Categories: Kerala

വിദ്യാർഥികൾ മാറ്റങ്ങളുടെ പുതിയ കാലത്തെ തിരിച്ചറിയണം; ബിഷപ്പ് ഡോ.അലക്സ് വടക്കുംതല

ലത്തീൻ കത്തോലിക്ക സമുദായദിനാഘോഷവും ആദരവ്-2021 ഉദ്ഘാടനം ചെയ്ത് സംസാരിക്കുകയായിരുന്നു...

സ്വന്തം ലേഖകൻ

കണ്ണൂർ: മാറ്റങ്ങളുടെയും മുന്നേറ്റങ്ങളുടെയും പുതിയ കാലത്തെ തിരിച്ചറിയാനും ഉൾക്കൊള്ളാനും വിദ്യാർഥികൾക്കു സാധിക്കണമെന്ന് കണ്ണൂർ രൂപത ബിഷപ്പ് ഡോ. അലക്സ് വടക്കുംതല. കണ്ണൂർ സെൻറ് മൈക്കിൾസ് സ്കൂൾ ഹാളിൽ കേരള ലാറ്റിൻ കാത്തലിക് അസോസിയേഷൻ (കെ.എൽ.സി.എ.) കണ്ണൂർ രൂപത സമിതി സംഘടിപ്പിച്ച ലത്തീൻ കത്തോലിക്ക സമുദായദിനാഘോഷവും ആദരവ്-2021 ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സമൂഹത്തെ കരുണയോടും ആർദ്രതയോടും സമീപിക്കുകയും സമൂഹത്തിലെ മാനവിക മുല്യങ്ങൾ മുറുകെപിടിച്ചും നാളത്തെ നക്ഷത്രങ്ങളായി വിദ്യാർഥികൾ തിളങ്ങണമെന്നും ബിഷപ്പ് പറഞ്ഞു.

കെ.എൽ.സി.എ. രൂപതാ പ്രസിഡന്റ് രതീഷ് ആന്റണി അദ്ധ്യക്ഷത വഹിച്ച പരിപാടിയിൽ അഡ്വ.സജീവ് ജോസഫ് MLA മുഖ്യാതിഥിയായിരുന്നു. സംസ്ഥാന പ്രസിഡന്റ് ആന്റണി നൊറോണ സമുദായദിനം സന്ദേശം നൽകി.

ഡോക്ടറേറ്റ് നേടിയ മോൺ.ക്ലാരൻസ് പാലിയത്ത, ഡെന്നി കെ.ജോൺ കോളയാട്, ലിനറ്റ് തോമസ് തലശ്ശേരി, മ്യൂറൽ പെയ്ന്റങ്ങിൽ ഇന്ത്യ ബുക്ക് ഓഫ് റെക്കാർഡും, എഷ്യ ബുക്ക് ഓഫ് ഗ്രാൻഡ് മാസ്റ്റർ പദവിയും നേടിയ അനു റിയ അജീഷ് എന്നിവരെ പ്രത്യേകം ആദരിച്ചു. യൂണിവേഴ്സിറ്റി പരീക്ഷകളിൽ മികച്ച വിജയം നേടിയവർക്ക് പുരസ്കാരങ്ങൾ നൽകി. കൂടാതെ, കണ്ണൂർ രൂപതയുടെ പരിധിയിൽപ്പെടുന്ന കണ്ണൂർ, കാസർകോട് ജില്ലകളിൽ നിന്നുള്ള എസ്.എൽ.സി., പ്ലസ്ടു പരീക്ഷകളിൽ എല്ലാ വിഷയങ്ങൾക്കും എ പ്ലസ് നേടിയ 120 വിദ്യാർഥികൾക്ക് മെമന്റോ നൽകി ആദരിച്ചു.

ഫാ.മാർട്ടിൻ രായപ്പൻ, ഫാ.ജോസഫ് കല്ലേപ്പള്ളിൽ, ഗോഡ്സൺ ഡിക്രൂസ്, ജോൺ ബാബു, കെ.എച്ച്. ജോൺ, ഷേർളി സ്റ്റാൻലി, ക്രിസ്റ്റഫർ കല്ലറക്കൽ, ഡിക്സൺ ബാബു, ജോസഫൈൻ, പോൾ ഡിസൂസ, റോബർട്ട് ഷിബു എന്നിവർ സംസാരിച്ചു.

vox_editor

Recent Posts

ശോഭപൂർണ്ണനായ യേശു (മത്താ 17: 1-9)

തപസ്സുകാലം രണ്ടാം ഞായർ തപസ്സുകാലം അങ്ങനെയാണ്. നമ്മെ ആശ്ചര്യപ്പെടുത്തിക്കൊണ്ടേയിരിക്കും. പ്രായശ്ചിത്തത്തിന്റെയും പരിത്യാഗത്തിന്റെയും ദിനങ്ങളാണതെന്ന് പറയുമ്പോഴും സൂര്യതേജസ്സെന്നപോലെ ഊർജ്ജം നൽകുന്ന ദിനരാത്രങ്ങൾ…

1 week ago

1st Sunday_Lent 2026_പ്രലോഭനങ്ങളും പ്രതികരണങ്ങളും (മത്താ. 4: 1-11)

തപസ്സുകാലം ഒന്നാം ഞായർ "അനന്തരം, പിശാചിനാല്‍ പരീക്ഷിക്കപ്പെടുന്നതിന് യേശുവിനെ ആത്മാവു മരുഭൂമിയിലേക്കു നയിച്ചു" (മത്താ. 4:1). യേശുവിന്റെ പ്രലോഭനങ്ങൾ ഒരു…

2 weeks ago

ആത്മഹത്യ ചെയ്യുന്നവരുടെ മൃതസംസ്ക്കാര കർമ്മങ്ങൾ ലളിതമായ ദിവ്യബലിയോടുകൂടെ നടത്താം; കേരള ലത്തീൻ കത്തോലിക്കാ മെത്രാൻ സമിതി

ജോസ് മാർട്ടിൻ കൊച്ചി: ആത്മഹത്യ ചെയ്യുന്നത് പൂർണ്ണ ബോധത്തോടെയാകാൻ സാധ്യതയില്ലാത്തതിനാലും, അത് നിർണ്ണയിക്കാൻ മനുഷ്യന് അസാധ്യമായതിനാലും അവർക്ക് ലളിതമായ ദിവ്യബലിയോടുകൂടെ…

2 weeks ago

ചരിത്രം തിരുത്തി റവ.ഡോ.സ്റ്റീഫൻ ആലത്തറ; നാലാമതും ഡപ്യൂട്ടി സെക്രട്ടറി ജനറൽ

ജോസ് മാർട്ടിൻ ഡൽഹി: ഭാരത ലത്തീൻ കത്തോലിക്കാ മെത്രാൻ സമിതിയുടെ (സി.സി.ബി.ഐ.) ഡപ്യൂട്ടി സെക്രട്ടറി ജനറലായി റവ. ഡോ. സ്റ്റീഫൻ…

3 weeks ago

6th Sunday_Ordinary Time_2026_നിയമത്തിന്റെ ആന്തരീകത (മത്താ 5: 17-37)

ആണ്ടുവട്ടത്തിലെ ആറാം ഞായർ ധാർമികവിപ്ലവം വിതയ്ക്കുന്ന ഒരു സുവിശേഷഭാഗം. യേശു പൂർവികരുടെ നിയമത്തെ സ്നേഹം കൊണ്ട് വ്യാഖ്യാനിക്കുന്നു. സമൂലമായ പരിവർത്തനത്തിന്റെ…

3 weeks ago

ഹൈദരാബാദ് ആര്‍ച്ച് ബിഷപ്പ് കർദ്ദിനാൾ ആന്റണി പൂള ഭാരത കത്തോലിക്ക മെത്രാന്‍ സമിതിയുടെ പുതിയ പ്രസിഡന്റ്

ജോസ് മാർട്ടിൻ ബെംഗളുരു: ഭാരത കത്തോലിക്ക മെത്രാന്‍ സമിതിയുടെ (സിബിസിഐ) പുതിയ പ്രസിഡന്റായി ഹൈദരാബാദ് ആര്‍ച്ച് ബിഷപ്പ് കർദ്ദിനാൾ ഡോ.ആന്റണി…

3 weeks ago