കെ.സി.വൈ.എം. കൊച്ചി രൂപതയുടെ 48-ാമത് വാർഷിക സെനറ്റ് സമ്മേളനം

ജോസ് മാർട്ടിൻ

ആലപ്പുഴ: കെ.സി.വൈ.എം സെന്റ്‌ ആന്റണീസ് പാതിരാപ്പള്ളി യൂണിറ്റിന്റെ ആതിഥേയത്വത്തിൽ മേരി ഇമ്മാക്യൂലേറ്റ് സ്കൂൾ ഹാളിൽ വച്ച് നടത്തപ്പെട്ട കെ.സി.വൈ.എം. കൊച്ചി രൂപതയുടെ 48-ാമത് വാർഷിക സെനറ്റ് സമ്മേളനം ആലപ്പുഴ രൂപതാദ്ധ്യക്ഷൻ ഡോ. ജെയിംസ് ആനാപ്പറമ്പിൽ ഉത്ഘാടനം ചെയ്തു.

സഭയുടെയും ലോകത്തിന്റെയും ഭാവി യുവജനങ്ങളുടെ കൈകളിലാണെന്നും, ആർജ്ജവത്വവും ബുദ്ധിയും വിവേചന ശേഷിയുമുള്ള നേതൃത്വം നൽകാൻ യുവജനങ്ങൾക്ക് സാധിക്കണമെന്നും തെളിമയാർന്ന നേതൃത്വം സഭയ്ക്കും ലോകത്തിനും ആവശ്യമാണെന്നും പിതാവ് തന്റെ ഉദ്ഘാടനം പ്രസംഗത്തിൽ ഓർമ്മിപ്പിച്ചു.

കൊച്ചി രൂപതാ പ്രസിഡന്റ്‌ കാസി പൂപ്പന അധ്യക്ഷത വഹിച്ച ചടങ്ങിൽ ഫാ.മെൽറ്റസ് കൊല്ലശ്ശേരി ആമുഖ പ്രഭാഷണം നടത്തി. കെ.സി.വൈ.എം സംസ്ഥാന വൈസ് പ്രസിഡന്റ്‌ ഗ്രാലിയ അന്ന അലക്സ്‌ മുഖ്യാതിഥിയായിരുന്നു. ഫാ.ജോഷി ജോസഫ് അനുഗ്രഹ പ്രഭാഷണം നൽകി.

കെ.സി.വൈ.എം ആലപ്പുഴ രൂപതാ പ്രസിഡന്റ് പോൾ ആന്റണി, കെ.സി.വൈ.എം കൊച്ചി രൂപത ജോയിന്റ് ഡയറക്ടർ ഫാ. ജോഷി ഏലശ്ശേരി, കെ.സി.വൈ.എം കൊച്ചി രൂപതാ മുൻ ട്രഷറർ അനിൽ ചെറുതയിൽ, ജനറൽ സെക്രട്ടറി ജെയ്ജിൻ ജോയ്, വൈസ് പ്രസിഡന്റ്‌മാരായ ഡാനിയ ആന്റണി, ടിഫി ഫ്രാൻസിസ്, അശ്വിന ജോസഫ്, അലീഷ ട്രീസ, വരുൺ റെജു, ആന്റണി നിതീഷ്, ജിഷി ജോസഫ്, ഫ്രാൻസിസ് ഷിബിൻ, ഡോണൽ ജോസഫ് എന്നിവർ സംസാരിച്ചു.