കടലിന്റെ മക്കൾക്ക്‌ ഐക്യദാർഢ്യം പ്രഖ്യാപിച്ച് മുനമ്പത്ത് നിന്നും വിഴിഞ്ഞത്തേക്ക്‌ സൈക്കിളിൽ

ജോസ് മാർട്ടിൻ

മുനമ്പം: കോട്ടപ്പുറം രൂപതാ വൈദീകനും മുനമ്പം തിരുകുടുംബ ദേവാല ഇടവകവികാരിയുമായ ഫാ.രൂപേഷ് മൈക്കിൾ കളത്തിൽ വിഴിഞ്ഞത്തെ കടലിന്റെ മക്കളുടെ അതിജീവന സമരത്തിന് ഐക്യദാർഢ്യം പ്രഖ്യാപിച്ച്കൊണ്ട് ഇന്ന് രാവിലെ മുനമ്പത്ത് നിന്നും സൈക്കിളിൽ വിഴിഞ്ഞത്തേക്ക്‌ ഐക്യദാർഢ്യയാത്ര ആരംഭിച്ചു. ഐക്യദാർഢ്യയാത്ര കെ.ആർ.എൽ.സി.സി. സെക്രട്ടറി പി.ജെ.തോമസ് യാത്ര ഫ്ലാഗ് ഓഫ് ചെയ്തു.

ഐക്യദാർഢ്യ സന്ദേശ യാത്രയ്ക്ക് ചെറായി ജംഗ്ഷനിൽ കെ.സി.വൈ.എം. കോട്ടപ്പുറം രൂപതാ സമിതിയുടെ നേതൃത്വത്തിൽ സ്വീകരണം നൽകി. പ്രസിഡൻറ് പോൾ ജോസ്, ഡയറക്ടർ ഫാ.ആന്റെൺ ഇലഞ്ഞിക്കൽ, ജനറൽ സെക്രട്ടറി റേച്ചൽ ക്ലീറ്റസ്, വൈസ് പ്രസിഡന്റ് ആൽബിൻ കെ.എഫ്., ട്രഷറർ ജൻസൻ ആൽബി, എക്സിക്യൂട്ടീവ് അംഗം സോളമൻ എന്നിവർ ചേർന്നാണ് സ്വീകരണം നൽകി അഭിവാദ്യങ്ങൾ അർപ്പിച്ചത്.

വൈപ്പിൻ ജെങ്കാർ കടന്ന് അരൂർ, ആലപ്പുഴ വഴി വൈകീട്ട് 7 അമ്പലപ്പുഴയിൽ എത്തുമെന്നും രാത്രി അവിടെ വിശ്രമിച്ചതിന് ശേഷം പിറ്റേന്ന് രാവിലെ 5.30-ന് യാത്ര തുടരാനുമാണ് തീരുമാനിച്ചിരിക്കുന്നതെന്നും ഒരു മണിക്കൂറിൽ 10 KM കവർ ചെയ്യാനാകുമെന്ന് പ്രതീക്ഷിക്കുന്നുവെന്നും ഫാ.രൂപേഷ് കാത്തലിക് വോക്സ്സിനോട്‌ പറഞ്ഞു.