
സി.സ്റ്റെല്ല ബെഞ്ചമിൻ
തേവൻപാറ: നെയ്യാറ്റിൻകര രൂപതയിലെ ഈശോയുടെ തിരുഹൃദയത്തിന് സമർപ്പിക്കപ്പെട്ട ‘ഒബ്ളെയ്റ്റ്സ് സിസ്റ്റേഴ്സ് ഓഫ് ദി സേക്രഡ് ഹാർട്ട് ഓഫ് ജീസസ്’ സന്യാസ സമൂഹം തിരുനാൾ ആഘോഷിച്ചു. 9 ദിവസങ്ങൾ നീണ്ടുനിന്ന തിരുഹൃദയ നൊവേന പ്രാർത്ഥനകളോടെ തിരുന്നാൾ ആഘോഷിക്കുവാനായി ഒരുങ്ങിയ സന്യാസിനികൾ കോവിഡ് 19-ന്റെ ആഘാതത്തിലായിരിക്കുന്ന ലോകത്തിന് തിരുഹൃദയത്തിൽ സംരക്ഷണം നൽകണമേ എന്ന നിയോഗമായിരുന്നു മുന്നോട്ട് വച്ചിരുന്നത്.
തിരുഹൃയ തിരുന്നാൾ ദിനത്തിൽ രാവിലെമുതൽ ആരംഭിച്ച ദിവ്യകാരുണ്യ ആരാധനയ്ക്ക് ശേഷം വൈകുന്നേരം നെടുമങ്ങാട് മേഖലാ എപ്പിസ്കോപ്പൽ വികാരി മോൺ.റൂഫസ് പയസ് ലീന്റെ മുഖ്യകാർമ്മികത്വത്തിൽ നടന്ന ദിവ്യബലിയോടെയാണ് സമാധാനമായത്. ചുള്ളിമാനൂർ ഫെറോനാ വികാരി ഫാ.അനിൽ കുമാർ എസ്.എം., ഇടവക വികാരി ഫ്രാൻസിസ് സേവ്യർ എന്നിവർ സഹകാർമികരായി. കോവിഡ് 19 എന്ന മഹാമാരി നമ്മെ തളർത്തുമ്പോൾ ഒരു പുതിയ സുവിശേഷവത്കരണ ചൈതന്യത്തിലൂടെ നാം കടന്നു പോകേണ്ടിയിരിക്കുന്നുവെന്നും, വളരെ ലളിതമായി ജനങ്ങളോട് സംവദിച്ച ഈശോയെപ്പോലെ നാമും ജനങ്ങളിലേക്ക് സുവിശേഷ വെളിച്ചമായി കടന്നുചെല്ലണമെന്നും വചനവിചിന്തനത്തിലൂടെ ഫെറോനാ വികാരി സന്യാസിനികളോട് ആഹ്വാനം ചെയ്തു.
ഈശോയുടെ മുറിവേറ്റ ഹൃദയത്തെ ആശ്വസിപ്പിക്കുന്നതിനു വേണ്ടി സ്ഥാപിതമായ സന്യാസ സഭാസമൂഹമാണ് ‘ഒബ്ളെയ്റ്റ്സ് സിസ്റ്റേഴ്സ് ഓഫ് ദി സേക്രഡ് ഹാർട്ട് ഓഫ് ജീസസ്’. സഭാ സ്ഥാപകയായ മദർതെരേസ കസീനിയോട് ഈശോ ആവശ്യപ്പെട്ടത് ഇപ്രകാരമാണ്: ‘തെരേസ എനിക്ക് വിശുദ്ധരായ വൈദികരെ തരിക, അവർ എന്റെ മുറിവേറ്റ ഹൃദയത്തെ ആശ്വസിപ്പിക്കും’. അങ്ങനെയാണ് ഈശോയുടെ തിരുഹൃദയത്തിന് സമർപ്പിക്കപ്പെട്ട സന്യാസ സമൂഹമായി ഇവർ രൂപപ്പെട്ടത്.
നെയ്യാറ്റിൻകര രൂപതയിലെ തേവൻപാറ, തച്ചൻകോട് എന്നീ ഇടവകകളിൽ സ്തുത്യർഹമായ സേവനം ചെയ്തുവരികയാണ് ഒബ്ളെയ്റ്റ്സ് സിസ്റ്റേഴ്സ് ഓഫ് ദി സേക്രഡ് ഹാർട്ട് ഓഫ് ജീസസ്’ സന്യാസ സമൂഹം.
ആണ്ടുവട്ടത്തിലെ ആറാം ഞായർ ധാർമികവിപ്ലവം വിതയ്ക്കുന്ന ഒരു സുവിശേഷഭാഗം. യേശു പൂർവികരുടെ നിയമത്തെ സ്നേഹം കൊണ്ട് വ്യാഖ്യാനിക്കുന്നു. സമൂലമായ പരിവർത്തനത്തിന്റെ…
ജോസ് മാർട്ടിൻ ബെംഗളുരു: ഭാരത കത്തോലിക്ക മെത്രാന് സമിതിയുടെ (സിബിസിഐ) പുതിയ പ്രസിഡന്റായി ഹൈദരാബാദ് ആര്ച്ച് ബിഷപ്പ് കർദ്ദിനാൾ ഡോ.ആന്റണി…
ആണ്ടുവട്ടത്തിലെ അഞ്ചാം ഞായർ പ്രകാശം: ദൈവത്തിന്റെ ഏറ്റവും സുന്ദരമായ നിർവചനങ്ങളിൽ ഒന്ന് (1യോഹ1:5). പക്ഷേ ഇന്നത്തെ സുവിശേഷഭാഗം വേറൊരു കാഴ്ചപ്പാടാണ്…
ജോസ് മാർട്ടിൻ കൊച്ചി: കേരള ലാറ്റിൻ കാത്തലിക് ഹിസ്റ്ററി അസോസിയേഷന്റെ പ്രഥമ ചരിത്ര പുരസ്കാരങ്ങൾ വിതരണം ചെയ്തു. കേരള കത്തോലിക്കാ…
ആണ്ടുവട്ടത്തിലെ നാലാം ഞായർ "ജനക്കൂട്ടത്തെ കണ്ടപ്പോൾ യേശു മലയിലേക്കു കയറി". തന്നെ അനുഗമിക്കുന്നവരുടെ വേദന, കണ്ണുനീർ, അവർ അനുഭവിച്ച അനീതികൾ,…
ജോസ് മാർട്ടിൻ കൊച്ചി: കേരള ലാറ്റിൻ കാത്തലിക് ഹിസ്റ്ററി അസോസിയേഷന്റെ പ്രഥമ ചരിത്ര അവാർഡുകൾ പ്രഖ്യാപിച്ചു. വിജയപുരം രൂപതാ കോർപ്പറേറ്റ്…
This website uses cookies.