കൊച്ചി രൂപതാ കെ.എൽ.സി.എ. സ്കോളർഷിപ്പ് വിതരണം നടത്തി

സ്വന്തം ലേഖകൻ

കൊച്ചി: കൊച്ചി രൂപതാ കെ.എൽ.സി.എ. സംഘടന സ്കോളർഷിപ്പ് വിതരണം നടത്തി. ഇടക്കൊച്ചി, ദൈവദാസൻ മോൺ.ലോറൻസ് പുളിയനത്തു ഹാളിൽ സംഘടിപ്പിച്ച സ്കോളർഷിപ്പ് വിതരണവും ആദരിക്കലും കൊച്ചി മെത്രാൻ ഡോ.ജോസഫ് കരിയിൽ ഉദ്ഘാടനം ചെയ്തു.

രൂപതാ പ്രസിഡന്റ്‌ പൈലി ആലുങ്കലിന്റ അധ്യക്ഷതയിൽ ചേർന്ന സമ്മേളനത്തിൽ ഹൈബി ഈഡൻ M.P. മുഖ്യാതിഥിയായിരുന്നു. ഹൈബി ഈഡനെയും Ph.D. ജേതാക്കളെയും മെത്രാൻ ആദരിച്ചു.

വികാരി ജനറൽ മോൺ.പീറ്റർ ചടങ്ങാട് സ്കോളർഷിപ്പ് വിതരണം നടത്തി. ശ്രീ. ഷാജി ജോർജ്, അഡ്വ.ഷെറി ജെ. തോമസ്, ടി.എ.ഡാൽഫിൻ എന്നിവർ ഉന്നത വിജയം കരസ്ഥമാക്കിയ വരെ ആദരിച്ചു. ജൂഡ് ജോസഫ് പുത്തം വീട്ടിൽ വിദ്യാർത്ഥികൾക്കായി സംഘടിപ്പിച്ച മോട്ടിവേഷൻ ക്ലാസ്സ് നയിച്ചു.

ഫാ.ആന്റണി കുഴിവേലിൽ, ഫാ.ആന്റണി തൈവീട്ടിൽ, ബാബു കാളിപ്പറമ്പിൽ, ജോബ് പുളിക്കിൽ, എഡ് വേർഡ് ഫ്രാൻസീസ്, സിന്ധു ജസ്റ്റസ്, ഷീലാ ജെറോം, സാബു കാനക്കാപ്പള്ളി, അലക്സാണ്ടർ ഷാജു, യേശുദാസ് പാലം പള്ളി, ലോറൻസ് ജോജൻ, ജോൺസൺ തട്ടാശ്ശേരി എന്നിവർ സംസാരിച്ചു.