ജോസ് മാർട്ടിൻ
ഇരിട്ടി: കെ.സി.വൈ.എം. തലശ്ശേരി അതിരൂപതയുടെ ആഭിമുഖ്യത്തിൽ 2021-ലെ ക്രിസ്മസ് ആഘോഷങ്ങളോടനുബന്ധിച്ച് മലബാറിലെ ആദ്യ ക്രിസ്തുമസ് പാപ്പാ മെഗാ സംഗമം “ബോൺ നത്താലെ 2K21” ഇരിട്ടി ടൗണിൽ സംഘടിപ്പിച്ചു. ഭൂമിയിൽ മനുഷ്യനായി അവതരിച്ച ദൈവപുത്രന്റെ തിരുപ്പിറവിയുടെ സന്ദേശം പ്രഘോഷിച്ചു കൊണ്ട് ഒത്തുചേർന്ന യുവജനങ്ങൾക്കൊപ്പം ഇരുന്നൂറ്റിയമ്പതോളം ക്രിസ്തുമസ് പാപ്പാമാർ ക്രിസ്തുമസ് സമാധാന സന്ദേശം അവതരിപ്പിച്ചു. വാദ്യമേളങ്ങളുടെ അകമ്പടിയും, നിശ്ചല ദൃശ്യങ്ങളുടെ സാന്നിധ്യവും, പപ്പാ റാലിക്ക് ഇരിട്ടി പട്ടണത്തിൽ ദൃശ്യ വിരുന്നൊരുക്കി.
തുടർന്ന് നടന്ന സാംസ്കാരിക സമ്മേളനത്തിലും, ക്രിസ്മസ് കലാ സന്ധ്യയിലും സാമൂഹിക – സാംസ്കാരിക – രാഷ്ട്രീയ രംഗങ്ങളിലെ പ്രമുഖർ സംബന്ധിച്ചു. തലശ്ശേരി അതിരൂപതാ സഹായ മെത്രാൻ മാർ ജോസഫ് പാംപ്ലാനി ക്രിസ്തുമസ് സന്ദേശം നൽകി. അഡ്വ.സണ്ണി ജോസഫ് എംഎൽഎ, അഡ്വ.സജീവ് ജോസഫ് എംഎൽഎ, മുൻസിപ്പൽ ചെയർപേഴ്സൺ ശ്രീമതി ശ്രീലത എന്നിവർ ആശംസ നേർന്ന് സംസാരിച്ചു.
കെ.സി.വൈ.എം. തലശ്ശേരി അതിരൂപതാ ഡയറക്ടർ ഫാ. ജിൻസ് വാളിപ്ലാക്കൽ ആമുഖ പ്രഭാഷണം നടത്തിയ ചടങ്ങിൽ കെ.സി.വൈ.എം. അതിരൂപതാ പ്രസിഡന്റ്‌ ജോയൽ ജോസഫ് തൊട്ടിയിൽ സ്വാഗതവും വൈസ് പ്രസിഡന്റ്‌ സരിക ചാക്കോ കൊന്നയ്ക്കൽ നന്ദിയും പറഞ്ഞു.
‘ബോൺ നത്താലേ’യുമായി ബന്ധപ്പെട്ട് നിരവധി പരിപാടികളാണ് കെ.സി.വൈ.എം. തലശ്ശേരി അതിരൂപത ആസൂത്രണം ചെയ്തിരിക്കുന്നതെന്നും, ക്രിസ്തുമസ് ദിനാഘോഷങ്ങളുടെ ഭാഗമായി കണ്ണൂർ, കാസർഗോഡ് ജില്ലകളിലെ വിവിധ അഗതിമന്ദിരങ്ങളിലൂടെ നടത്തുന്ന ക്രിസ്തുമസ് കരോൾ യാത്രയാണ് പരിപാടിയുടെ അടുത്ത ഘട്ടം. അതിന് ശേഷം കണ്ണൂർ, കാസർഗോഡ് ജില്ലകളിലെ എല്ലാ ടൗണുകളിലും ദൈവ രക്ഷകൻ ക്രിസ്മസ് സന്ദേശം പകർന്നുകൊണ്ട് ചെറു ഗ്രൂപ്പുകളായി കരോൾ നടത്തുമെന്നും ഭാരവാഹികൾ അറിയിച്ചു.
ജോസ് മാർട്ടിൻ കൊച്ചി: നീണ്ട നിയമപോരാട്ടത്തിനും പന്ത്രണ്ട് വർഷത്തെ കാത്തിരിപ്പിനുമൊടുവിൽ ലത്തീൻ കത്തോലിക്കാ–ആംഗ്ലോ ഇന്ത്യൻ സമുദായത്തിന് എൽ.എൽ.എം. (L.L.M.) കോഴ്‌സ്…
സകല വിശുദ്ധരുടെ തിരുന്നാൾ യേശുവും നമ്മളെപ്പോലെ സ്വപ്നം കണ്ടിരുന്നു. അവൻ്റെ ഏറ്റവും വലിയ സ്വപ്നം എല്ലാ മനുഷ്യരും സന്തുഷ്ടരായിരിക്കണമെന്നതാണ്. അതായത്,…
ജോസ് മാർട്ടിൻ ചങ്ങനാശ്ശേരി: ചങ്ങനാശ്ശേരി അതിരൂപതയിലെ പ്രസിദ്ധ മരിയൻ തീർത്ഥാടന കേന്ദ്രമായ പാറേൽ പള്ളിയെ പരിശുദ്ധ പിതാവ് ലിയോ പതിനാലാമൻ…
ആണ്ടുവട്ടത്തിലെ മുപ്പതാം ഞായർ ഒരൊറ്റ ക്രിയയിലാണ് കൽപ്പനകൾ മുഴുവൻ സംഗ്രഹിച്ചിരിക്കുന്നത്; സ്നേഹിക്കുക (Ἀγαπήσεις = Agapēseis). ഭാവിയിലേക്കാണ് അത് വിരൽചൂണ്ടുന്നത്.…
ആണ്ടുവട്ടത്തിലെ ഇരുപത്തിയൊമ്പതാം ഞായർ നമുക്ക് എപ്പോഴും ആരുടെയെങ്കിലും സ്വന്തമായിരിക്കേണ്ടതുണ്ട്. യേശുവിന് കാണിച്ചുകൊടുത്ത റോമൻ നാണയത്തെപ്പോലെ. അതിലെ രൂപവും ലിഖിതവും സീസറിന്റേതാണ്.…
ആണ്ടുവട്ടത്തിലെ ഇരുപത്തിയെട്ടാം ഞായർ നഗരത്തിൽ ഒരു വിവാഹവിരുന്ന് ഒരുക്കിയിരിക്കുന്നു. രാജാവിന്റെ മകൻ വിവാഹിതനാകുന്നു. പക്ഷേ ക്ഷണിതാക്കൾ എല്ലാവരും തന്നെ ഒഴികഴിവുകൾ…
This website uses cookies.
