ഫാ.സിജിൽ സേവ്യറിന് ഡോക്ടറേറ്റ്

ജോസ് മാർട്ടിൻ

കോട്ടപ്പുറം: കോട്ടപ്പുറം രൂപതാംഗം ഫാ.സിജിൽ സേവ്യർ മുട്ടിക്കൽ തത്വശാസ്ത്രത്തിൽ ഡോക്ടറേറ്റ് നേടി. ജർമ്മനിയിലെ പാസൗ സർവ്വകലാശാലയിൽ നിന്നാണ് ഈ നേട്ടം കൈവരിച്ചത്. “പ്രപഞ്ച ശാസ്ത്രവുമായി ബന്ധപ്പെട്ട് ശ്രീ ശങ്കരന്റെയും വിശുദ്ധ തോമസ് അക്വിനാസിന്റെയും ചിന്തകളിലുള്ള ഐക്യവും വ്യത്യാസവുമായിരുന്നു” ഗവേഷണ വിഷയം.

പത്തു വർഷമായി ജർമ്മനിയിലെ പാസൗ രൂപതയിൽ സേവനം ചെചെയ്തുവരുന്ന റവ.ഡോ.സിജിൽ സേവ്യർ ഇപ്പോൾ ഐഹഫോർമ് വാൾഡ് സെന്റ് പീറ്റർ ആന്റ് പോൾ പള്ളിയിൽ സഹവികാരിയായി സേവനം ചെയ്യുകയാണ്. അജപാലന ദൗത്യത്തിനിടയിലും അഞ്ച് വർഷം കൊണ്ട് ഗവേഷണപഠനം പൂർത്തിയാക്കുവാൻ സാധിച്ചത് വലിയൊരു നേട്ടം തന്നെയാണ്.

കോട്ടപ്പുറം രൂപതയിലെ കീഴൂപ്പാടം സൽബുദ്ധി മാത ഇടവകയിൽ മുട്ടിക്കൽ കുടുംബത്തിൽ പരേതനായ ജോസഫിന്റെയും മേരിയുടെയും മകനാണ് റവ.ഡോ.സിജിൽ സേവ്യർ മുട്ടിക്കൽ.