Categories: Kerala

റവ.ഡോ.ആന്റണി കുരിശിങ്കൽ കോട്ടപ്പുറം രൂപതയുടെ പുതിയ വികാരി ജനറൽ

സ്വന്തം ലേഖകൻ

കോട്ടപ്പുറം: കോട്ടപ്പുറം വികാരി ജനറലായി റവ.ഡോ. ആന്റണി കുരിശിങ്കലിനെ ബിഷപ്പ് ഡോ.ജോസഫ് കാരിക്കശ്ശേരി നിയമിച്ചു. നിലവിലെ വികാരി ജനറൽ മോൺ.സെബാസ്റ്റ്യൻ ജക്കോബി ഒ.എസ്.ജെ.യുടെ ഇന്ത്യയിലെ സെന്റ് തോമസ് പ്രൊവിൻസിന്റെ പ്രൊവിൻഷ്യലായി ചുമതല ഏൽക്കുന്നതോടെ വരുന്ന ഒഴിവിലാണ് പുതിയ നിയമനം. കോട്ടപ്പുറം രൂപതയുടെ ജുഡീഷ്യൽ വികാരിയായും ആലുവ കർമ്മലഗിരി പൊന്തിഫിക്കൽ സെമിനാരിയിൽ കാനോൻ നിയമ അധ്യാപകനായും സേവനം ചെയ്തു വരികയായിരുന്നു അദ്ദേഹം. മാർച്ച് ഒൻപതിന് റവ.ഡോ.ആന്റണി കുരിശിങ്കൽ കോട്ടപ്പുറം രൂപതയുടെ പുതിയ വികാരി ജനറലായി ചുമതലയേൽക്കുമെന്ന് കോട്ടപ്പുറം രൂപതാ പി.ആർ.ഒ. ഫാ.റോക്കി റോബി കളത്തിൽ അറിയിച്ചു.

ബിഷപ്പ് ഫ്രാൻസിസ് കല്ലറയ്ക്കലിൽ നിന്ന് 2000 നവംബർ 25-ന് പൗരോഹിത്യം സ്വീകരിച്ച ഡോ.കുരിശിങ്കൽ റോമിലെ ഉർബാനിയാ പൊന്തിഫിക്കൽ സർവകലാശാലയിൽ നിന്ന് കാനോൻ നിയമത്തിൽ ലൈസൻഷ്യേറ്റും ഡോക്ടറേറ്റും, ഗ്രിഗോറിയൻ പൊന്തിഫിക്കൽ സർവകലാശാലയിൽ നിന്ന് ജൂറിസ് പ്രൂഡൻസിൽ ഡിപ്ലോമയും നേടിയിട്ടുണ്ട്.

കോട്ടപ്പുറം രൂപതാ ചാൻസിലർ; രൂപതാ കോടതി ജഡ്‌ജി; രൂപതാ വിവാഹ കോടതി നോട്ടറി; കെ.സി.എസ്.എൽ.ഡയറക്ടർ; മടപ്ലാതുരുത്ത് സെന്റ് ജോർജ്, ചെറിയപ്പിള്ളി സെന്റ് ആന്റണി എന്നീ ഇടവകകളിൽ വികാരി; മേത്തല സെന്റ് ജൂഡ് ഇടവകയിൽ പ്രീസ്റ് ഇൻ ചാർജ്; സെന്റ് മൈക്കിൾ കത്തീദ്രൽ സഹ വികാരി; ബിഷപ്പിന്റെ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്. അതുപോലെ തന്നെ റോമിലെ പല ഇടവകകളിലും പ്രവർത്തിച്ചിട്ടുണ്ട്.

കോട്ടപ്പുറം രൂപതയിലെ മണലിക്കാട് നിത്യസഹായമാതാ ഇടവകയിൽ പരേതനായ കുരിശിങ്കൽ അന്തപ്പന്റെയും സെലീനയുടെയും മകനാണ് ഫാ.ആന്റണി കുരിശിങ്കൽ.

vox_editor

Recent Posts

1st Sunday_Advent 2025_കള്ളനെപ്പോലെ ഒരു ദൈവം (മത്താ 24:37-44)

ആഗമനകാലം ഒന്നാം ഞായർ ആഗമനകാലം ആരംഭിക്കുന്നു. സമീപിക്കുക, നേരെ നടക്കുക, തിരികെ വരുക എന്നീ ആഹ്വാനങ്ങൾ ദൈവം, സഹജർ, ഹൃദയത്തിന്റെ…

2 hours ago

കൃപാസനം പ്രേഷിത ജോമോൾ ഇനി “സമർപ്പിത കന്യക”

ജോസ് മാർട്ടിൻ ആലപ്പുഴ: ആലപ്പുഴ രൂപതയിലെ ആദ്യ "സമർപ്പിത കന്യകയായി" കൃപാസനം പ്രേഷിതയായ ജോമോളെ പരിശുദ്ധ ദൈവമാതാവിന്റെ സമർപ്പണ തിരുനാളിൽ…

4 days ago

Christ the King_2025_കുരിശിലെ രാജാവ് (ലൂക്കാ 23:35-43)

ക്രിസ്തുരാജന്റെ തിരുനാൾ കാൽവരിയിൽ, ഒട്ടും ഉചിതമല്ലാത്ത ഒരിടത്ത്, കുരിശുമരത്തിന്റെ ഇടുങ്ങിയ ആ ചുറ്റളവിനുള്ളിലാണ് ലൂക്കാ സുവിശേഷകൻ യേശുവിന്റെ രാജകീയതയെ അവതരിപ്പിക്കുന്നത്.…

1 week ago

ഇന്ത്യ ഒരു ഹിന്ദു രാഷ്ട്രമല്ല; കാത്തലിക് ബിഷപ്പ്സ് കോൺഫറൻസ് ഓഫ് ഇന്ത്യ

ജോസ് മാർട്ടിൻ ന്യൂഡൽഹി: ഭാരതം ഒരു ഹിന്ദു രാഷ്ട്രമാണെന്ന മോഹൻ ഭാഗവതിന്റെ പ്രസ്താവന തെറ്റിദ്ധരിപ്പിക്കുന്നതും വഞ്ചനാപരവുമാണെന്ന് ഭാരത കത്തോലിക്കാ മെത്രാൻ…

2 weeks ago

33rd Sunday_2025_ശ്രദ്ധയുള്ള ദൈവം (ലൂക്കാ 21:5-19)

ആണ്ടുവട്ടത്തിലെ മുപ്പത്തിമൂന്നാം ഞായർ വിലാപത്തിന്റെയും നിലവിളികളുടെയും നാളുകൾ വരും. വാസ്തവത്തിൽ, അവ ഇതിനകം വന്നു കഴിഞ്ഞിരിക്കുന്നു. അവ വീണ്ടും വരുകയും…

2 weeks ago

റോമിലെ വിശുദ്ധ ജോണ്‍ ലാറ്ററന്‍ ബസലിക്കയുടെ പ്രതിഷ്ഠാ ദിനത്തില്‍ ദുവ്യബലി അര്‍പ്പിച്ച് പ്രാര്‍ഥിച്ച് ലിയോ പാപ്പ

സ്വന്തം ലേഖകൻ വത്തിക്കാൻ സിറ്റി: ക്ഷമയും വിശ്വാസവും കൊണ്ട് കെട്ടിപ്പടുക്കപ്പെട്ട സമൂഹത്തിനായുള്ള ഒരു 'നിര്‍മ്മാണ സ്ഥലം' ആണ് "പള്ളി" എന്ന്…

3 weeks ago