കു​റി​പ്പി​ന്‍റെ പേ​രി​ലു​ള്ള വി​വാ​ദം അ​നാ​വ​ശ്യ​മാ​ണെ​ന്ന് സി​.ബി​.സി.ഐ. പ്ര​സി​ഡ​ന്‍റ് സൂ​ചി​പ്പി​ച്ചു.