കേരളാ സെന്റർ ഫോർ പോളീസിസ് ആന്റ് ഡവലപ്മെന്റ്സ് ആരോഗ്യ ശില്പശാല “അതിജീവനം” സംഘടിപ്പിച്ചു

ജോസ് മാർട്ടിൻ

വാടയ്ക്കൽ/ആലപ്പുഴ: കോവിഡ് കാലത്ത് സുരക്ഷിതമായി മത്സ്യബന്ധനം നടത്തുന്നതിന് മത്സ്യത്തൊഴിലാളികൾ അറിഞ്ഞിരിക്കേണ്ടതും ശ്രദ്ധിക്കേണ്ടതുമായ പ്രധാനപ്പെട്ട മുൻകരുതലുകളെ കുറിച്ച് കേരളാ സെന്റർ ഫോർ പോളീസിസ് ആന്റ് ഡവലപ്മെന്റ്സിന്റെ ആഭിമുഖ്യത്തിൽ “അതിജീവനം” എന്നപേരിൽ ആരോഗ്യ ശില്പശാല സംഘടിപ്പിച്ചു. ശില്പശാല ആലപ്പുഴ നഗര പിതാവ് ശ്രീ.ഇല്ലിക്കൽ കുഞ്ഞുമോൻ ഉത്ഘാടനം ചെയ്തു. കേരള സെന്റെർ ഫോർ പോളിസിസ് ആൻറ് ഡവലപ്മെന്റ് ചെയർമാൻ പി.ജി.ജോൺ ബ്രിട്ടോ അധ്യക്ഷത വഹിച്ചു.

ദേശീയ ആരോഗ്യ മിഷൻ ‘ആർദ്രം’ ജില്ലാ കോഡിനേറ്റർ ഡോക്ടർ ശരത് ക്ലാസിന് നേതൃത്വം നൽകി. സാനിറ്റൈസേഷൻ, മാസ്സ് ധരിക്കൽ സാമൂഹിക അകലം പാലിക്കൽ തുടങ്ങിയ ശീലങ്ങൾ സ്വയം മുൻകരുതലായി സ്വീകരിക്കണമെന്ന് അദ്ദേഹം പറഞ്ഞു. പോഷകമൂല്യം ഏറിയതും വില കുറഞ്ഞതുമായ മത്സ്യവിഭവങ്ങൾ പൊതുസമൂഹത്തിന് ഏറെ ഗുണകരമാകുന്നതാണ്. അതോടൊപ്പം സുരക്ഷിതമായ മത്സ്യബന്ധനം ഈ സാഹചര്യത്തിൽ കൂടിയേതീരൂ എന്ന് പ്ലാനറ്റ് ഓഷ്യൻ ഫൗണ്ടേഷൻ ചെയർമാൻ ജാക്സൺ പീറ്റർ ജാക്സൺ പീറ്റർ പറഞ്ഞു. വാടയ്ക്കൽ ഇടവക വികാരി ഫാ.ജോണി കളത്തിൽ, സി.പീറ്റർ കുട്ടി, ബിജു വട്ടത്തിൽ തുടങ്ങിയവർ സംസാരിച്ചു.