Categories: India

കാറപകടത്തിൽ മരണമടഞ്ഞ ഗ്വാളിയാർ ബിഷപ്പിന്റെ സംസ്കാര ശുശ്രൂഷകൾ ഇന്ന്, നെയ്യാറ്റിൻകര രൂപതയും പങ്കെടുക്കും

കാറപകടത്തിൽ മരണമടഞ്ഞ ഗ്വാളിയാർ ബിഷപ്പിന്റെ സംസ്കാര ശുശ്രൂഷകൾ ഇന്ന്, നെയ്യാറ്റിൻകര രൂപതയും പങ്കെടുക്കും

സ്വന്തം ലേഖകൻ

ഗ്വാളിയാർ: കാറപകടത്തിൽ മരണമടഞ്ഞ ഗ്വാളിയാർ ബിഷപ്പ് തോമസ് തെന്നാട്ട് SAC യുടെ സംസ്കാര ശുശ്രൂഷകൾ ഇന്ന് രാവിലെ 11.00 മണിക്ക് ഗ്വാളിയാറെ സെന്റ് പോൾസ് ദേവാലയത്തിൽ വച്ച് നടക്കും. നെയ്യാറ്റിൻകര രൂപതയുടെ പ്രതിനിധികളായി വികാരി ജെനറൽ മോൺ.ജി.ക്രിസ്തുദാസ്, വൈദീക സെനറ്റ് സെക്രട്ടറി ഫാ.ബിനു ടി., രൂപതാ അജപാലന സമിതി സെക്രട്ടറി ശ്രീ.നേശൻ എന്നിവർ പങ്കെടുക്കും.

ബിഷപ്പിന്റെ സംസ്കാര ശുശ്രൂഷകൾക്ക് മോസ്റ്റ് റവ. ലിയോ കോർണേലിയോ SVD, ഭോപ്പാൽ ആർച്ബിഷപ്പ്; മോസ്റ്റ് റവ. ആൽബർട്ട് ഡി’സൂസ, ആഗ്ര ആർച്ച്ബിഷപ്; മാർ മാത്യു മൂലക്കാട്ട് O.S.B., കോട്ടയം മെട്രോപൊളിറ്റൻ ആർച്ച്ബിഷപ്; മോസ്റ്റ് റവ. ജോസഫ് കൈതത്തറ, ഗ്വാളിയാർ ബിഷപ്പ് എമിരറ്റസ്; റവ. ഫാ. വര്ഗീസ് പുല്ലൻ SAC, പ്രൊവിൻഷ്യൽ റെക്ടർ; മോസ്റ്റ് റവ. പീറ്റർ പാറപ്പുള്ളിൽ, ഝാൻസി ബിഷപ്പ്; മോസ്റ്റ് റവ. അനിൽ ജോസഫ് തോമസ് കൂട്ടോ, ആർച്ച്ബിഷപ് തുടങ്ങിയവർ നേതൃത്വം നൽകും.

രൂപതയുടെ ഷെയോപൂറുള്ള സെന്റ് പയസ് സ്കൂളിലെ വാർഷികാഘോഷം കഴിഞ്ഞ് മെത്രാസന മന്ദിരത്തിലേയ്ക്ക് മടങ്ങവേ ആയിരുന്നു അപകടം. ഈ അപകടത്തിലൂടെ പള്ളോട്യൻ സഭയ്ക്കും ഗ്വാളിയാർ രൂപതയ്ക്കും വലിയ നഷ്‌ടമാണ് സംഭവിച്ചിരിക്കുന്നത്.

ബിഷപ്പ് തോമസ് തെന്നാട്ട് കോട്ടയം അതിരൂപതയിലെ കൂടല്ലൂരില്‍ 1953 നവംബർ 26 – ന് ജനിച്ചു. അദ്ദേഹം പള്ളോട്ടൈന്‍ സമൂഹത്തില്‍ ചേരുകയും 1978 ഒക്ടോബര്‍ 21 – ന് പൗരോഹിത്യം സ്വീകരിക്കുകയും ചെയ്തു. സഹവികാരി, വികാരി, ഹൈദ്രാബാദ് അതിരൂപതയുടെ കുടുംബത്തിനും അല്മായര്‍ക്കും വേണ്ടിയുള്ള സമിതിയുടെ കാര്യദര്‍ശി തുടങ്ങിയ സേവനങ്ങള്‍ അനുഷ്ഠിച്ച അദ്ദേഹം 2017 ജനുവരി 8 – നാണ് ഗ്വോളിയോര്‍ രൂപതയുടെ മെത്രാനായി അഭിഷിക്തനായത്.

vox_editor

Recent Posts

22nd Sunday_2025_വിട്ടുകൊടുക്കലിന്റെ സുവിശേഷം (ലൂക്കാ 14: 7-14)

ആണ്ടുവട്ടത്തിലെ ഇരുപത്തിരണ്ടാം ഞായർ ഇന്നത്തെ സുവിശേഷ പശ്ചാത്തലം ഏതോ ഒരു ഫരിസേയ പ്രമാണിയുടെ വീട്ടിലെ വിരുന്നുശാലയാണ്. പ്രമുഖ സ്ഥാനങ്ങൾക്കായി തിരക്കുകൂട്ടുന്ന…

1 day ago

21st Ordinary Sunday_2025രക്ഷയുടെ വാതിൽ (ലൂക്കാ 13: 22 – 30)

ആണ്ടുവട്ടത്തിലെ ഇരുപത്തിയൊന്നാം ഞായർ "കർത്താവേ, രക്ഷപ്രാപിക്കുന്നവർ ചുരുക്കമാണോ?" രക്ഷയാണ് ഇന്ന് ഏറ്റവും അവഗണിക്കപ്പെടുന്ന ഒരു വിഷയം. കാരണം, ജ്ഞാനസ്നാനമേറ്റ പലരും…

1 week ago

സമാധാനവും ഭിന്നതയും (ലൂക്കാ 12:49-57)

ആണ്ടുവട്ടത്തിലെ ഇരുപതാം ഞായർ "ഭൂമിയില്‍ സമാധാനം നല്‍കാനാണു ഞാന്‍ വന്നിരിക്കുന്നതെന്നു നിങ്ങള്‍ വിചാരിക്കുന്നുവോ? അല്ല, ഭിന്നത എന്നു ഞാന്‍ നിങ്ങളോടു…

2 weeks ago

18th Sunday_Ordinary Time_ദ്രവ്യാസക്തി എന്ന നരകം (ലൂക്കാ 12: 13-21)

ആണ്ടുവട്ടത്തിലെ പതിനെട്ടാം ഞായർ ജനക്കൂട്ടത്തില്‍നിന്ന് ഒരു നിർണായക ചോദ്യം ഉയരുന്നു: "ഗുരോ, പിതൃസ്വത്ത് ഞാനുമായി പങ്കുവയ്ക്കാന്‍ എന്റെ സഹോദരനോടു കല്‍പിക്കണമേ!"…

4 weeks ago

സേവനത്തിന്റെ കരങ്ങൾക്ക് വിലങ്ങിടുന്ന രാഷ്ട്രീയം

സൈറസ് എസ്., പ്രസിഡന്റ് കെ.സി.വൈ.എം. ആലപ്പുഴ രൂപത "The Indian Constitution guarantees the right to freedom of…

1 month ago

ബിഷപ്പ് ഡോ.സ്റ്റീഫൻ അത്തിപ്പൊഴിയിൽ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും നടന്നു

ജോസ് മാർട്ടിൻ ആലപ്പുഴ: ആലപ്പുഴ രൂപതയുടെ മുൻമെത്രാൻ ഡോ.സ്റ്റീഫൻ അത്തിപ്പൊഴിയിൽ പിതാവിന്റെ മൂന്നാം അനുസ്മരണ സമ്മേളനവും മെറിറ്റ് അവാർഡ് വിതരണവും…

1 month ago