കോവിഡ് 19 നെതിരെ ബോധവൽക്കരണവുമായി നസ്രേത്ത്‌ തിരുകുടുംബ ദേവാലത്തിലെ യുവജന സംഘടനകൾ

ജോസ് മാർട്ടിൻ

ഫോർട്ട് കൊച്ചി: കെ.സി.ബി.സി. ആഹ്വാനം ചെയ്ത യുവജന ദിനത്തോടനുബന്ധിച്ച്‌ കോവിഡ് -19 എന്ന മഹാമാരിക്കെതിരെ നസ്രേത്ത്‌ തിരുകുടുംബ ദേവാലത്തിലെ കെ.സി.വൈ.എം., സി.എം.എൽ., ജീസസ്സ് യൂത്ത്, എന്നീ സംഘടകളുടെ സംയുക്താഭിമുഖ്യത്തിൽ ബോധവൽക്കരണം നടത്തി. ഇടവക വികാരി ഫാ.സെബാസ്റ്റ്യൻ പുത്തൻപുരക്കൽ കോവിഡ് -19 മഹാമാരിക്കെതിരെ പോരാടാനുള്ള ബോധവൽക്കരണ പ്രചരണ പരിപാടികൾക്ക് സന്ദേശം നൽകി.

കോവിഡ് പ്രോട്ടോകോൾ പാലിച്ചു കൊണ്ട് കോവിഡ് – 19 മഹാമാരിയെ എങ്ങിനെ പ്രതിരോധിക്കാം എന്ന സന്ദേശങ്ങൾ ആലേഖനം ചെയ്ത പ്ലക്കാർഡുകളുമായി യുവജന സംഘടനാ നേതാക്കൾ ബോധവൽക്കരണ പ്രചരണ പരിപാടികൾക്ക് തുടക്കം കുറിച്ചു. തുടർന്ന്, യുവജന സംഘടനകളെ പ്രതിനിധീകളായ ജിക്സൺ (കെ.സി.വൈ.എം), നിൽട്ടൻ (സി.എം.എൽ.) വിജിൽ (ജീസസ്സ് യൂത്ത്) എന്നിവർ ചേർന്ന് പതാക ഉയർത്തി. ഫാ.എഡ്വിൻ മെൻഡസ്, ഫാ.ജോർജ് സെബിൻ എന്നിവർ ആശംസകൾ അർപ്പിച്ചു.