Categories: Kerala

സ്നേഹാമൃതം – മൊബൈൽ മാമോഗ്രാം യൂണിറ്റ് “Health On Wheel” ഉദ്ഘാടനം ചെയ്തു

"ക്യാൻസർ രോഗികൾക്കായി ഒരു സാന്ത്വന സ്പർശം" എന്ന ആപ്തവാക്യവുമായാണ് കിഡ്സ് ഈ ജീവകാരുണ്യ പദ്ധതി നടപ്പിലാക്കുന്നത്.

സ്വന്തം ലേഖകൻ

കോട്ടപ്പുറം: കോട്ടപ്പുറം രൂപതയിലെ സോഷ്യൽ സർവീസ് സൊസൈറ്റിയുടെ (കിഡ്സ് – കോട്ടപ്പുറം ഇന്റഗ്രേറ്റഡ് ഡെവലപ്മെന്റ് സൊസൈറ്റി) ആഭിമുഖ്യത്തിൽ മാർച്ച് 7 ശനിയാഴ്ച രാവിലെ 9.30-ന് “സ്നേഹാമൃതം – മൊബൈൽ മാമോഗ്രാം യൂണിറ്റ്” എം.പി.ബെന്നി ബെഹനാൻ ഉദ്ഘാടനം ചെയ്തു. “ക്യാൻസർ രോഗികൾക്കായി ഒരു സാന്ത്വന സ്പർശം” എന്ന ആപ്തവാക്യവുമായാണ് കിഡ്സ് ഈ ജീവകാരുണ്യ പദ്ധതി നടപ്പിലാക്കുന്നത്.

കോട്ടപ്പുറം രൂപത ബിഷപ്പ് ഡോ.ജോസഫ് കാരിക്കശേരി അധ്യക്ഷനായിരുന്ന യോഗത്തിൽ കിഡ്സ് ഡയറക്ടർ ഫാ.തോമസ് കളത്തിൽ, ശ്രീ.ടൈസൺ മാസ്റ്റർ, ശ്രീമതി തങ്കമണി സുബ്രഹ്മണ്യൻ, ശ്രീ.വി.എം.ജോണി, പ്രിൻസി മാർട്ടിൻ, ഫാ.ക്ളീറ്റസ് കോച്ചിക്കാട്ട് (അസി.ഡയറക്ടർ കിഡ്സ്), ഫാ.ജോസ് ഒളാട്ടുപ്പുറത്ത് (അസി.ഡയറക്ടർ കിഡ്സ്) തുടങ്ങിയവർ സന്നിഹിതരായിരുന്നു.

സമീപകാലങ്ങളിൽ ഏറ്റവും കൂടുതൽ സാമ്പത്തിക ബാധ്യതയ്ക്കും, മരണത്തിനും, കുടുംബ ശിഥിലീകരണത്തിനും ഒരു കാരണമായി ക്യാൻസർ മാറിക്കൊണ്ടിരിക്കുന്നുണ്ട്. ആരംഭത്തിൽ കണ്ടെത്തിയാൽ അതിജീവന സാധ്യതകളേറെയാണ് എന്നതും യാഥാർഥ്യം. നമ്മുടെ ഇടയിൽ ഏറ്റവും കൂടുതൽ കണ്ടുവരുന്നത് ബ്രെസ്റ്റ് കാൻസർ ആണെന്നതിനാൽ, കൃത്യമായ പരിശോധനകളിലൂടെയും അവബോധനത്തിലൂടെയും അതിനെ നേരിടാൻ സാധിക്കും. ഈ യാഥാർഥ്യം മനസ്സിലാക്കി, ഗ്രാമങ്ങളിലേക്കും വീടുകളിലേക്കും കടന്നുചെന്ന്, ഏവർക്കും പരിശോധന ലഭ്യമാക്കുന്ന കിഡ്സിന്റെ സ്നേഹാമൃതം പദ്ധതിയുടെ ഭാഗമായാണ് “Health On Wheel” പ്രവർത്തനം ആരംഭിച്ചത്.

കോൺഫറൻസ് എപ്പിസ്കോപ്പ ഇറ്റാലിയാനയുടെ (CEI) സഹായത്തോടെയും, കാരിത്താസ് ഇന്ത്യയുടെ ആശാകിരണം പദ്ധതിയുടെ സഹകരണത്തോടെയുമാണ് സ്നേഹാമൃതം – മൊബൈൽ മാമോഗ്രാം യൂണിറ്റ് “Health On Wheel” പദ്ധതി യാഥാർഥ്യമായത്.

ബിഷപ്പ് ഡോ.ജോസഫ് കാരിക്കശേരി സ്നേഹാമൃതം – മൊബൈൽ മാമോഗ്രാം യൂണിറ്റ് “Health On Wheel” വാഹനം ആശീര്വദിച്ച്, പ്രവർത്തനനത്തിനായി കൈമാറി.

vox_editor

Recent Posts

കൃപാസനം പ്രേഷിത ജോമോൾ ഇനി “സമർപ്പിത കന്യക”

ജോസ് മാർട്ടിൻ ആലപ്പുഴ: ആലപ്പുഴ രൂപതയിലെ ആദ്യ "സമർപ്പിത കന്യകയായി" കൃപാസനം പ്രേഷിതയായ ജോമോളെ പരിശുദ്ധ ദൈവമാതാവിന്റെ സമർപ്പണ തിരുനാളിൽ…

2 days ago

Christ the King_2025_കുരിശിലെ രാജാവ് (ലൂക്കാ 23:35-43)

ക്രിസ്തുരാജന്റെ തിരുനാൾ കാൽവരിയിൽ, ഒട്ടും ഉചിതമല്ലാത്ത ഒരിടത്ത്, കുരിശുമരത്തിന്റെ ഇടുങ്ങിയ ആ ചുറ്റളവിനുള്ളിലാണ് ലൂക്കാ സുവിശേഷകൻ യേശുവിന്റെ രാജകീയതയെ അവതരിപ്പിക്കുന്നത്.…

5 days ago

ഇന്ത്യ ഒരു ഹിന്ദു രാഷ്ട്രമല്ല; കാത്തലിക് ബിഷപ്പ്സ് കോൺഫറൻസ് ഓഫ് ഇന്ത്യ

ജോസ് മാർട്ടിൻ ന്യൂഡൽഹി: ഭാരതം ഒരു ഹിന്ദു രാഷ്ട്രമാണെന്ന മോഹൻ ഭാഗവതിന്റെ പ്രസ്താവന തെറ്റിദ്ധരിപ്പിക്കുന്നതും വഞ്ചനാപരവുമാണെന്ന് ഭാരത കത്തോലിക്കാ മെത്രാൻ…

2 weeks ago

33rd Sunday_2025_ശ്രദ്ധയുള്ള ദൈവം (ലൂക്കാ 21:5-19)

ആണ്ടുവട്ടത്തിലെ മുപ്പത്തിമൂന്നാം ഞായർ വിലാപത്തിന്റെയും നിലവിളികളുടെയും നാളുകൾ വരും. വാസ്തവത്തിൽ, അവ ഇതിനകം വന്നു കഴിഞ്ഞിരിക്കുന്നു. അവ വീണ്ടും വരുകയും…

2 weeks ago

റോമിലെ വിശുദ്ധ ജോണ്‍ ലാറ്ററന്‍ ബസലിക്കയുടെ പ്രതിഷ്ഠാ ദിനത്തില്‍ ദുവ്യബലി അര്‍പ്പിച്ച് പ്രാര്‍ഥിച്ച് ലിയോ പാപ്പ

സ്വന്തം ലേഖകൻ വത്തിക്കാൻ സിറ്റി: ക്ഷമയും വിശ്വാസവും കൊണ്ട് കെട്ടിപ്പടുക്കപ്പെട്ട സമൂഹത്തിനായുള്ള ഒരു 'നിര്‍മ്മാണ സ്ഥലം' ആണ് "പള്ളി" എന്ന്…

2 weeks ago

31st_Sunday_ചാട്ടവാറുമായി നിൽക്കുന്നവൻ (യോഹ 2:13-22)

ആണ്ടുവട്ടത്തിലെ മുപ്പത്തിരണ്ടാം ഞായർ ഇന്ന് ലോകമെമ്പാടും, റോമൻ കത്തോലിക്കർ, പരിശുദ്ധ പിതാവിന്റെ കത്തീഡ്രലായ വിശുദ്ധ ജോൺ ലാറ്ററന്റെ സമർപ്പണ തിരുനാൾ…

3 weeks ago