ചാവല്ലൂര്‍ പൊറ്റയില്‍ തിരുനാളിന് നാളെ തുടക്കം

സ്വന്തം ലേഖകന്‍

നെയ്യാറ്റിന്‍കര: നെയ്യാറ്റിന്‍കര രൂപതയിലെ പ്രസിദ്ധമായ തീര്‍ഥാടന കേന്ദ്രമായ ചാവല്ലൂര്‍ പൊറ്റയില്‍ വിശുദ്ധ ദേവസഹായത്തിന്‍റെ പത്താമത് തിരുനാള്‍ മഹോത്സവം 2023 ജനുവരി 6 മുതല്‍ 15 വരെ ആണ് തീരുമാനിച്ചിരുന്നത്.

ബെനഡിക്ട് പതിനാറാമന്‍ പാപ്പ കാലം ചെയ്തതിനെ തുടര്‍ന്ന് നെയ്യാറ്റിന്‍കര രൂപത മെത്രാന്‍ 7 ദിവസത്തെ ദുഃഖചരണം പ്രഖ്യാപിച്ചിരിക്കുന്ന സാഹചര്യത്തില്‍ പാപ്പയോട് ഉള്ള ആദര സൂചകമായി തിരുനാള്‍ ആഘോഷം ജനുവരി 8 ഞായറാഴ്ച മുതല്‍ 15 ഞായറാഴ്ച വരെ ആയിരിക്കും നടത്തപ്പെടുന്നതെന്ന് ഇടവക വികാരി ഫാ.ജോസഫ് അനില്‍ അറിയിച്ചു.

നാളെ ഞായറാഴ്ച വൈകിട്ട് നെയ്യാറ്റിന്‍കര രൂപതാ മെത്രാന്‍ ഡോ.വിന്‍സെന്‍റ് സാമുവല്‍ കൊടിയേറ്റ് കര്‍മ്മം നിര്‍വ്വഹിക്കും. 15 നാണ് തിരുനാളിന് സമാപനമാവുന്നത്.

ജനുവരി 8 നും 15 നും നടക്കുന്ന തിരുകര്‍മ്മങ്ങള്‍ കാത്തലിക് വോക്സ് തത്സമയം സംപ്രേഷണം ചെയ്യും.