വിജയവഴിയിലെ സഹനങ്ങൾ പുറത്തിറങ്ങി

സ്വന്തം ലേഖകൻ

സഹനത്തിന്റെ സാഹചര്യങ്ങളെ വെല്ലുവിളിച്ച് ജീവിതവിജയം ആഗ്രഹിക്കുന്ന വ്യക്തികൾക്കായി “വിജയവഴിയിലെ സഹനങ്ങൾ” പുസ്തകം പുറത്തിറങ്ങി. യേശുവിന്റെ പീഡാസഹനത്തിന്റെയും മരണത്തിന്റെയും ഓർമയാചരിക്കുന്ന വലിയ നോമ്പുകാലഘട്ടത്തിൽ ധ്യാനിക്കുന്നതിനനുയോജ്യമായ രീതിയിൽ എഴുതപ്പെട്ടിട്ടുള്ളതാണ് വിജയവഴിയിലെ സഹനങ്ങൾ എന്ന് ഫാ.ഷാജൻ CM പറഞ്ഞു.

പുതിയ നിയമത്തിലെ ഒരു വചനത്തിന് അനുയോജ്യമായ തരത്തിൽ പഴയ നിയമ ഭാഗങ്ങളെ ഉൾക്കൊള്ളിച്ച് അവയുടെ ആനുകാലിക പ്രസക്തി പ്രതിപാദിച്ച ശേഷം ഒരു പ്രാർത്ഥനയോടെ സമാപിക്കുന്ന രീതിയിലാണ് ഗ്രന്ഥത്തിന്റെ ക്രമീകരണം. സഹനത്തിന്റെ സാഹചര്യങ്ങളെ വെല്ലുവിളിച്ച് ജീവിതവിജയം ആഗ്രഹിക്കുന്ന ഏതൊരു വ്യക്തിക്കും ഉപകാരപ്രദമായിരിക്കും വിജയവഴിയിലെ സഹനങ്ങളെന്ന് രചയിതാവ് പറയുന്നു.

ഫാ.ഷാജൻ പി.ജോസഫ് CM എഴുതിയ പുസ്തകം കാഞ്ഞിരപ്പിള്ളിയിലെ വിമല ബുക്സ് പ്രകാശനവും വിതരണവും നടത്തുന്നു. കേരളത്തിലെ പ്രമുഖ ബുക്ക് സ്റ്റോറുകളിൽ ഈ പുസ്തകം ലഭ്യമാണ്.