കൊച്ചി: അട്ടപ്പാടിയിലെ ആദിവാസി യുവാവിന്റെ കൊലപാതകം സമൂഹ മന:സാക്ഷിയെ ഞെട്ടിക്കുന്നതാണെന്നും തീർത്തും എതിർക്കപ്പെടേണ്ടതാണെന്നും കെ.സി.വൈ.എം. സംസ്ഥാന സമിതി.
ഉത്തരേന്ത്യൻ സംസ്ഥാനങ്ങളെപ്പോലും പിന്നിലാക്കുന്ന രീതിയിൽ കേരളത്തിൽ ഇത്തരം ക്രൂരതകൾ നടക്കുന്നത് പരിഷ്കൃത സമൂഹമായ കേരളത്തിന് അപമാനകരമാണെന്ന് സംസ്ഥാന സമിതി കുറ്റപ്പെടുത്തി. ഈ ക്രൂരകൃത്യത്തിൽ പങ്കെടുത്ത മുഴുവൻ പ്രതികളെയും നീതി പീഠത്തിന് മുന്നിലെത്തിച്ച് മാതൃകാ പരമായ ശിക്ഷ നൽകണമെന്നും കെ.സി.വൈ.എം. ആവശ്യപ്പെട്ടു. എന്തിന്റെ പേരിലായാലും ജീവന്റെ നേരെയുളള അതികൃമങ്ങൾ അംഗീകരിക്കാൻ കഴിയില്ല.
ആദിവാസി ക്ഷേമത്തിന് വേണ്ടി കോടികൾ ചെലവഴിക്കുന്ന സർക്കാർ മനോരോഗിയായ ഒരു ആദിവാസിയെ ഏറ്റെടുക്കുന്നതിൽ കാണിച്ച പോരായ്മയാണ് ആദിവാസിയായ മധുവിന്റെ കൊലപാതകത്തിലേക്ക് നയിച്ചത്. സർക്കാർ സംവിധാനങ്ങൾ ഉണർന്ന് പ്രവർത്തിച്ച് ആദിവാസി സമൂഹത്തെ സംരക്ഷിക്കണമെന്നും കെ.സി.വൈ.എം. ആവശ്യപ്പെട്ടു. കേവലം രാഷ്ട്രീയ മുതലെടുപ്പിന് വിഷയം കൊണ്ട് പോകാതെ മാനുഷിക മൂല്ല്യങ്ങളുടെ തകർച്ചയെക്കുറിച്ചാണ് നാം ചർച്ച ചെയ്യേണ്ടതെന്നും കെ.സി.വൈ.എം. സംസ്ഥാന സമിതി ആവശ്യപ്പെട്ടു.
പ്രതിഷേധയോഗത്തിൽ സംസ്ഥാന പ്രസിഡന്റ് ഇമ്മാനുവൽ മൈക്കിൾ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി എബിൻ കണിവയലിൽ, കെ.സി.വൈ.എം. ഡയറക്ടർ ഡോ. മാത്യു ജേക്കബ് തിരുവാലിൽ, സംസ്ഥാന ഭാരവാഹികളായ ആരതി റോബർട്ട്, ജോബി ജോൺ, സ്റ്റെഫി സ്റ്റാൻലി, ജോമോൾ ജോസ്, ലിജിൻ ശ്രാമ്പിക്കൽ, കിഷോർ പി, ടോം ചക്കാലക്കുന്നേൽ തുടങ്ങിയവർ പ്രസംഗിച്ചു.
ആണ്ടുവട്ടത്തിലെ മൂന്നാം ഞായർ യോഹന്നാൻ ബന്ധനസ്ഥനായിരിക്കുന്നു. എല്ലാവർക്കുമുള്ള ഒരു സന്ദേശമായിരുന്നു അത്. രാജാവിന് അപ്രിയമായതൊന്നും പ്രസംഗിക്കരുത് എന്ന സന്ദേശം. ഭയത്തിന്റെ…
ആണ്ടുവട്ടത്തിലെ രണ്ടാം ഞായർ "ഇതാ, ദൈവത്തിന്റെ കുഞ്ഞാട്" - തന്റെ അടുത്തേക്ക് വരുന്ന നസ്രായനെ നോക്കി സ്നാപകൻ ശിഷ്യന്മാർക്ക് നൽകുന്ന…
ക്രിസ്തുവിന്റെ ജ്ഞാനസ്നാന തിരുനാൾ 30 വർഷങ്ങൾ കടന്നുപോയി: ബെത്ലഹേമിലെ കുഞ്ഞ് ഇപ്പോൾ ഒരു യുവാവാണ്. എവിടെയായിരുന്നു അവൻ ഇത്രയും നാളും?…
പ്രത്യക്ഷവൽക്കരണത്തിരുനാൾ ഇന്ന്, പ്രത്യക്ഷവത്കരണത്തിരുനാൾ, അതായത്, മിശിഹാ ഇസ്രായേലിന്റെ ഒരു സ്വകാര്യ നിധിയല്ല, മറിച്ച് എല്ലാവർക്കും വേണ്ടിയുള്ളതാണെന്നു പ്രഖ്യാപിക്കുന്ന ആഘോഷം. ലൂക്കാ…
ജോസ് മാർട്ടിൻ ആലപ്പുഴ: ക്രിസ്തുവിന്റെ മനുഷ്യാവതാര ജൂബിലി വർഷത്തിന്റെ സമാപനത്തിന്റെ ഭാഗമായി ആലപ്പി എക്യുമെനിക്കൽ കൗൺസിലിന്റെ ആഭിമുഖ്യത്തിൽ ആലപ്പുഴ പട്ടണത്തിലെ…
ജോസ് മാർട്ടിൻ ആലപ്പുഴ/പുന്നപ്ര: ഐ.എം.എസ്. ധ്യാനഭവൻ ഡയറക്ടർ ഫാ. പ്രശാന്ത് ഐ.എം.എസ്. ഇന്ന് രാവിലെ ഹൃദയാഘാതത്തെ തുടര്ന്ന് നിര്യാതനായി. ഹൃദയാസ്വാസ്ഥ്യത്തെ…
This website uses cookies.
