അനിൽ ജോസഫ്
നെയ്യാറ്റിന്കര: ക്രിസ്തുദേവന്റെ പീഡാനുഭവ സ്മരണയില് ദുഃഖവെള്ളി ആചരിച്ച് വിശ്വാസികള്. ഇന്ന് രാവിലെ മുതല് ദേവാലയങ്ങളില് ദുഃഖവെള്ളി ആചരണത്തിന്റെ തിരുകര്മ്മങ്ങള് ആരംഭിച്ചരുന്നു. നെയ്യാറ്റിന്കര രൂപതയുടെ നേതൃത്വത്തില് നടന്ന പരിഹാരശ്ലീവാപാതക്ക് നെയ്യാറ്റിന്കര ബിഷപ്പ് ഡോ.വിന്സെന്റ് സാമുവല് മുഖ്യകാര്മ്മികത്വം വഹിച്ചു.
രാവിലെ വഴുതൂര് കര്മ്മലമാതാ ദേവാലയത്തില് നിന്നാരംഭിച്ച പരിഹാരശ്ലീവാപാതയില് നൂറുകണക്കിന് വിശ്വാസികള് പങ്കെടുത്തു. പീഡാസഹനത്തിന്റെ ഓര്മ്മകളില് 14 ഇടങ്ങളില് കുരിശിന്റെ വഴി ചിത്രങ്ങള് ക്രമീകരിച്ചിരുന്നു. കുരിശിന്റെ വഴിയുടെ 14 സ്ഥലങ്ങളില് കെ.ആര്.എല്.സി.സി.യുടെ ബി.സി.സി. സെക്രട്ടറി ഡോ.ഗ്രിഗറി ആര്ബി പീഡാനുഭവ സന്ദേശം നല്കി.
ദുഃഖവെള്ളി നല്കുന്നത് നവീകരണത്തിന്റെ സന്ദേശമാണെന്ന് ബിഷപ്പ് പറഞ്ഞു. പീഡാസഹനത്തിന്റെ ചൈതന്യം വിശ്വാസികള് ഏറ്റെടുക്കണമെന്നും ജീവിതം പരിവര്ത്തനത്തിന് വിധേയമാക്കണമെന്നും ബിഷപ്പ് ആഹ്വാനം ചെയ്തു. പരിഹാര ശ്ലീവാപാതയില് രൂപത വികാരി ജനറല് മോണ്.ജി.ക്രിസ്തുദാസ്, ഇടവക വികാരി മോണ്.വി.പി.ജോസ്, സെക്രട്ടറി ഫാ.രാഹുല്ലാല് തുടങ്ങിയവരും പങ്കെടുത്തു.
ഉച്ചക്ക് ശേഷം നടന്ന കുരിശാരാധനയിലും കര്ത്താവിന്റെ പീഡാനുഭവ അനുസ്മരണത്തിലും വിശ്വാസികൾ ഭക്തിയോടെ പങ്കെടുത്തു. നാളെ പാതിരാകുര്ബാന10.45-നാണ് കത്തീഡ്രല് ദേവാലയത്തില് ആരംഭിക്കുന്നത്. തുടര്ന്ന്, പെസഹാ പ്രഘോഷണവും ദീപാര്ച്ചനയും, ജ്ഞാനസ്നാന വ്രതവാഗ്ദാനവും, ദിവ്യകാരുണ്യ സ്വീകരണവും നടക്കും.
ആണ്ടുവട്ടത്തിലെ ഇരുപത്തിമൂന്നാം ഞായർ മത്തായിയുടെ സമൂഹത്തിൽ “ചെറിയവർ” എന്നതുകൊണ്ട് ഉദ്ദേശിക്കുന്നത് സമൂഹത്തിലെ ഏറ്റവും ദുർബലരായവരെയും, വിശ്വാസത്തിൽ പുതുമുഖങ്ങളായവരെയും ആണ്. അവരിൽ…
ആണ്ടുവട്ടത്തിലെ ഇരുപത്തിയൊന്നാം ഞായർ ചിങ്ങമാസത്തിലെ ഏതെങ്കിലും ഒരു ഞായറാഴ്ച യേശുവിന്റെ ഏറ്റവും സുന്ദരമായ ഒരു ചോദ്യവുമായി ആരാധനക്രമം നമ്മിലേക്ക് വരാറുണ്ട്.…
ജോസ് മാർട്ടിൻ മുതിർന്ന മാധ്യമ പ്രവർത്തകനും, മാധ്യമപരിശീലകനും,അദ്ധ്യാപകനും,വരാപ്പുഴ അതിരൂപതാ അംഗവുമായ പ്രൊഫ. ഡോ. ഇഗ്നേഷ്യസ് ഗോൺസാൽവസിനെ അദ്ദേഹത്തിന്റെ സഭാ-സാമൂഹിക മേഖലകളിലെ സമഗ്ര…
ആണ്ടുവട്ടത്തിലെ പത്തൊമ്പതാം ഞായർ നമ്മിൽ ആരാണ് ജീവിതത്തിലെ കൊടുങ്കാറ്റുകളെ നേരിടാതെ കടന്നുപോയിട്ടുള്ളത്? ഒരു ഗുരുതര രോഗം... തകർന്നുപോകുന്ന കുടുംബബന്ധങ്ങൾ... മക്കളെക്കുറിച്ചുള്ള…
ആണ്ടുവട്ടത്തിലെ പതിനാറാം ഞായർ നന്മയും തിന്മയും, ശരിയും തെറ്റും, കറുപ്പും വെളുപ്പും, കതിരും കളകളും... എല്ലാം മണ്ണിലാണ് വേരൂന്നിയിരിക്കുന്നത്. അതൊരു…
ആണ്ടുവട്ടത്തിലെ പതിനഞ്ചാം ഞായർ സമവീക്ഷണ സുവിശേഷങ്ങൾ ശ്രദ്ധയോടെ വായിക്കുമ്പോൾ ഒരു കാര്യം നമ്മുടെ മനസ്സിനെ ആഴത്തിൽ സ്പർശിക്കും. അത് യേശുവിന്റെ…
This website uses cookies.
