സാബു കുരിശുമല
കുരിശുമല: “വിശുദ്ധ കുരിശ് ജീവന്റെ സമൃദ്ധി” എന്ന തീര്ത്ഥാടന സന്ദേശവുമായി 62-ാമത് തെക്കന് കുരിശുമല തീര്ത്ഥാടനത്തിന് കൊടിയേറി. നെയ്യാറ്റിന്കര മെത്രാസന മന്ദിരത്തില് നിന്നും കുരിശുമലയിലേയ്ക്ക് തീര്ത്ഥാടനകമ്മിറ്റിയുടെയും എല്.സി.വൈ.എം. നെയ്യാറ്റിന്കര രൂപതസമിതിയും നേതൃത്വം നൽകിയ തീര്ത്ഥാടന പതാക പ്രയാണത്തിലും, ഇരു ചക്രവാഹനറാലിയിലും യുവജനങ്ങള് സജീവമായി പങ്കെടുത്തു.
ഉച്ചയ്ക്ക് 2 മണിക്ക് വെള്ളറടയില് നിന്നും ആരംഭിച്ച വര്ണ്ണശബളമായ തെക്കന് കുരിശുമല സാംസ്കാരിക ഘോഷയാത്രയിലും, നവയുവതപ്രയാണത്തിലും നൂറുകണക്കിന് വിശ്വാസികള് ഭക്തിനിര്ഭരമായി പങ്കെടുത്തു.
4 മണിയ്ക്ക് നെയ്യാറ്റിന്കര രൂപതാമെത്രാന് ഡോ.വിന്സെന്റ് സാമുവേല് മഹാതീര്ത്ഥാടനത്തിന് കൊടിയേറ്റി. തുടര്ന്ന്, കൊല്ലം രൂപതാമെത്രാന് ഡോ.പോള് ആന്റണി മുല്ലശ്ശേരിയുടെ മുഖ്യകാര്മികത്വത്തില് പ്രാരംഭ പൊന്തിഫിക്കല് ദിവ്യബലി നടന്നു.
സംഗമവേദിയില് നിന്ന് നെറുകയിലേയ്ക്ക് ദിവ്യജ്യോതി പതാകപ്രയാണവും, യുവദീപ്തി പദയാത്രയും ഉണ്ടായിരുന്നു. നെറുകയില് ഫാ.അജീഷ് ക്രിസ്തുദാസ് തീര്ത്ഥാടന പതാക ഉയര്ത്തി.
6.30-ന് സംഗമവേദിയില് ഉദ്ഘാടനസമ്മേളനം ബിഷപ്പ് ഡോ.വിന്സെന്റ് സാമുവേലിന്റെ അധ്യക്ഷതയില് കൂടുകയുണ്ടായി. തീര്ത്ഥാടന കേന്ദ്രം ഡയറക്ടര് മോണ്.ഡോ.വിന്സെന്റ് കെ.പീറ്റര് ആമുഖസന്ദേശം നൽകി. ബഹുമാനപ്പെട്ട ടൂറിസം, സഹകരണദേവസ്വം മന്ത്രി ശ്രീ.കടകംപള്ളി സുരേന്ദ്രന് ഉദ്ഘാടനം ചെയ്തു. തമിഴ്നാട് പുരാവസ്തുമന്ത്രപാണ്ഡ്യരാജന് മുഖ്യസന്ദേശം നൽകി. എം.എല്.എ.മാരായ സി.കെ. ഹരീന്ദ്രന്, വി.എസ്.ശിവകുമാര്, വിന്സെന്റ്, ഐ.ബി. സതീഷ് തുടങ്ങിയവര് ആശംസ അര്പ്പിച്ചു.
യുവജന വര്ഷ സമാപന ആഘോഷം തിരുവനന്തപുരം എം.പി. ശശിതരൂര് ഉദ്ഘാടനം ചെയ്തു. തുടർന്ന്, “ക്രിസ്ത്യന് ഡിവോഷണല് മെഗാഷോ- യുവതയുടെ ആഘോഷം” സംഗമവേദിയില് നടന്നു.
ആണ്ടുവട്ടത്തിലെ പതിനാറാം ഞായർ നന്മയും തിന്മയും, ശരിയും തെറ്റും, കറുപ്പും വെളുപ്പും, കതിരും കളകളും... എല്ലാം മണ്ണിലാണ് വേരൂന്നിയിരിക്കുന്നത്. അതൊരു…
ആണ്ടുവട്ടത്തിലെ പതിനഞ്ചാം ഞായർ സമവീക്ഷണ സുവിശേഷങ്ങൾ ശ്രദ്ധയോടെ വായിക്കുമ്പോൾ ഒരു കാര്യം നമ്മുടെ മനസ്സിനെ ആഴത്തിൽ സ്പർശിക്കും. അത് യേശുവിന്റെ…
സ്വന്തം ലേഖകന് വത്തിക്കാന് സിറ്റി : വേനല്ക്കാലത്തെ പതിവുപോലെ, പ്രാര്ത്ഥനയ്ക്കും വിശ്രമത്തിനുമായി പാപ്പാ കാസ്റ്റെല് ഗാന്തോള്ഫോയില് എത്തി . ജൂലൈ…
ആണ്ടുവട്ടത്തിലെ പതിനാലാം ഞായർ യേശുവിന്റെ ജീവിതത്തിലെ ഏറ്റവും വിഷമകരമായ ഘട്ടങ്ങളിലൊന്നാണിത്. അവന്റെ വാക്കുകൾ ജീവൻ പകർന്നുവെങ്കിലും, അവനെ കേൾക്കാൻ പല…
സ്വന്തം ലേഖകന് നെയ്യാറ്റിന്കര : നെയ്യാറ്റിന്കര രൂപത ചുള്ളിമാനൂര് തിരുഹ്യദയ ഫൊറോന ദൈവാലയാംഗവും ഒ എസ് എച്ച് ജെ (Oblate…
അനില് ജോസഫ് കോതമംഗലം : ഓടിക്കൊണ്ടിരുന്ന സ്വകാര്യ ബസ്സില് നിന്ന് തെറിച്ചുവീണ കന്യാസ്ത്രീക്ക് ധാരുണാന്ത്യം കോതമംഗലം സെന്റ് വിന്സന്റ്…
This website uses cookies.
