സ്വന്തം ലേഖകൻ
തിരുവനന്തപുരം: തിരുവനന്തപുരം ലത്തീന്‍ അതിരൂപതയിലെ മുതിർന്ന വൈദികനും, ദീർഘകാലം അമേരിക്കയടക്കമുള്ള രാജ്യങ്ങളിലെ വിവിധ യൂണിവേഴ്‌സിറ്റികളില്‍ ദൈവശാസ്ത്ര അദ്ധ്യാപകനുമായിരുന്ന റവ.ഡോ.ഏലിയാസ് ഡി. നിര്യാതനായി, 83 വയസായിരുന്നു. ദീർഘകാലമായി അമ്പലമുക്കിലെ സ്വഭവനത്തിൽ വിശ്രമത്തിലായിരുന്നു. മൃതസംസ്‌കാര കർമ്മങ്ങൾ മാർച്ച് 28 വ്യാഴാഴ്ച വൈകുന്നേരം 3.30-ന് നെയ്യാറ്റിൻകര രൂപതയിലെ പേയാട് സെന്റ്.സേവ്യേഴ്‌സ് ദേവാലയത്തില്‍ വച്ച് നടക്കും.
1963 ഏപ്രിലിൽ പൗരോഹിത്യം സ്വീകരിച്ച അദ്ദേഹം, തന്റെ മൈനർ സെമിനാരി പഠനം സെന്റ് റാഫേൽ സെമിനാരി കൊല്ലത്തും, ഫിലോസഫി പഠനം ആലുവ കർമ്മലഗിരി പൊന്തിഫിക്കൽ സെമിനാരിയിലെ, ദൈവശാസ്ത്ര പഠനം ആലുവ സെന്റ് ജോസഫ് മംഗലപ്പുഴ സെമിനാരിയിലുമായി പൂർത്തിയാക്കി.
തുടർന്ന്, നെയ്യാറ്റിൻകര രൂപതയിൽപ്പെടുന്ന കിടാരക്കുഴി, വളത്താങ്കര എന്നീ ഇടവകകളിൽ സഹവികാരിയായും, ഉച്ചക്കട, ചെമ്പൂർ എന്നീ ഇടവകകളിൽ വികാരിയായും; തിരുവനന്തപുരം അതിരൂപതയിൽ വെള്ളൈകടവ് ഇടവക വികാരിയായും സേവനമനുഷ്ടിച്ചിട്ടുണ്ട്.
ജീവിതത്തിന്റെ വലിയൊരുപങ്കും വിവിധ യൂണിവേഴ്‌സിറ്റികളില്‍ ദൈവശാസ്ത്ര അദ്ധ്യാപകനായാണ് പൂർത്തിയാക്കിയത്. 1983 മുതൽ 1996 വരെ അമേരിക്കയിലെ ലയോള യൂണിവേഴ്സിറ്റിയിൽ പ്രഫസറായും;1998 മുതൽ നാലാഞ്ചിറ സെന്റ് മേരീസ് മലങ്കര മേജർ സെമിനാരിയിലും, പാങ്ങോട് കാർമേൽ ഫിലോസഫിക്കൽ കോളേജിലും വിസിറ്റിങ് പ്രൊഫസറായും സേവനമനുഷ്ടിച്ചിട്ടുണ്ട്.
തിരുവനന്തപുരം കവടിയാർ അമ്പലനഗറിൽ പരേതനായ ദേവസഹായം-സൂസന്ന ദമ്പതികളാണ് മാതാപിതാക്കൾ.
ആണ്ടുവട്ടത്തിലെ ഇരുപത്തിരണ്ടാം ഞായർ ഇന്നത്തെ സുവിശേഷ പശ്ചാത്തലം ഏതോ ഒരു ഫരിസേയ പ്രമാണിയുടെ വീട്ടിലെ വിരുന്നുശാലയാണ്. പ്രമുഖ സ്ഥാനങ്ങൾക്കായി തിരക്കുകൂട്ടുന്ന…
ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…
ആണ്ടുവട്ടത്തിലെ ഇരുപതാം ഞായർ "ഭൂമിയില്‍ സമാധാനം നല്‍കാനാണു ഞാന്‍ വന്നിരിക്കുന്നതെന്നു നിങ്ങള്‍ വിചാരിക്കുന്നുവോ? അല്ല, ഭിന്നത എന്നു ഞാന്‍ നിങ്ങളോടു…
ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്‍നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന്‍ എന്റെ സഹോദരനോടു കല്‍പിക്കണമേ!"…
സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…
ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…
This website uses cookies.
