അനിൽ ജോസഫ്
ബാലരാമപുരം: തെക്കിന്റെ കൊച്ചുപാദുവയെന്നറിയപ്പെടുന്ന പ്രസിദ്ധ തീര്‍ഥാടന കേന്ദ്രമായ കമുകിന്‍കോട് വിശുദ്ധ അന്തോണീസ് ദേവാലയ തിരുനാളിന് വിപുലമായ ഒരുക്കങ്ങള്‍. ഒരുക്കങ്ങള്‍ വിലയിരുത്താന്‍ ഉദോഗസ്ഥതല യോഗം ചേര്‍ന്നു. ഇടവക വികാരി ഫാ.ജോയിമത്യാസിന്റെ അധ്യക്ഷതയില്‍ കൂടിയ യോഗം നെയ്യാറ്റിന്‍കര നഗരസഭാധ്യക്ഷ ഡബ്ല്യൂ.ആര്‍.ഹീബ ഉദ്ഘാടനം ചെയ്തു.
ഫെബ്രുവരി 11-നാണ് കമുകിന്‍കോട് ദേവാലയത്തിലെ തീര്‍ഥാനടത്തിന് തുടക്കമാവുന്നത്. 23 വരെ നീളുന്ന തീര്‍ഥാടനത്തില്‍ അടിസ്ഥാന സൗകര്യങ്ങള്‍ കൂടുതല്‍ കാര്യക്ഷമമാക്കുമെന്ന് നഗരസഭാധ്യക്ഷ ഡബ്ല്യൂ.ആര്‍.ഹീബ പറഞ്ഞു.
ഇത്തവണ കമുകിന്‍കോട് കൊച്ച് പളളിയിലെ വിശുദ്ധ അന്തോണീസിന്റെ തിരുസ്വരൂപം പ്രതിഷ്ഠിച്ച വാഴ്ത്തപെട്ട ദേവാസഹായം പിളളയുടെ പ്രേക്ഷിത പ്രവര്‍ത്തനങ്ങളുടെ 275 ാം വാര്‍ഷികവും, ഇടവകയുടെ സുവിശേഷ വൽക്കരണത്തിന്റെ 307 ാം വാര്‍ഷികവും ആഘോഷിക്കുന്നു എന്നത് പ്രത്യേകതയാണ്.
തീര്‍ഥാടനത്തിന്‍റെ ഭാഗമായി തിരുനാള്‍ സൗഹൃദ സന്ധ്യ, പ്രണാമ സന്ധ്യ, ആദരസന്ധ്യ, സമാപന സമ്മേളനം എന്നിവയും നടക്കും. നെയ്യാറ്റിന്‍കര ബിഷപ് ഡോ.വിന്‍സെന്‍റ് സാമുവല്‍, മുന്‍ കൊല്ലം ബിഷപ് ഡോ.സ്റ്റാന്‍ലി റോമന്‍, മാര്‍ത്താണ്ഡം രൂപത ബിഷപ് ഡോ.വിന്‍സെന്‍റ് മാര്‍ പൗലോസ് തുടങ്ങിയവര്‍ തിരുകര്‍മ്മങ്ങളില്‍ പങ്കെടുക്കും.
മന്ത്രിമാരായ കെടി ജലീല്‍ ഇപി ജയരാജന്‍, കടകംപളളി സുരേന്ദ്രന്‍, എംഎം മണി; പ്രതിപക്ഷതേതാവ് രമേശ് ചെന്നിത്തല; എംപിമാരായ ശശിതരൂര്‍, ഷാനിമോള്‍ ഉസ്മാന്‍; എഎല്‍എ മാരായ സികെ ഹരീന്ദ്രന്‍, എം. വിന്‍സെന്‍റ്, വി എസ് ശിവകുമാര്‍, ഓ.രാജഗോപാല്‍, വി കെ പ്രശാന്ത്, ഐബി സതീഷ്, കെ ആന്‍സലന്‍, പിസി കുഞ്ഞിരാമന്‍ തുടങ്ങിയവരും വിവിധ പരിപാടികളില്‍ പങ്കെടുക്കുമെന്ന് ഇടവക വികാരി ഫാ. ജോയി മത്യാസ് അറിയിച്ചു.
ഉദ്യോഗസ്ഥ യോഗത്തില്‍ പഞ്ചായത്ത് പ്രസിഡന്‍റ് ബി ടി ബീന, വൈസ് ചെയര്‍മാന്‍ കെകെ ഷിബു, നെയ്യാറ്റിന്‍കര സബ് ഇന്‍സ്പെക്ടര്‍ സെന്തില്‍കുമാറും മറ്റ് ഉദ്യോഗസ്ഥരും പങ്കെടുത്തു.
സ്വന്തം ലേഖകന്‍ പാല: പാലയില്‍ കാത്തലിക് കൗണ്‍സില്‍ ഓഫ് ഇന്ത്യയുടെ സമ്മേളനത്തിനെത്തിയ മെത്രാന്‍മാര്‍ ഭരണങ്ങാനം വിശുദ്ധ അല്‍ഫോണ്‍സാ തീര്‍ഥാടന കേന്ദ്രത്തില്‍…
ആണ്ടുവട്ടത്തിലെ മുപ്പത്തിമൂന്നാം ഞായർ മനസ്സിലാക്കാൻ ബുദ്ധിമുട്ടുള്ള ഒരു വചനഭാഗം. കാരണം അതിന്റെ സാഹിത്യശൈലി ദർശനാത്മകമാണ്. ഒറ്റവായനയിൽ ലോകാവസാനമാണ് വിഷയം എന്നു…
സ്വന്തം ലേഖകന്‍ തിരുവനന്തപുരം : കേരളത്തിലെ പ്രധാന തീര്‍ഥാടന കേന്ദ്രമായ വെട്ടുകാട് മാദ്രെ ദെ ദേവൂസ് തീര്‍ഥാടന തിരുനാളിന് ഇന്ന്…
സ്വന്തം ലേഖകന്‍ വത്തിക്കാന്‍ സിറ്റി :വത്തിക്കാനിലെ വിശുദ്ധ പത്രോസിന്‍റെ ബസിലിക്കയുടെ മനോഹാരിത ഡിജിറ്റല്‍ സാങ്കേതിക വിദ്യയുടെയും നിര്‍മ്മിതബുദ്ധിയുടെയും സഹായത്തോടെയുള്ള ആസ്വാദനത്തിനു…
അനില്‍ ജോസഫ് തിരുവനന്തപുരം : വെട്ടുകാട് ദേവാലയത്തിലെ നിലവറ ദേവാലയം ആശീര്‍വദിച്ചു. തിരുവനന്തപുരം അതിരൂപതാ മെത്രാന്‍ ഡോ.തോമസ് ജെ നെറ്റോ…
സ്വന്തം ലേഖകന്‍ വത്തിക്കാന്‍ സിറ്റി: മലങ്കര മാര്‍ത്തോമാ സഭയുടെ സിനഡ് പ്രതിനിധി സംഘവുമായി ഫ്രാന്‍സിസ് പാപ്പാ വത്തിക്കാനില്‍ കൂടിക്കാഴ്ച നടത്തി.…
This website uses cookies.
