ഗ്രോത്ത്: 2019; കട്ടയ്ക്കോട് ഫെറോന ലിറ്റിൽ വേ ക്യാമ്പ് സംഘടിപ്പിച്ചു

ഷിബു തോമസ് കുരുവിൻ മുകൾ

കാട്ടാക്കട: നെയ്യാറ്റിൻകര രൂപതയിലെ കട്ടയ്ക്കോട് ഫെറോന, ‘ലിറ്റിൽ വേ’ കുട്ടികൾക്ക് വേണ്ടി “ഗ്രോത്ത്: 2019” എന്ന പേരിൽ ഒരു ത്രിദിന ക്യാമ്പ് സംഘടിപ്പിച്ചു. ഫെബ്രുവരി 8 വൈകുന്നേരം 6 മണിക്ക് ആരംഭിച്ച ക്യാമ്പ് 10 ഞായർ വൈകുന്നേരം 5.30-നാണ് സമാപിച്ചത്.

കട്ടയ്ക്കോട് സെന്റ് ആന്റണീസ് സ്കൂളിൽ ആരംഭിച്ച ഗ്രോത്ത്: 2019 ക്യാമ്പ് ഫെറോന വികാരി ഫാ.റോബർട്ട് വിൽസന്റ് ആണ് ഉദ്ഘാടനം ചെയ്തത്. ശ്രീ.അനിൽകുമാർ കുളത്തോട്ടുമല, ശ്രീ അനീഷ് കണ്ണറ വിള എന്നിവർ ക്യാമ്പ് കോർഡിനേറ്റ് ചെയ്തു. ഫാ.ജോസഫ് പാറാങ്കുഴി, സി.സുമിത, ശ്രീ.അഗസ്റ്റ്യൻ ചുള്ളിമാനൂർ, ശ്രീ.സിൽവസ്റ്റർ എന്നിവർ ക്ലാസ്സുകൾ കൈകാര്യം ചെയ്തു.

ഞായറാഴ്ച ഉച്ചകഴിഞ്ഞ് ക്യാമ്പ് അംഗങ്ങൾ കോട്ടൂർ ആന പരിപാലന കേന്ദ്രം സന്ദർശിച്ചു. ഫാ.സൈമൺ പീറ്റർ, ആനിമേറ്റർ ഷിബു തോമസ്, സി.മഞ്ചു എന്നിവർ ക്യാമ്പിന്റെ പ്രവർത്തനങ്ങൾക്ക് നേതൃത്വം നല്കി.

ഞായറാഴ്ച വൈകുന്നേരം 5.30-ന് നടന്ന സമാപന സമ്മേളനത്തിൽ ഫെറോന ലിറ്റിൽ വേ എക്സി.സെക്രട്ടറി ഫാ. സൈമൺ പീറ്ററിന്റെ സമാപന സന്ദേശത്തോടു കൂടിയാണ് ഗ്രോത്ത്: 2019 – ന് സമാപനമായത്.