Categories: Diocese

ഫാ.ജോയി സാബുവിന്റെ പിതാവ് നിര്യാതനായി

ഇന്ന് വൈകുന്നേരം 3 മണിക്ക് ഓലിക്കോട് ക്രിസ്തുരാജാ ദേവാലയത്തിൽ...

സ്വന്തം ലേഖകൻ

നെയ്യാറ്റിൻകര: നെയ്യാറ്റിൻകര രൂപതയിലെ വൈദീകനും ആനപ്പാറ ഇടവക വികാരിയും രൂപത അജപാലന സമിതി ഡയറക്ടറുമായ ഫാ.ജോയിസാബുവിന്റെ പിതാവ് രാമപുരം കോഴോട് കുഴിവിളാകത്ത് വീട്ടിൽ ശ്രീ.യോഹന്നാൻ നിര്യാതനായി, 84 വയസായിരുന്നു. ഇന്ന് (21 Sep 2022) രാവിലെ 3 മണിക്കായിരുന്നു അന്ത്യം. വാർദ്ധക്യ പ്രശ്നങ്ങൾ ഗുരുതരമാകുന്നതിന് മുൻമ്പ് വരെ അതിരാവിലെ 3 മണിക്ക് എഴുന്നേറ്റ് കരുണക്കൊന്തയും ജപമാലയും തിരുഹൃദയകൊന്തയും ചൊല്ലുന്ന സമയമായിരുന്നു മരണം. വാർദ്ധക്യ സഹജമായ അസുഖങ്ങളാൽ ചികിത്സയിലായിരുന്നു.

സംസ്കാര ശുശ്രൂഷകൾ ഇന്ന് വൈകുന്നേരം 3 മണിക്ക് ഇടവക ദേവാലയമായ ഓലിക്കോട് ക്രിസ്തുരാജാ ദേവാലയത്തിൽ നടക്കും.

ഓലിക്കോട് ക്രിസ്തുരാജാ ദേവാലയത്തിലെ മുൻ ഉപദേശിയാണ്. 2000-ൽ ഓലിക്കോട് ക്രിസ്തുരാജാ ദേവാലയം സ്ഥാപിതമായതുമുതൽ 2018-ൽ ആരോഗ്യം മോശമാകുന്നതുവരെ അദ്ദേഹം ദേവാലയത്തിലെ ഉപദേശിയായി വ്യത്യസ്ത ഇടവക വികാരിമാർക്ക് കീഴിൽ വിശ്വസ്തതയോടെ സേവനം ചെയ്തു.

ഉപദേശി എന്ന നിലയിൽ തന്നിൽ അർപ്പിച്ചിരുന്ന ഉത്തരവാദിത്വങ്ങൾ ആത്മാർത്ഥതയോടെ ചെയ്യുന്നതിൽ പ്രത്യേക ശ്രദ്ധപതിപ്പിച്ചിരുന്ന ഉപദേശി ജപമാല പ്രാർത്ഥനയോട് പ്രകടിപ്പിച്ചിരുന്ന ആഴമായ ഭക്തി വിശ്വാസികൾക്ക് വലിയ പ്രചോദനമായിരുന്നു. രോഗീസന്ദർശനത്തിലൂടെയും തുടങ്ങിയവയിലൂടെ ഇടവക മക്കൾക്ക് യേശുവിനെ പകർന്നു കൊടുക്കുന്നതിൽ തീക്ഷണമതിയായിരുന്നു അദ്ദേഹം. ഓലിക്കോട് ദേവാലയത്തിൽ ദൈനംദിന ദിവ്യബലിയിൽ പങ്കെടുത്ത്, ഇടവക വികാരിമാരോടൊപ്പം ചേർന്ന് വിശ്വാസ പ്രചരണത്തിൽ അക്ഷീണം പ്രവർത്തിച്ചിരുന്നു.

സേവ്യർ-അന്നമ്മ ദമ്പതികളുടെ ആറാമത്തെ മകനായി 1939-ലായിരുന്നു ജനനം. സാവിത്രിയാണ് ഭാര്യ. മക്കൾ: ഫാ.ജോയിസാബു വൈ. (രൂപതാ വൈദീകൻ); അനിൽ വൈ. (ജൂനിയർ സൂപ്രണ്ട് വനിതാകമ്മീഷൻ); മിനിമോൾ. മരുമക്കൾ: ജിനീഷ്, സുവില.

vox_editor

Recent Posts

സ്നേഹത്തിന്റെ കൂട്ടായ്മ (ലൂക്കാ 9: 10-17)

പരിശുദ്ധ ദിവ്യകാരുണ്യത്തിരുനാൾ ശരീരങ്ങളിൽ സംഭവിച്ച അത്ഭുതങ്ങളാണ് ബൈബിളിലുടനീളം നമുക്ക് കാണാൻ സാധിക്കുന്നത്; പരമ്പരാഗതമായ ആത്മീയതയിൽ ശരീരത്തിന് വലിയ പ്രാധാന്യമൊന്നും ഇല്ലെങ്കിൽ…

4 days ago

തീരസംരക്ഷണത്തിന് സർക്കാർ ഇടപെടൽ ആവശ്യപ്പെട്ട് വൈദീകർ ഉപവാസ സമരം നടത്തി

ജോസ് മാർട്ടിൻ കൊച്ചി: ആലപ്പുഴ, കൊച്ചി രൂപതകളുടെ ഭാഗമായ കണ്ണമാലി, ചെറിയകടവ്, കാട്ടിപ്പറമ്പ് പ്രദേശങ്ങളിൽ നേരിടുന്ന ശക്തമായ കടലേറ്റത്തിന് ശാശ്വത…

4 days ago

Holy Trinity Sunday_2025_കുടുംബമാണ് ത്രിത്വം (യോഹ 16: 12-15)

പരിശുദ്ധ ത്രിത്വത്തിന്റെ തിരുനാൾ പെസഹാക്കാലം കഴിഞ്ഞു. ആരാധനക്രമം പരിശുദ്ധ ത്രിത്വത്തിന്റെ തിരുനാളോടുകൂടെ ആണ്ടുവട്ടക്കാലം പുന:രാരംഭിക്കുന്നു. പരിശുദ്ധ ത്രിത്വത്തെ നിർവചിക്കുക എന്നത്…

1 week ago

Pentecost Sunday_പരിശുദ്ധാത്മാവ് നമ്മെ നയിക്കട്ടെ (യോഹ 14: 15-16, 23-26)

പെന്തക്കോസ്താ തിരുനാൾ യേശുവിന്റെ ഉത്ഥാനത്തിനുശേഷം അമ്പത് ദിവസം ആയിരിക്കുന്നു. അമ്പതാം ദിവസം; പെന്തക്കോസ്താ എന്നർത്ഥം. അമ്പത് എന്നത് സമയസങ്കല്പത്തിൽ പൂർണ്ണതയുടെ…

3 weeks ago

നാം ലോകത്തോടുള്ള അനുകമ്പയില്‍ വളരാന്‍ വേണ്ടി പ്രാര്‍ത്ഥിക്കുക!

സ്വന്തം ലേഖകന്‍ വത്തിക്കാന്‍ സിറ്റി :യേശുവുമായുള്ള വ്യക്തിപരമായ ബന്ധത്തില്‍ ആശ്വാസം കണ്ടെത്താനും ലോകത്തോടു സഹാനുഭൂതിയുള്ളവരായിരിക്കാന്‍ അവിടത്തെ ഹൃദയത്തില്‍ നിന്ന് പഠിക്കാനും…

3 weeks ago

പരിഷ്‌ക്കരിച്ച പി.ഒ.സി. ബൈബിള്‍ പ്രകാശനം ചെയ്തു

ജോസ് മാർട്ടിൻ കൊച്ചി: പരിഷ്‌ക്കരിച്ച പി.ഒ.സി. ബൈബിള്‍ പ്രകാശനം ചെയ്തു. കേരള കത്തോലിക്കാ സഭയുടെ ആസ്ഥാന കാര്യാലയമായ പി.ഒ.സി.യിൽ ജൂൺ…

3 weeks ago